النهاردة رفدت 23 عامل بسب 25 يناير

**smsm_hamada** · 27-01-2012 07:52 AM

العامل المصرى الى لازم يمشى بالجزمه ده هتلافيه جارك وقريبك وانت كدة من قاطعى الارزاق
ولو حضرتك بتخاف من التأمينات او الضرايب او الشرطه والجيش زى ما انت بتقول كنت احترمت ادميه الناس انما لسه الدنيا على حالها والموظفين لسه بيرتشو وناس بتدفع رشاوى زى سعادتك كدة (فــــــــــلــــــول)

**aboharb** · 27-01-2012 08:32 AM

مع احترامى للجميع ورفضى لرفد 23 عامل الا ان العامل المصرى سيء جدااا وواخد على نظام المال العام طالما اتنبه عليه بالعمل يبقى لازم يشتغل مش يبلطج ممكن تتعطل طلبييه تخرب بيت المصنع وتفلسه وده مش كلام نظرى ده خقائق وحصلت واحنا فى مصنعنا هذه الايام نعيش ماساه اشبه بذلك عمال يوميه يتبعون مقاول معتصمين وموقفين مبيعات المصنع منذ 10 ايام حتى الان واكتر من كده ولا راضين يشتغلو كل ده علشان عايزين نقلقل العدد شويه صغيرين ويشتغل بدلهم عمال من المصنع الاصلى وكانت النتيجه ان فيه مركب فى السويس متاخره منذ اسبوع على حساب المصنع مبالغ قد تصل الى مليون جنيه او اكثر وده مش فى دماغهم .

**Sameh** · 27-01-2012 09:16 AM

هو ايه علاقة الحالة دى بمسألة ان العامل المصرى مش قلبه على الشغل ؟!!
اليوم ده كان اجازة رسمى فى كل مصر
وليه صاحب العمل مايبقاش قلبه على العامل قبل ما يطلب منه يبقا قلبه على الشغل
ليه بتطلب حاجة بدون مقابل
يعنى بتطلب منه يجى يوم اجازة ولو امتنع هيترفد وتيجى ناس تكتب تقول اصل العامل المصرى قلبه مش على الشغل
طيب اديله اضافى عن اليوم ده او بدل راحة وهو ينزلك من الاجازة ، انما هو يشتغلك فى الاجازة ببلاش ليه ؟ ولو ماعملش كدة يبقا قلبه مش على الشغل
واسمحلى مسألة عدم اهتمامك بانهم يشتكوا تثبت حاجة من اتنين ، يا اما حضرتك مش مأمن عليهم اصلاً وده شغل غلط فيه استغلال لحق العامل وضياع اموال على الدولة ، يا اما حضرتك ممضيهم على استقالات من اول يوم تعيين وده ان حصل يبقا اسمه استعباد وافترا ، مش لاقى حالة تالتة للاسف لانك لو ماشى قانونى ماتقدرش ترفدهم بربطة المعلم كدة بدون سبب يخول لك الرفد من الاسباب اللى جاءت فى قانون العمل والا هتدفع لكل واحد فيهم شهرين اخطار وشهرين عن كل سنة عمل من المرتب الشامل على اخر مرتب وواضح ان حضرتك مش ناوى تعمل كدة ، يعنى انت واكل حقهم من الاول وبعدين تتهمهم ان قلبهم مش على الشغل
اسمحلى يعنى انا بكلمك بمنتهى الموضوعية بدون ما اعرفك شخصياً لانى شوفت حالات من دى كتير ومتخيل ورا كل واحد من دول كام واحد بياكل ويصرف من مرتبه ، وشوفت برضه الناس اللى افترت حصل فيهم ايه ، ماحدش فينا قد دعوة المظلوم لان دى مافيش بينها وبين ربنا حجاب ، فانا بنصحك نصيحة أخوية لله تاخد بيها او لأ ترجع الناس دى وماتخدش ذنبهم ، وممكن ترجعهم بطريقة ماتسببلكش احراج ويبقا انت كدة الكبير وقلبك عليهم لحد الاخر ، وهم هيشيلولك انك رجعتهم ، انما من جواك خليك فاهم ان انت ظلمتهم اصلاً من الاول

**mero100** · 27-01-2012 09:39 AM

تحياتي لكل الأعضاء
و كل عام وانتم بخير

ياجماعه الراجل صاحب الموضوع ممضي العمال علي استقالات قبل التعيين و كذلك علي استماره رقم 6 و ذلك قبل التعيين ..و دي اللي بتحسس العامل من اول ساعه شغل انه غير منتمي للمكان و بيدور علي اي مصيبه يعملها لصاحب العمل .... الموضوع منتهي يا جماعه .....ومحدش لاقي شغل + الجهل + الفقر + غياب العداله = الحاله اللي أدامنا

