للبيع عدسات زينون عالي/واطي

**أبومعاذ** · 26-03-2012 03:31 PM

أستاذ محمد أنا عندي عدسات عالي وواطي و عايز اركبهم مفيش مكان كويس تقترحه عليا اركب عنده

**FunnyMickey** · 26-03-2012 08:17 PM

المشاركة الأصلية كتبت بواسطة muhamednabil

هممممممم طيب نبدا من الاول تانى

بما انك عايز تركب عدسات تانى بالاضافة للعندك و بما ان العدسات دى غالبا بتكون افضل من العدسات البتنزل فى الكشفات التايوانى او الصينى يبقى الافضل انك تخلى الحجات الاداءها افضل هى النور الاساسي عشان كده قلتلك تشيل العدسات النازلة فى الكشاف و تبدلها بعدسات بتاعت زينون اصلا
و تركب التانيين الانت شيلتهم فى مكان العواكس بتاعت النور العالى

كل الاختلاف فى الكلام الباقى عن اختلاف موديلات العدسات الممكن تركبها

لحد هنا تمام ولا ايه

كده تمام وانا فعلا كان نفسي اعمل كده والله
بس لقيت التكلفه حتعلي عليا
كان عندي زيهم بالظبط
من غير رينجات ولا حاجه
بس اما قريت كويس عن موضوع تركيب العدسات ده
قالولي انه مش في كل الاحوال بينفع
ولو جبت عدسه جيتا ولا مرسيدس وركبتها في الفانوس مش حتبقي تمام وممكن بعد ما يقفل ميعكسوش النور زي مانا عاوز
والكلام ده سألت فيه الفنجري اللي في الحرفيين
وقاللي نفس النتيجه
ايه النظام بقي ؟

وترشحلي ايه بقي من العدسات دي او عند غيرك حتي خاصه اني عندي رينجات اصلا في الفانوس
وابعدنا الله يكرمك عن d2s
انا مش اد تمنها
انا بقي حلم حياتي اني اشوف الطريق بالليل :)

**MuhamedNabil** · 27-03-2012 12:48 AM

المشاركة الأصلية كتبت بواسطة FunnyMickey

كده تمام وانا فعلا كان نفسي اعمل كده والله
بس لقيت التكلفه حتعلي عليا
كان عندي زيهم بالظبط
من غير رينجات ولا حاجه
بس اما قريت كويس عن موضوع تركيب العدسات ده
قالولي انه مش في كل الاحوال بينفع
ولو جبت عدسه جيتا ولا مرسيدس وركبتها في الفانوس مش حتبقي تمام وممكن بعد ما يقفل ميعكسوش النور زي مانا عاوز
والكلام ده سألت فيه الفنجري اللي في الحرفيين
وقاللي نفس النتيجه
ايه النظام بقي ؟

وترشحلي ايه بقي من العدسات دي او عند غيرك حتي خاصه اني عندي رينجات اصلا في الفانوس
وابعدنا الله يكرمك عن d2s
انا مش اد تمنها
انا بقي حلم حياتي اني اشوف الطريق بالليل :)

افضل حل فى رأى بتوع الاوكتافيا و ده مش اقوى اضاءة بس افضل فى النواحى دى

- حجمهم مناسب جدا للكشفات العندك عشان الكشاف عريض بس مفهوش طول و لو العدسة حجمها كبير حيبقى فى قطع و تعديل عشان تركب و الكشاف حيتبهدل
- لو انت عايز تستعمل لمبات h7 زينون و لو حتى هالوجين برده شغال ( ده بعد تعديلهم طبعا )
- قطر العدسة تقريبا زى العندك عشان متكونش اكبر من الرينجات
-و اخيرا السعر بعتبر ارخصهم 200 جم

الحل البعد كدة بتوع الجيتا و مشكلتهم اللمبات او العدسات نفسها صعب انها تتعدل عشان تاخد لمبة تانية بدل d2s

المازدا 3 و الشارك حجمها كبير بالنسبة للتثبيت من جوة و ممكن تضطر تلغى الرينجات عشان ميبقوش مغطيين جزء من العدسة و تعديل اللمبة صعب بس مش مستحيل

fxr كبار على الكشاف .

