الموضوع: للبيع عدسات زينون عالي/واطي

تمام يامحمد باشا
ممكن اعرف هل جوده العدسات دي افضل من اللي عندي ؟
عشان لو افضل يبقي نغير العدستين بالمره
لاني حاسس ان اللي عندي دي صيني

هى اكيد افضل فى النور الواطى و توزيع النور بس اعتقد ان العندك حيكونوا كويسين فى العالى

السؤال التاني 200 جنيه للعدسه الواحده ولا الجوز ؟

للطقم عدستين

السؤال الثالث شكل العدسه ايه ؟ وهل بكفر ولا من غير ؟ وياريت لو اشوف صوره لنورها عامل ازاي ؟

ملهاش كفر لانها مدارية ورة الفيبر بتاع الكشاف و دى صورة نورها فى حالة لو شغلتها للواطى بس النور حيكوت كده



ده نور عدسة وحدة
الجزء الفوق ده للنور الواطى و الجزء التحت ده فى حالة لو استعملتهم للعالى بس هما مفيهومش قلاب يعنى انا بختار المود قبل ميركابه فى الكشاف و يتثبته على كده على عكس الفيهم قلاب.

و دى صورة العدسة نفسها




والتعديل ده ياخد وقت اد ايه تقريبا؟

غالبا يوم لو من بدرى

عموما متستعجليش و ممكن نظبط يوم تشوفهم على الطبيعة و تحدد بدل متتخيل حاجة بعيد عن الواقع

طب انا عايز عدسه رعاش لتويوتا ايكو عندك ولا لأ ولو بتاعت الاكوتافيا دي تركب عندي انا عندي اللمض h4

المشاركة الأصلية كتبت بواسطة zonfuly

طب انا عايز عدسه رعاش لتويوتا ايكو عندك ولا لأ ولو بتاعت الاكوتافيا دي تركب عندي انا عندي اللمض h4

هم الطقم اللونه اسود هو البيركب بدون قطع و بالنسبة لبتوع الاوكتافيا متنفعش عندك الافضل انها تركب مكان كشفالت اصلا فيها عدسات و تتركب مكانهم لو الاصليين بتوع الكشاف نورهم مش حلو.

المشاركة الأصلية كتبت بواسطة haroun707

ياباشا من فضلك انا محتاج نصيحه منك انا معايه نيو اكسنت 2008 وطبعاً هى كشافتها كبيرة نوعاً ما عموماً انا عاوز اركب نور قوى او زينون وفى نفس الوقت مش عاوز اعمى الناس قدامى وعاوز استفيد اقصى استفادة من الزينون فا انا فكرت انى اركب عدسات وفى الغالب انا حشترى فوانيس غير بتاعة الفابريكا يعنى مش اصلى علشان لو باظو منى او من اللى بيركب

ولما رحت لواحد من الناس دى قالى انى مش حشوف كويس ولا حاجة بالعكس الأضائة حتضعف عندى وكلام من ده وقالى ان العدسات بتتباع عند محل مشهور فى شارع دمشق وقالى انى اجيبهمله وحيركبهملى فى نص ساعة بــ 50 جنية

انا محتار ومش عارف اعمل ايه ياريت تساعدنى وتنصحنى مع العلم انى محتاج العدسات عالى وواطى لان انا عندى لمبة واحدة مش 2

وشكراً

هما مش بيعرفوا يظبطوا تركيب العدسات البتحتاج المفيهاش طريقة التركيب السهلة عشان كده مش بينصحوا بيها و بيقولو ان نورها مش حيكون كويس فى حين انها لو متركبة مضبوط مع لمبات مضبوطة حيكون نورها زى الفابريكة بالضبط .

بدل متشترى كشفات جديدة حط الفلوس فى لمبات اصلية هى فى حدود 700 من توكيل فيليبس معرفيش ان كان ده قريب من سعر الكشفات الانت عايز تجبها و الكشاف الاصلى ليه حل متقلقيش
ممكن تشترى كشاف مكسور تاخد منه العاكس الداخلى عشان هو ده البتعمل فيه الشغل كله
اهم حاجة يكون القواعد بتعته سليمة.

انا ارشحلك fxr و لان الحل التانى هما بتوع الجيتا بس بتوع الجيتا فيهم مشكلة فى التقليب لازملهم ديرة صغيرة عشان القلاب بتعهم ميتحرقيش.
و الحجات التانزل تحتهم فى الاداء .
البعد كده العدسات البتركب بدون قطع بس اداءها اقل من العدسات الاصلية بس حيكون افضل من الهالوجين العندك بدون شك.