انا لابدافع عن العمال و لا ضد صاحب الموضوع لاسمح الله

لكن بلاش رأس المال هوه اللي يتكلم بالعجرفه ( و انا اسف لاستخدام هذا اللفظ ) و لكن لتوصيل وجهه نظري ليس الا ....ف بلاش عنجهيه و عجرفه رأس المال هوه اللي يتكلم ....لاننا بنتعامل مع بشر

لو بنطبق القانون مظبوط محدش حيتعب .....و لو صاحب اي مصنع شغل مراقبين جوده و مهندسين انتاج اكفاء ...العمال حيشتغلوا صح الصح ....لانه لو قصر حيتطبق عليه قواعد لائحه الجزاءات ....

ليه الناس مش ماشيه بنظريه : حقي و حقك

صاحب اي مصنع بيفترض ان العمال ولاد ( .....) و مش بشر .... و بيحقدوا عليه .....و عاوزين يخسروا المصنع .....

طب ما تجرب نظام الثواب و العقاب و بالقانون .....ايه المشكله .....اي علاقه ربنا خلقها بين طرفين بتحكمها قواعد او لوائح او قانون ......

احنا للاسف اللي بنبوظ الدنيا ......من خلال استخدام قوانيننا العرفيه .....

**Sh_sunsea** · 27-01-2012 10:56 AM

ياريت طبعا صاحب الموضوع الي كان سعيد أوي بكتابة الموضوع ولم يشارك لايضاح موقفه ورأيه من كل واحد كلف نفسه بالدخول والرد على الموضوع

أولا: اذا لم يكن وااااضح جدا من البداية ان نزولهم اليوم ده هايخليهم ياخدوا ضعف مرتبهم عن هذا اليوم فانت ظالم
ثانيا: الاخوة الي جبتهم مكان الي مشيوا هم السبب في ان اصحاب العمل زي حضرتك يتنفخوا نفخة كدابة ويفتكروا أنفسهم زي ما احد الزملاء قال بيتحسدوا من العاملين الي نفسهم يسرقوهم مش يشتغلوا عندهم بس

ثالثا: شئ طريف جدا ان العامل الي ماسمعش كلامك قولتله مع السلامة ومش همك حد لا داخلية ولا جيش ولا تأمينات ولا قانون - فعلا شئ طريف الى حد الحزن - علشان انت مستقوي على جميع الجهات الي انت هاتبوس جزمتها لما حد يضحك عليك في "الطلبية" ولا ياخد منك قرش وتقعد تعيط جنبه علشان يرجعهولك

وأخيرا: أشك صراحة في القصة من بدايتها - علشان لما مجموعة عمال عارفين حقهم كويس أوي كده وطالبوا بيه وخدوه كمان غصب عن عين صاحب العمل - مش هايرجعوا يستعطفوه علشان يكمل جميله ويكملهم باقي حقهم بالمرتب بتاع آخر الشهر - دول لو ما اعتصموش دلوقتي في قلب مكان العمل ووقفوا الشغل كله لحد ما تبوس جزم "الداخلية والجيش والتأمينات والقانون" علشان يوقفوا اعتصامهم - يبقوا هايولعولك في المصنع ولا مكان العمل قبل ما يمشوا

