هي النفسنة و الشلللية من بعض الاعضاء وصلت للدرجة دي !!!؟؟

**أشرف العدوي** · 12-02-2012 02:02 PM

بغض النظر عن الموضوع
أنا مش فاهم حاجة

**Karim_Monir** · 12-02-2012 02:39 PM

المشاركة الأصلية كتبت بواسطة human12

ادعوك للفرجه على فيلم البرئ
هتلاقى تشابه رهيب بين نفس المنطق و المنطق اللى موجود بالفيلم

نيههههههههههههه

**ehab_mansour** · 12-02-2012 02:50 PM

لا حول ولا قوة إلا بالله
الهم الف بين قلوبنا جميعا و اهدنا لما تحبه و ترضاه
رجعت تاني ايام المشاكل اللي كانت قديمة و اللي انقسم فيها اعضاء كتييييييييييير كانو نشطين جدا بالمنتدي و لأسباب غريبة و مريبه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

الله المستعان

**Donzi** · 12-02-2012 03:19 PM

المشاركة الأصلية كتبت بواسطة amatoallah

عادي جدا , انتي مستغربة ليه يا دونزي

اي مكان تروحيه فيه كده , فمابالك بالنت

كبري دماغك و اعملي نفسك مش شايفة :)

انا مستغربة لاني مكنتش متوقعة ان دا يحصل في المنتدى او بمعنى اصح بين ناس العلاقة بينهم بسيطة و مش معقدة او متداخلة زي علاقات العمل او الزمالة لان مفيش احتكاك مباشر دا غير ان مفيش مايستدعي ان يبقى في عداوة توصل للحد دا

يعني لو ناس بتتنافس في بيزنس ممكن دا يحصل مع انها هاتبقى منافسة غير شريفة بس بتحصل و لو ناس مع بعض في شغل برضو ممكن عشان مشاكل و حوارات الشغل و هكذا انما هنا مكنتش اتوقع ان دا يحصل بصراحة و بالشكل المتدني دا

المشاركة الأصلية كتبت بواسطة aly_hosny

في ناس مبتحترمش الاختلاف في الراي
وشايفها انها لما تتريق او تشتم الشخص ال بتكلمه كدا هو حصل على مراده
انا الاول كنت برد على ال يغلط فيا "بكلم على النت فقط" دلوقتي بقيت اتجاهله لاني عارف ان دا هيخليه ياكل في نفسه
يعني مثلا لو اقدر بكل بساطة امسح الكومنت بتاعه و اعمله بلوك لو على الفيس
لو هنا على المنتدى بعمل تقرير و استنى رد الادارة عشان لو مش كدا اقدم شكوى
وفي كل الاحوال حقي هاخده

و بصراحة انا شايف ان الادارة مش زي ما الناس بتصور
هو ممكن الاختلاف معاها حصل عشان الادارة مطبقتش القوانين بحذافيرها في موضوعات"themes" معينة كنوع من التخفيف على الاعضاء و زي ما الاستاذ كريم كان ذكر انه قال للمشرفين يخفو ايديهم في الايقاف في الموضوعات السياسية ف دا ادى ان ممكن مشرف يخف ايده اوي ومشرف لأ

يا استاذ علي مفيش حد مابيجيلوش لحظة و يتعصب او يخرج عن شعوره و يغلط بشكل او باخر و خاصة لو كان اللي قدامه مش بيراعي مشاعرو في موقف معين و مصمم يستفزو لكن ان الامر يوصل لكل الكم دا من النفسنة و التامر و الاستهزاء و بالذااااااااااااات في الضهر بجد بتبقى حاجة قميئة جدا جدا

الموضوع مش متعلق بالادارة في المقام الاول بالعكس هوا متعلق ببعض الاعضاء و اخلاقياتهم لان معظم اللي انا ذكرتو من تامر و تشهير و استهزاء حصل في موقع تاني - الفيس بوك - فالادارة كانت ضحية و اتعرضو لكتير من اللي انا قلته

