الموضوع: النهاردة رفدت 23 عامل بسب 25 يناير

ياجماعة
نظام معلش .. وخليها عليك ياكبير .. وسماح المرة دي
هو ده الأساس إن البلد دي متأخر
أنا
أنا أحمد العلاوي .. لما أكون شغال في مكان بأكل عيالي منه عيش
يبقا لازم أشيله على راسي .. طالما باب رزق مفتوح ليا ومقفول في وش غيري
يبقا أحمد ربنا
وأتقي ربنا في لقمة عيشي
ولو ماعملتش كده..وعادي إيكش تولع .. يبقا مما جنت يداي
يبقا الذنب ذنبي

ياجماعة فيه حاجة إسمها مصلحة الشغل
وحاجة تانية

لما يعملوا كده أول مرة .. والراجل يسكت
هيعملوها تاني .. وتالت .. ورابع
وإنتوا عارفين إن كلامي صح....
وإلي ييجي بعدهم .. يعرف إن صاحب الشغل مش بيهزر
شغل= معاملة طيبة وزيادات
إستعباط = شوفلك مكان تاني إستعبط فيه

وبعدين كله بنظام .. يعني أنا بجد مش فاهم
يعني إيه يقولوا ..أخدنا أجازة كده
طيب
أخدتوا أجازة كده .. خدوها على طول



وقد أعذر من أنذر
كما يُقال

المشاركة الأصلية كتبت بواسطة heshamzaky

بص يا باشا حا نتكلم بالعقل و المنطق يعنى الغرض مش المهاجمة لا سمح الله
================================
أولا انا فاهم كويس جدا شغل اللبط بتاع العمال و حافظة و فاهمة و عارف طريقتهم و اسلوبهم مش مختلف نهائيا معاك
بس اخر حاجة ممكن افكر فيها انى أقطع عيشة ممكن تقرفة فى عيشتة شوية تخصم لة تكدرة يعنى بأى شكل بس افضل ان يبقى فية شعرة معاوية تجاوزها يبقى خلاص قضى الامر .
طبق القانون عليهم بمعنى فية حضور و أنصراف أتأخر أخصم لة النسبة المقررة طبقا ل اللائحة المعلنة و تنذرة مرة و اتنين لو اصر على المخالفة يبقى هوة فعلا بايظ و مش نافع و منحل و يجب حلة .
ممكن تعمل كل الى انت عاوزة لو اخل بقواعد الالتزام بس و الله العظيم الخوف ان يكون حد منهم محتاج فعلا و انا بصورة غير مباشرة اكون قطعت عيشة
انا عارف الرد مسبقا و عارف بعض النوعيات بتفكر أزاى هو النهاردة فى جيبة قرش يبقى ميت فل و ممكن جدا تلاقية بيصرف فلوسة على اى كلام فاضى و ممكن يكون بيتعاطا اى حاجة بس أكيد فية منهم حد كويس و لكنة ضعيف الشخصية ماشى خلف كلام الاسطوات او الكوماتدة بتاعة و مدخل فى دماغة انهم العمال المهرة و لا العمال المهرة الى بعتهم محمد على الى الاستانة . عارف نوعية الدماغ دى طبعا و ان من غيرهم الدنيا تقف و عارف ان البعض بيفكر ان صاحب الشغل بيغرف فلوس و بيقطف ورق بنكنوت من شجرة الفلوس و هما الى بياخدو الفتات و الله كل الى يجى فى بالك و ممكن ما يجيش ممكن اكون حاسس بية و عارف انت عاوز تقول أية
===========
بس أخر قرار ممكن اتخذة انى اقطع رقبتة ((( يعنى اقطع عيشة ))) هى دى نقطة الخلاف بس لو سايق العوج على طول الخط يبقى طبعا لآ حا يشوف حزم شديد جدا و بصورة صارمة و فى نفس الوقت ممكن تظهر عواطف انسانية بس أهم حاجة أنة يكون بيقدر الكلام دة و ما يتناصحش و يقولك احنا الى ممشينة و سايقين .
==============
بالنسبة للنقطة رقم 6
6- قلتلهم احنا هنكلمكم و نرجع الناس الكويسين مع جزاء قالوا لأ احنا يا نرجع كلنا يا نمشي كلنا .