المش عندى هما المازدا و الجيتا عندى واحد كويس و التانى كان مخبوط يعنى تقدر تقول برده مش عندى

و بالنسبة لتركيبهم دى حاجة بسيطة متشغلش بالك بيها إن شاء الله حتصرفلك انا عارف شغل الفنجرى شكله حلو بس ضبط الاضاءة بتاعت العدسات المستعملة المبتركبش على طول دى بتهرب منهم شوية و اعتقد شغلهم اقوى فى الكشفات الخلفية .
لو عرفيت تظبط انت و تجيب العدسات و محتاج مسعدة فى التركيب برده مفيش مشاكل .
انت لسه عندك الكشفات القديمة !

المشاركة الأصلية كتبت بواسطة Maged93

استاذ محمد انا عندي 128 وعايز اجيبلها عدسات عالي واطي وتكوون حلو اضاءتها ينفع بعد اذنك تقولي بكام

بص يا باشا
مبدئيا حتحتاج كشفات كريستال عشان كشاف 128 ازاز و فيه تقسيمات لتوزيع النور و ده مينفعيش مع العدسات
تانى حاجة الكشفات دى مفيهاش عمق فغالبا مش حتقدر تستفيد بطريقة التركيب السهلة يبقى خليك فى المستعمل بما انك كده كده حتضطر تقطع فى الكشاف يبقى ملوش لزوم مصاريف اكتر لان العدسات الجديدة غالية.

**أبومعاذ** · 27-03-2012 02:22 AM

المشاركة الأصلية كتبت بواسطة muhamednabil

هما انهى نوع البيتربط على طول مكان اللمبة بدون قطع فى الكشاف و لا العدسات المستعملة البتكون طالعة من كشفات
لو هى البتتربط على طول دى امرها سهل قوى لو ليك فى الشغل بايدك ممكن اسعدك و هو اصعب حاجة هو فك وش الكشاف.
و لو عايز حد متخصص فى الفنجرى و الخاواجة فى الحرفيين بس معرفيش مصنعيتهم ايه فى التركيب.
ممكن تتصل بيهم او تعدى عليهم و تسألهم .

لو بقى العدسات من النوع التانى دى اغلب الناس مش بيضبطوها فمش حقدر انصحك بحد معيين

و لو لقيت التكلفة بتاعت التركيب مبالغ فيها قولى و ممكن نرتب و إن شاء الله اسعدك فى الموضوع ده

تسلم يا باشا ربنا يكرمك
هما فعلا من النوع اللي بيركب بدون قطع مكان اللمبة بس المشكلة إن الكشاف عندي عشان يتفك لازم أفك الإكصدام :(

**أبومعاذ** · 28-03-2012 12:24 PM

المشاركة الأصلية كتبت بواسطة MuhamedNabil

انا كنت فى الحرفيين انهرده بسأل على الدينامو و عديت على الفنجرى , قالى لو حتركب العدسات بس حياخد مصنعية 60 جم و لو عايز تلمع او حجات تانية المصنعية بتزيد.
موضوع الاكسيدام ده بسيط اكيد حتلاقى فيديوهات لناس بتفكه.

و انا كنت عايز اعرف الموديل بتاع العدسات الاشترتها هل عندك ليها صور او حاجة و السعر و الاماكن لو امكن.

موديل العدسات في اللينك ده:
BI-Xenon Projector Lens light-HID ANGELS EYE H1 H7 H4 | eBay
ودي صورتهم:

وأنا شاريهم مستعملين مش جداد ومشكلتي معاهم إن فيهم رينجات لونها أزرق و أنا عربيتي حمرا فعايز اركب رينجات تانية معاهم و كنت سالت شريف الفنجري على القصة دي قالي الرينجين بتركيب العدسات ب 350 و أنا اللي هفك الفوانيس أيه رأيك في السعر ده؟

**MuhamedNabil** · 28-03-2012 05:43 PM

المشاركة الأصلية كتبت بواسطة أبومعاذ

موديل العدسات في اللينك ده:
bi-xenon projector lens light-hid angels eye h1 h7 h4 | ebay
ودي صورتهم:

وأنا شاريهم مستعملين مش جداد ومشكلتي معاهم إن فيهم رينجات لونها أزرق و أنا عربيتي حمرا فعايز اركب رينجات تانية معاهم و كنت سالت شريف الفنجري على القصة دي قالي الرينجين بتركيب العدسات ب 350 و أنا اللي هفك الفوانيس أيه رأيك في السعر ده؟

هو انا بصراحة مش من بيعجبنى لما الكشاف يكون كبير نسبيا و الرينج صغير و فى النص
انا لو منك مشغليش الرينجات, اوصل العدسات بس و اخلى اللمبة الصغيرة الاصلية بتاعت العربية