الموضوع: للبيع عدسات زينون عالي/واطي

المشاركة الأصلية كتبت بواسطة m.farouk




انا معى استرا 2013 وكنت عوز اركب زينون فى الواطى وجربت كل الانواع الى فى السوق وبتعمل علامة خطاء فى الكمبيوتر جربت كلو المتكود والديجيتال وواجهزه تكويد والكامبس وكلة نفس المشكلة ولفيت شوبة فى النت ووصلت انى سبب المشكلة انى عربيتى فيها atuo light &DLR يعنى بتنور لوحدها وفيها الاضائة النهارية فكنت عوز اعرف فى حل عندك للموضوع ده وعلى فكره هى بتعمل المشكلة دى مع النور الواطى بس الباقى شغال عادى وسؤال كمان انا ركبت زينون فى الشبوره هو عباره عن fog Projector بس العدسة شكلها من قدام كده فيها تجزيعات خطوط طولية فهل ممكن اغير العدسة بس واجيب واحده تانية تكون اضائتها افضل بس العدسة حجمها اصغر شوية من العدسات الى بتركب فى الواطى او العالى من فين واية احسن حاجة انا كنت عوز اركب عدسات فى الواطى بس بسراحة العربية جديده ومش جيلى قلب افتح الفانوس انا سئلت على فكره على فانوسها الاصلى الى فية زينون طلع فى حدود 22000 الف جنية مصرى تقريبا فمجبتوش طبعا


طيب ايه هو error البيطلع , ان في لمبة محروقة مثلا , هل بيطلع لما تنور النور الواطى على auto و لو نورت منيوال


هل التوكيل عندك ممكن يغيرلك من الكنترول بتاع العربية ل Xenon preset او ايا كان اسم الابشن ايه فى الاوبل.
. انا كان عندى فى c180 بيعمل flicker لو على الاوتو بس لو كملت و نورت على الوضع المانيوال كان بينور عادى بدون مشاكل.
انا حليت الموضوع ده انى روحت التوكيل و خليتهم عملوا xenon preset من كمبيوتر العربية طبعا ماكنش بسهولة و قعدوا يأوحوا كتير بس فى الاخر انجزت و شغال مفهوش مشكله من سعتها.

علما انى كنت ركبت الهالوجين فترة بدون مغير تانى config. و مكنش في مشكلة برده و رجعت الزينون تانى بدون حاجة لتغير الضبط تانى.

هل التوكيل عندك ممكن يغيرلك الموضوع ده منغير متركب الكشفات عن طريقه, دى حاجة

هى ال DRL عندك منفصلة ولا بتنور الجزء بتاع النور العالى او الواطى
المفروض لو هى منفصلة ميكونش ليها تأثير

عموما لما تقولى ايه نوع error البيطلع و هل بيأثر على النور ممكن الدنيا توضح شوية

و بالنسبة للفوج لايتس التقسيمات دى هي البتوزع النور. هل نورهم مش عجبك, ممكن يطلع محتجين رجلشة مش اكتر
و عموما هما فى منهم صينى بس معرفيش كويسين ولا لا . و فيه اصلى من عربيات تانىة زى الانسر و الالنتر 2005 بس حتحتاج تفبركلهم شوية

و لو عايز تركب عدسات فى النور الواطى الافضل تشترى كشفين TYC او Depo تركب فيهم العدسات و تشيل الاصلى بتوعك

التوكيل رافض يعمل اى تعديل فى العربية وقلى لو ركبت زينون وجتلنا العربية عملى ايررور هنخرج الضفيره من الضمان الايرور بيظهر لم بنور النور الواطى على اوتوا وبيطفى بعد شوية بيقول انى اللمبة محروقة وcheck DLR r بيعمل كده فى كل لمبة و ال DLR بيشتغل على النور الواطى وبالنسبة للفوجات انا رجلشتهم واضائتهم حلوه بس قولت لو عدسة كلير يمكن نورها يكون افضل هما نورهم دلوقتى الحمد لله ممكن تمشى بية من غير الواطى
انا مش لاقى الفونيس الديبوا ولا اى حاجة تانية فى مصر ليها العربية لسة جديده ولسة محدش جبلها قطع غيار ولا ليها حاجة استعمال لسة

التوكيل رافض يعمل اى تعديل فى العربية وقلى لو ركبت زينون وجتلنا العربية عملى ايررور هنخرج الضفيره من الضمان الايرور بيظهر لم بنور النور الواطى على اوتوا وبيطفى بعد شوية بيقول انى اللمبة محروقة وcheck DLR r بيعمل كده فى كل لمبة و ال DLR بيشتغل على النور الواطى وبالنسبة للفوجات انا رجلشتهم واضائتهم حلوه بس قولت لو عدسة كلير يمكن نورها يكون افضل هما نورهم دلوقتى الحمد لله ممكن تمشى بية من غير الواطى
انا مش لاقى الفونيس الديبوا ولا اى حاجة تانية فى مصر ليها العربية لسة جديده ولسة محدش جبلها قطع غيار ولا ليها حاجة استعمال لسة