شكلك مش عايش في البلد اليومين دول وبتحرق دمنا بس والله

**human** · 27-01-2012 11:06 AM

المشاركة الأصلية كتبت بواسطة heshamzaky

معلش العمال دى علشان غلبانة مش فاهمين حقهم و حضرتك لازم تعرف معلومة ممكن فقط تكون غايبة عنك
لو حا تنزل عامل يوم اجازة رسمية القانون بيقول تدى لة بدل عملة عن اليوم دة يومين أجازة
حبى حا تديلة يوم بدل و تخلص القصة
= لو العمال متأمن عليهم وراحو مكتب العمل ممكن جدا يرفعو عليك قضية و التسلسل بتاعها سهل و معروف جدا حضرتك حا تخرجهم أزاى من على شاشة التأمينات لازم يكتبو استقالة و يمضو لك على استمارة رقم 6 غير كدة حا تتحط فى خانة اخرى و هى الخانة الى بيتكتب فيها سبب ترك الخدمة مش حا تقدر تكتب فيها رفد شهادة الخبرة حضرتك ملزم بموجب القانون تكتب لة شهادة خبرة و ممكن باللغة الانجليزية لو العامل دة طلب كدة دة حقة و انت ملزم بكدة و تديلة ما تم ايداعة لديك من اوراق تخصة مثل شهادات الميلاد و الخبرة و خلافة
علشان تمشى العامل من عندك طالما لم يمضى فى الخدمة عندك اكثر من 10 سنوات لازم تخطرة قبلها بشهرين كتابة و لو زادت مدة خدمتة عن 10 سنوات تخطرة قبل ما تمشية ب 3 شهور
و يستحق يوم أجازة فى كل اسبوع بخلاف أجازتة الاسبوعية للذهاب للبحث عن عمل اخر و الاجازة دى مدفوعة من قبل صاحب العمل و اليوم الى العامل حا يحددة بمزاجة
يستحق ما تبقى لة من رصيد اجازات عن أخر 3 سنوات عمل
لو جيت تمشية قبل انتهاء فترة الاخطار الى هية شهرين حا تقبضهم لة كمرتب
و بالمناسبة المرتب مش حا يتخصم منة الضرائب و لا التامينات حا يقبضة كاملا
لو العامل رفع عليك قضية فى المحكمة حا تضطر انك تدفع لة شهرين مرتب عن كل سنة قضاها فى العمل لديك
و الفلوس دى حا تتودع فى خزنة المحكمة ما دفعتش ممكن المحامى يعمل حجز على المصنع بتاعك و لو مفيش فلوس يبيعو اى اصول ثابتة لحين سداد الديون
================================

أهم ما فى الموضوع تذكر أنك عاوز تقطع عيش بنى ادم شغال
و العامل دة هو الى بيدخلك الفلوس و الا حضرتك تقف تشتغل بايدك و توصفيك لهم بأنهم
((( للاسف العامل المصري لازم ياخد بالجزمة عشان يشتغل , لكن بالمعاملة الطيبة يتملعن )))
مش حلو و لا فية اى جدعنة فى الكلام الى حضرتك بتقولة
اعذرنى لصراحتى بس أنا مش بحب الظلم أو أنى افترى على حد كان ممكن تخصم لهم مش ترفدهم

الله ينور عليك ويباركلك

**ahmed_halim197** · 27-01-2012 11:17 AM

جامد الموضوع دة

**khalabo** · 27-01-2012 11:30 AM

.................................................. ........................

لقد خالفت القاعدة رقم (13) من قواعد المنتدى لذا يتوجب حصولك على (ايقاف اسبوع).

يرجى مراجعة قواعد المنتدى
م.ع.11

**تامر.محمد** · 27-01-2012 11:49 AM

المشاركة الأصلية كتبت بواسطة heshamzaky

معلش العمال دى علشان غلبانة مش فاهمين حقهم و حضرتك لازم تعرف معلومة ممكن فقط تكون غايبة عنك
لو حا تنزل عامل يوم اجازة رسمية القانون بيقول تدى لة بدل عملة عن اليوم دة يومين أجازة
حبى حا تديلة يوم بدل و تخلص القصة
= لو العمال متأمن عليهم وراحو مكتب العمل ممكن جدا يرفعو عليك قضية و التسلسل بتاعها سهل و معروف جدا حضرتك حا تخرجهم أزاى من على شاشة التأمينات لازم يكتبو استقالة و يمضو لك على استمارة رقم 6 غير كدة حا تتحط فى خانة اخرى و هى الخانة الى بيتكتب فيها سبب ترك الخدمة مش حا تقدر تكتب فيها رفد شهادة الخبرة حضرتك ملزم بموجب القانون تكتب لة شهادة خبرة و ممكن باللغة الانجليزية لو العامل دة طلب كدة دة حقة و انت ملزم بكدة و تديلة ما تم ايداعة لديك من اوراق تخصة مثل شهادات الميلاد و الخبرة و خلافة
علشان تمشى العامل من عندك طالما لم يمضى فى الخدمة عندك اكثر من 10 سنوات لازم تخطرة قبلها بشهرين كتابة و لو زادت مدة خدمتة عن 10 سنوات تخطرة قبل ما تمشية ب 3 شهور
و يستحق يوم أجازة فى كل اسبوع بخلاف أجازتة الاسبوعية للذهاب للبحث عن عمل اخر و الاجازة دى مدفوعة من قبل صاحب العمل و اليوم الى العامل حا يحددة بمزاجة
يستحق ما تبقى لة من رصيد اجازات عن أخر 3 سنوات عمل
لو جيت تمشية قبل انتهاء فترة الاخطار الى هية شهرين حا تقبضهم لة كمرتب
و بالمناسبة المرتب مش حا يتخصم منة الضرائب و لا التامينات حا يقبضة كاملا
لو العامل رفع عليك قضية فى المحكمة حا تضطر انك تدفع لة شهرين مرتب عن كل سنة قضاها فى العمل لديك
و الفلوس دى حا تتودع فى خزنة المحكمة ما دفعتش ممكن المحامى يعمل حجز على المصنع بتاعك و لو مفيش فلوس يبيعو اى اصول ثابتة لحين سداد الديون
================================

