الموضوع: هي النفسنة و الشلللية من بعض الاعضاء وصلت للدرجة دي !!!؟؟

المشاركة الأصلية كتبت بواسطة khaled_yassin

الغريبه انك بنوتة وبتقولى الكلام دة ؟؟
مع ان البنات ديما بينهم وبين بعض حساسية ونفسنه فالمفروض تكونى متعودة
اخيرا احب اقولك ان هما دول المصريين , للاسف احنا شعب ما بنعرفش نتكلم ولا نسمع بعض ,
وكل واحد فينا بيمسك فى راى معين , وللاسف الاكبر ما بنعرفش نعتذر لبعض
فمن الاخر كبرى دماغك واديكى عرفتى الكويس من الوحش
واخيرا احب اقولك كلمة باينه اوى من كلامك
انك انسانه طيبة اوى وتعاملتى مع الناس هنا فى المنتدى انهم اخواتك
يعنى العشم اخدك , ويمكن دة الى مزعلك
الاغرب انى مش لاقى ولا بنوتة ردت على الموضوع؟؟؟؟

ولا غريبة ولا حاجة يا استاذ خالد و هاقول لحضرتك ليه

لان الواقف اللي انا ذكرتا و خاصة في مجموعة الاسئلة اللي في النصف التاني من الموضوع حصلت فعلا و انا عرفتها لكن مش كلها حصلت معايا انا شخصيا دا غير ان مش كلها حصلت من بنات او سيدات بالعكس العنصر الرجالي كان اساسي فيها و متزعم و محرك كمان

دا غير اني مش متعودة خالص على النفسنة و كل ما يشبهها لاني ببساطة في حياتي بتعامل بوش واحد و لما بزعل من حد ولا باخد موقف من حد بكون واضحة و صريحة جدا و بقوله كل اللي جوايا او باخد منه موقف بعلموا مش من ورا ضهروا و بالتالي فا معظم اللي اتعاملوا معايا عارفين شخصيتي

ثالثا ان انا عندي 27 سنة و لحد دلوقتي متعرضتش لموقف ان واحدة تكون عاملة صاحبتي و حبيبتي و تغتابني و تذم فيا من ضهري فا يمكن المرة الاولى بتكون صعبة شوية و هوا فعلا على رأي حضرتك العشم اخدني بس للاسف للي مايستهلوش

المشاركة الأصلية كتبت بواسطة ezzatfox

خلاص يا جماعة حصل خير و الحمد لله الحاجات اللى كانت مزعلاكوا .. فى اعضاء فهمتنا انها حاجات عادية خالص .. يعنى التبليغ عن اللى مبيحبش مصر (من وجهة نظر اللى بيبلغ ) دة شىء عادى جدا و واجب وطنى كمان .

و كمان تقارير المشاركة لما نتفق نعملها مع بعض ضد حد مضايقنا دة موضوع طبيعى جدا و عندكوا قوانين المنتدى زعلانين لية بقى .

المهم للاستاذة دونزى و الاعضاء المحترمين . انا من كتر ما كنت بشوف اراء و مناقشات تسد النفس كنت هبطل ادخل على المنتدى .. بس لو انتى و كل الاعضاء المحترمين هيعملوا كدة يبقى هنسيب كل المجالات لامثال هؤلاء الذين تحدثتى عنهم - تطبيقا للقاعدة القائلة - العملة الرديئة تطرد العملة الجيدة .

عشان كدة حاولى تنسى كل دة و متيأسيش .. التغيير لن يأتى بدونك و بدون المحترمين من امثالك

و لا تنسى انة احيانا الاختلاف فى الاخلاق و المبادىء يسمى اختلافا فى وجهات النظر

لأ و كمااااااااااااااان البعض بيبرروا لنفسهم الغيبة و النميمة و الاستهزاء بالاخرين و انهم غلطوا فيهم من ورا ضهرهم و قدامهم عاملين صحابهم

طيب لما رأيكم فيهم كدا عاملين صحابهم لييييييييييييه ؟؟

اعتقد كان اكرملهم يقولوا للي هما مختلفين معاه رأيهم في وشوا بدل ما يغتابوه و ينموا عليه في ضهره

لالالالالالالالالالالالال ا مين قال اني هابطل ادخل على المنتدى ولا ان المحترمين المفروض يسيبوا الساحة لاصحاب النفوس الضعيفة بالعكس انا بحترم المكان جدا و وجود بعض الشخصيات المعيبة عمره ما هايأثر و هوا دا الهدف من الموضوع ان يوصلهم رسالة انهم اتكشفوا و ان احنا مترابطين و متحابين و مكملين في منتدانا المحترم رغم انوفهم