المشاركة الأصلية كتبت بواسطة haroun707

ياباشا من فضلك انا محتاج نصيحه منك انا معايه نيو اكسنت 2008 وطبعاً هى كشافتها كبيرة نوعاً ما عموماً انا عاوز اركب نور قوى او زينون وفى نفس الوقت مش عاوز اعمى الناس قدامى وعاوز استفيد اقصى استفادة من الزينون فا انا فكرت انى اركب عدسات وفى الغالب انا حشترى فوانيس غير بتاعة الفابريكا يعنى مش اصلى علشان لو باظو منى او من اللى بيركب

ولما رحت لواحد من الناس دى قالى انى مش حشوف كويس ولا حاجة بالعكس الأضائة حتضعف عندى وكلام من ده وقالى ان العدسات بتتباع عند محل مشهور فى شارع دمشق وقالى انى اجيبهمله وحيركبهملى فى نص ساعة بــ 50 جنية

انا محتار ومش عارف اعمل ايه ياريت تساعدنى وتنصحنى مع العلم انى محتاج العدسات عالى وواطى لان انا عندى لمبة واحدة مش 2

وشكراً

المشاركة الأصلية كتبت بواسطة muhamednabil

هما مش بيعرفوا يظبطوا تركيب العدسات البتحتاج المفيهاش طريقة التركيب السهلة عشان كده مش بينصحوا بيها و بيقولو ان نورها مش حيكون كويس فى حين انها لو متركبة مضبوط مع لمبات مضبوطة حيكون نورها زى الفابريكة بالضبط .

بدل متشترى كشفات جديدة حط الفلوس فى لمبات اصلية هى فى حدود 700 من توكيل فيليبس معرفيش ان كان ده قريب من سعر الكشفات الانت عايز تجبها و الكشاف الاصلى ليه حل متقلقيش
ممكن تشترى كشاف مكسور تاخد منه العاكس الداخلى عشان هو ده البتعمل فيه الشغل كله
اهم حاجة القواعد بتعته سليمة.

انا ارشحلك fxr و لان الحل التانى هما بتوع الجيتا بس بتوع الجيتا فيهم مشكلة فى التقليب لازملهم ديرة صغيرة عشان القلاب بتعهم ميتحرقيش.
و الحجات التانزل تحتهم فى الاداء .
البعد كده العدسات البتركب بدون قطع بس اداءها اقل من العدسات الاصلية بس حيكون افضل من الهالوجين العندك بدون شك.

انا طلبي نفس الطلب
عندي نيو اكسنت و لاحظت ف السفر فوق ال 120 ان النور مش مغطي مساحه كافيه قدامي تخليني اواصل بالسرعه دي
وف عندي 2 جهاز للزينون عالي وواطي( كانوا راكبين ف العربية من غير لمض ) اشتريت العربية بيهم
فايه المطلوب؟
وبفكر اركب فوجات وكنت بفكر علشان مش اضايق الناس اني اركب جهازين الزينون ف الفوجات لكن بعد موقف اني مكنتش شايف كويس وانا مسافر محتار اركب الزينون بعدسات ولا لمض هالوجين احسن

المشاركة الأصلية كتبت بواسطة michohat

انا طلبي نفس الطلب
عندي نيو اكسنت و لاحظت ف السفر فوق ال 120 ان النور مش مغطي مساحه كافيه قدامي تخليني اواصل بالسرعه دي
وف عندي 2 جهاز للزينون عالي وواطي( كانوا راكبين ف العربية من غير لمض ) اشتريت العربية بيهم
فايه المطلوب؟
وبفكر اركب فوجات وكنت بفكر علشان مش اضايق الناس اني اركب جهازين الزينون ف الفوجات لكن بعد موقف اني مكنتش شايف كويس وانا مسافر محتار اركب الزينون بعدسات ولا لمض هالوجين احسن

جهازين الزينون اللي عندي 35 وات

المشاركة الأصلية كتبت بواسطة michohat

جهازين الزينون اللي عندي 35 وات

انا اسف على التاخر فى الرد لان الموضوع قديم و نادرا لما بفتحه تانى غير بالصدفة.
هو الزينون فى الفوجات مش حيكون مفيد فى السفر. اعتقد انك محتاج عدسات افضل عشان تقدر تتور الطريق لمسافة معقولة بدون اذى للمعاك عى الطريق او فى الطريق المقابل.
لو مش عايز تعم موضوع العدسات يبقى لمبات هالوجين 100 وات و دفيرة ريلاى. لان الزينون فى الكشفات الفيها لمبة وحدة H4 hi/lo بيكون فاشل و مؤذى بنسبة 95%
و من الواضح ان المالك القديم مر بالتجربة دى عشان كدة لغى الزينون.

شكرا لردك
الراجل صاحب العربية كان مركب الزينون ع الكشافات الاساسية من غير عدسات

ومش مركب لها فوجات
فانا علشان مش عارف ان كان الزينون مسموح به ف المرور ولا لا فقولت اخليه ف الفوجات واركب لها فوجات واهه الجهازين عندي
ولكن اذا كان الزينون بالعدسات مسموح به المرور اعمله ازاي واركب انهي عدسات واجيبها منين

موضوع رائع