**Donzi** · 12-02-2012 03:44 PM

المشاركة الأصلية كتبت بواسطة ahmed_nubira

اعتقد معظم الكلام والنفسنه والحجات دى فى المنتدى الاجتماعى غير كده لا
المنتدى الاجتماعى سبب المشاكل
المنتدى الاجتماعى سبب وقف 98% من الاعضاء الموقفين
المنتدى الاجتماعى على طول خناقات وبقيت بخاف ادخله اصلا الا لو هسال عن شىء معين فقط
المنتدى الاجتماعى كله سياسه ومشاكل دة غير العلاقات الزوجيه والعلاقات الغير مشروعه اللى كانت فى فتره من الفترات. والدليل...الجمل حيوان اليف ياكل العشب..بصراحه كانت حاجه تقرف
اصبح نايل موتورز منتدى اجتماعى اكتر من انه منتدى سيارات
ياريت نمنع اننا نتكلم فى السياسه دة مش منتدى سياسى ومن زمان بنحكى فى القصه دى

لا يا استاذ احمد مش في الاجتماعي بس للاسف
اجتماعي
احوال الشارع المصري
البيع و الشراء
الاعلانات
و الاقسام المتخصصة في العربيات كمان

لان اكيد في كل المناقشات بيكون في اختلاف في الرأي بس مش المفروض ان الاختلاف دا يوصل للي انا حكيتو خالص و المنع عمره ما هايكون حل

المشاركة الأصلية كتبت بواسطة hobiko

الموضوع اللى بتقولى عليه يا أنسه دونزى بسيط

فى اللى أكبر من كده

ايه رأيكم فى اللى شغال مخبر على الناس اللى فى المنتدى و عنده استعداد يبعت فيهم تقارير أمنية خصوصا المشاركين فى قسم أحوال الشارع الثورجية من مناهضى حكم العسكر ؟؟؟!!!

ده المفروض نقول فيه ايه ؟؟؟!!!!

لا بجد مش عارفة اقول ايه و مش متخيلة انها وصلت للدرجة دي ابدا

يعني اضمن من كلامك ان انا ليا ملف امن دولة ؟؟ عموما يكون ليا الشرف

اما الناس دي فا ربنا يوقعهم في شر اعمالهم ان شاء الله

و الشخص دة موجود هنا ؟[/QUOTE]

ما كل الامثلة اللي انا ذكرتها موجودة هنا مستغرب ليه بقى على دا

**A.Saad** · 12-02-2012 05:08 PM

و بالصدفة واحدة من الرسايل دي اتعملها بوست بالغلط كمشاركة في موضوع ما و شفت التحريض عليا و الغلط فيا بعيني و نص الرسالة دي عندي

واكتر من موضوع فى الاحوال كان الاعضاء بيدعوا بعض على صفحات الموضوع بعمل تقرير مشاركة فى عضو او مشاركة مش عاجباهم

ملخص الكلام
رسالة على الخاص بتتكلم عن العضوة صاحبة الموضوع
سواء الكلام يليق او لا يليق
الافضل ان يتم اللجوء للادارة
الا لو العضوة شايفة ان ما حدث ليس من اختصاص الادارة

**Donzi** · 12-02-2012 05:21 PM

المشاركة الأصلية كتبت بواسطة human12

اولا

المشاركه ديه من العضو العزيز هشام زكى فى بوست لدونزى
المشاركه ديه مش لاقيها فى الموضوع

اتمسحت ازاى؟؟!!!

انا اللي طلبت ان المشاركات الخارجة عن مسار الموضوع تتحذف و دي كانت من ضمن المحذوفات

اللى عايز يبلغ يبلغ ... انت بتعمل حاجه غلط؟؟؟ ده احنا هنا ماسكين نفسنا فى الكلام ... لو على كده الفيسبوك بتاعنا ممكن يدخلنا جهنم

-
ثانيا
بالنسبه للموضوع المطروح من قبل دونزى

انا مش عارف انت زعلان ليه؟ ماللى يبعت يبعت و اللى يعمل يعمل .... اعمل انت الصح و ماتتفاجأش ان الانسان مجرد انسان
عشان كل ما هتحط امل كبير على الانسان كل ما هتتعب

كلنا بنخطى و نصيب و مافيش حد وحش طول الوقت ولا حل طول الوقت

وانت ممكن تبقى شايف الموضوع من زاويه الضحيه و ممكن يكون اللى بتتكلموا عليهم شايفين نفسهم ضحيه برضه

و الاعضاء اللى بيقولوا المشاكل ده مكانتش موجوده و زمان و مش زمان
انتم نسيتم اللى حصل فى 2008 و 2009؟؟ ده كان مهرجان الوقف للجميع و شلل فعليا و اعتراضات بالجمله و بانرز للاعتراض فى التوقيع
يعنى اللى احنا فيه دلوقتى لا يرقى للمستوى السابق فى ااختلاف لسه

ولا نسيتوا اللى حصل 2010؟ و الوقف اللى حصل و التراشق فى كل مكان فى المنتدى ده احنا روحنا وراهم منتدى تانى!!