أهم ما فى الموضوع تذكر أنك عاوز تقطع عيش بنى ادم شغال
و العامل دة هو الى بيدخلك الفلوس و الا حضرتك تقف تشتغل بايدك و توصفيك لهم بأنهم
((( للاسف العامل المصري لازم ياخد بالجزمة عشان يشتغل , لكن بالمعاملة الطيبة يتملعن )))
مش حلو و لا فية اى جدعنة فى الكلام الى حضرتك بتقولة
اعذرنى لصراحتى بس أنا مش بحب الظلم أو أنى افترى على حد كان ممكن تخصم لهم مش ترفدهم

انا مش مصدق عينيا !!!!!!!!!!!!!!!!!!!!!!!!!!!!!!!!!!

مزاجنجي باشا
انا بصراحة مش هاقول لك اني مؤيدك و حضرتك عارف انا باعزك ازاي
و انا عارف ان حضرتك في بالك الطلبية اللي تأخيرها هايخسرك جامد و بالتالي يأثر على العمال دول
انا فاهمك
لكن اعذرني حضرتك جانبك الصواب في موقفك ده , اظن ان اسلوب العمال مثلا خلاك قفشت ولا حاجة
عموما اللي انا شايفه باختصار و ممكن تقراه و ممكن ما تقراهوش كأني ما قلتش حاجة خالص , العمال دول من حقهم يوم الاجازة فعلا لأنه اجازة رسمي
و حضرتك في المقابل محتاج برده تخلص الطلبية و الموضوع مش حمل اجازة يوم
طب ايه العمل ؟
لو هاتاخد مبدأ العقاب يبقى اللي ما جاش تخصم له يوم مثلا, مش ترفده لأنه اخد حاجة من حقه
يبقى تعرض على الناس يوم ولا اتنين اوفر تايم للي ييجي الشغل يومها و ساعتها اكيد ناس منهم هاتيجي, او تطبيق ورديتين مثلا بأوفر تايم في اليومين تلاتة اللي بعده او قبله عشان تعوض اليوم ده , و برده تديهم اوفر تايم
اعذرني يا مزاجنجي باشا , بالاختيار اللي عملته حضرتك خسرت و هما كمان خسروا
حضرتك كده لا هاتسلم الطلبية في معادها , ولا اعطيت الحقوق لاصحابها !
ربنا يلهمك و يلهمنا جميع االصواب و يرزقنا الحق حقا و يرزقنا اتباعه و يرزقنا الباطل باطلا و يرزقنا اجتنابه

و اخير عايز اضيف لكل الاخوة اللي دخلوا شمال , عيب كده يا اخواننا , مش بالطريقة دي !

**pro_samir** · 27-01-2012 12:03 PM

بصراحه العمال في مصر يستاهلو كل خير وانا عاذرك في اللي عملته وعارف انهم قارفينك من قبل كده

بس الأفضل طبعا مكنتش توصل الأمور لكده

يعني هتشد وهتاخد نفس الموقف ، لكن يكون في حد تاني تبعك يهدي الدنيا ويلعب دور الوسيط بينهم وبينك علشان ميبقاش انت اتنازلت

وتبقي عملت اللي انت عايزه وهم عرفو انك مش باكي عليهم ومحدش هيعرف يلوي دراعك وعرفو ان الشغل مش بيقف علي حد

وفي نفس الوقت مقطعتش عيشهم ولا تعبت نفسك في ناس جديده لسه هتقول معاهم من الأول ولا اتعطلت

لكن بالوضع الحالي الموقف نفسه بقي عامل زي حد السكين ، الناس الجديده هتكون عارفه اللي حصل وهيحترمو نفسهم جدا ،بس في نفس الوقت هيكونو خايفين منك وعارفين ان الشغل معاك مفيهوش استقرار وده في حد ذاته سئ جدا واللي يجيليه فرصه أحسن مش هيتأخر انه يسيبك وتبقي خسرت مجهودك معاه