دى عندك فيها حق لانهم كدة حا يشتغلو شغل رباطية مع بعض و مش حا تعرف تقول لهم بم بعد كدة
حقك القانونى ان الاجازة تكون حسب حاجة العمل و دى ما أقدرش أقولك فيها نص كلمة .
===============
انا مش عارف طبيعة عملهم اية بالتحديد علشان اقدر اقيم لك الوضع بالظبط

=============
بالنسبة للجزئية دى
العمال كلهم كانوا تحت الاختبار لمدة 6 شهور و هيتعين بعقد عمل و يتامن عليه و تامين صحي , كمان انا كنت بقف على ايد كل واحد و اعلمه و لو حد عايز سلفة بديله و لو حد تعب باخده بعربيتي اوديه المستشفى و اجيبله علاجه و اديه اجازة مدفوعة لحد ما يخف حتى لو ماكانتش اصابة عمل


كدة انا تقريبا فهمت هو مفيش أى علاقة رسمية بين الطرفين لان دول مش متأمن عليهم . بجد و الله و اسأل لو واحد منهم لبط بس بيشغل مخة ممكن يلعب عليك لعبة يروح مكتب العمل و يشتكى و تلاقى تفتيش مفاجىء من مكتب العمل طابب على مقر العمل و حا يعد الانفار و يقولك هاتلى ملفات العمال دى لو مفيش ورق ممكن تتعمل مخالفة الاول كانت غرامة مالية فقط حاليا غرامة مالية مع عقوبة بالحبس واجب النفاذ مش مع ايقاف و اسأل محامى من طرفك بس يكون واحد عقر و مدقدق شوية و عارف مش يقولك اى كلمتين و السلام


كون ان حد بيتعب و انت بتقوم معاة بالواجب دة شيىء عشرة على عشرة و احيك علية خصوصا فى موضوع السلف لانك غير مجبر انك تديلة سلفة دى حاجة ثوابها من ربنا لك و ربنا يباركلك فى فعل الخير .

بس على نفس الصعيد حا اشرحلك الشق القانونى لقانون العمل
العامل او الموظف لازم من اول يوم يدخل فية الشغل عندك يتامن علية و فترة الاختبار مدتها 3 شهور فقط لا غير
الشركة مسؤلة عن العامل قبل مواعيد العمل و بعد مواعيد العمل اعتقد بساعة زمن يعنى لو حصل لة مصيبة و هو مروح ممكن تتكيف انها اصابة عمل على فكرة

=================

الغرض من الشرح مش مهاجمة و لا عفوا غلاسة على حد بس اقولك الصح ما لك و ما عليك بمنتهى الحيادية

+1111111 كلام استاذ هشام مظبوط و ده من واقع دراستي في حقوق
و اصابة العمل بتكون مسئولية العمل خارج العمل طالما كان الهدف من وجوده خارج مقر العمل بسبب العمل و ليس فترة محددة لكن بيتوقف يعني مثلا شخص بياخد ساعة في الطريق عشان يوصل و طريقه يمين في شمال في يمين تاني وصل لو في نفس الاتجاه و رايح الشغل و حصله لا قدر الله حاجة بتكون مسئولية العمل اما لو مثلا تتبع طريق اخر يعني مثلا قال هروح اخلص مشوار خاص بيا و ارجع يقي هنا خرج عن خط سيره المحدد و بالتالي يتحمل المسئولية اما لو كان خروجه عن خط سيره المحدد لظروف معينة يعني مثلا عشان يروح الشغل لكن فيه ظرف قهري يمنعه من نفس خط السير او اتخذ خط سير اخر بهدف انه يفضي مصلخة زي مثلا يجيب عيش لأسرته او ما يوازيها فاي حاجة تحصل بتكون برده اصابة عمل ده استئناء مراعاة للعامل