لاحظت ان حضرتك بتكلمني على اني مذكر بس انا بنت على فكرة

انا زعلت لان كل دا بيحصل في مكان انا بحبه و بحترمه
ثانيا لانه حصل من اشخاص مكنتش اتوقع منهم دا ابدا و خاصة اني عمري ما غلطت فيهم او مفيش مبرر لانهم يعملوا معايا كدا
ثالثا لاني اكتشفت ان دا مش حاصل معايا لوحدي بل في مجموعة معينة من الاعضاء مقضينها شتيمة و تريقة على باقي الناس لمجرد اختلافهم معاهم في الرأي

في الحالة او في الحالات دي اعتقد من حقي ازعل

المشاركة الأصلية كتبت بواسطة hobiko

اللى عايز يبلغ طبعا براحته و لا تفرق خالص اذا كنا بننزل المظاهرات قدام وزارة الدفاع و قدام المنطقة الشماليه فى اسكندرية

حنخاف من الكلام اللى بنقوله على المنتدى أو على الفيس بوك :)))))

أنا بس مستغرب من اللى عنده استعداد يعمل كده فى زمايله فى المنتدى و فى المنتدى نفسه و هو عارف ان ممكن حد تانى مالوش ذنب رجله تيجى فى الموضوع

أنا بس بستغرب على نفوس الناس مش أكتر

الحمد لله ان مش لوحدي اللي مستغربة لان البعض محسسني ان اللي بيحصل دا عادي جدا و متوقع و طبيعي بس انا مش حاسة كدا خالص

**Donzi** · 12-02-2012 05:27 PM

المشاركة الأصلية كتبت بواسطة shadygalal669

انا عندي 22 يعني اصغر من اغلب الناس هنا
بس ردي علي اللي مكتوب ده .. نفوس ضعيفه فعلا وعيب لما تبقي شخص المفروض مسئول وتخطيت المرحله دي ويصدر منك الافعال اللي الاستاذه دونزي بتقول عليها

شكرا يا شادي بس الموضوع مالوش اي علاقة بالسن هوا ليه علاقة بالشخصيات و النفسيات و حاجات تانية كتير

المشاركة الأصلية كتبت بواسطة a7med_pharma

أنا مش معاك في دي
الإدارة مش فعل واحد .. يتحكم عليه بإنه كويس في المطلق .. أو سئ في المطلق
مواقف ومواقف
كريم نفسه مش بقا موجود زي الأول .. عنده إهتمامات تانية
=====
النقطة الأهم وسبب مشاركتي في الموضوع
الــشــلللــية
مين قال إنها عيب .. أصحاب أو أصدقاء بقوا شلة بموقف موحد
دي مش عيب

العيب إنهم يتحيزوا ضد شخص بعينه لسبب تافه أو خلافه
النفسنة بقا حاجة تانية خالص..مش هتكلم فيها أساسا

جوايا كلام كتير يخص أعضاء كتير .. لكن مش عاوز أخسر حد
صباح الخير

ماهو الصداقة او الشللية بمفهومها الصح عمرها ما كانت ولا هاتكون عيب يا دكتور و زي ما انت بتقول العيب انها تتحول لاتفاق على شخص او مجموعة اشخاص و كدا احنا متفقين ، اما النفسنة فا حدث ولا حرج

-

الموضوع: هي النفسنة و الشلللية من بعض الاعضاء وصلت للدرجة دي !!!؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

اتخنقت من النفسنة بتاعت السواقين

هو صعب للدرجة دي

هى السرقة وصلت للدرجة دى؟؟؟

مش للدرجة دية

الكلمات الدلالية لهذا الموضوع

المفضلات

المفضلات

ضوابط المشاركة