الموضوع: تقرير اللوجان الاوتوماتيك 2012

سؤال جبريل باشا ...

صوت الكلاكس عندك زي القديم؟ أصل بحس صوت كلاكس اللوجان الأقدم من ٢٠١٢ عالي وبيرن لاكن فى الأوتو ٢٠١٢ مختلف وأوطى, فهل هما غيرو نوعية الكلاكس ولا أنا ممكن عندي فرده مش شغالة؟؟؟؟؟

أنا بس يا جماعه عايز أعرف موضوع النتشه في الفتيس الاتوماتيك ده بيحصل مع كل الناس ولا ديه مشكلة فرديه؟ و يا ترا لقو حل ليها ولا لسه؟

المشاركة الأصلية كتبت بواسطة gebreel

كنت شاكك زيك كدة و كنت فاكر ان في فردة مش شغالة لكن بعد ما ركبت كذا عربية 2012 لقيتو نفس الصوت

تمام, تسلم يا أستاذ جبريل. ولو إن صوت الكلاكس القديم عاجبني أكتر وبيسد مع الأجرة والنقل ههههههه.

المشاركة الأصلية كتبت بواسطة msalah_06

أنا بس يا جماعه عايز أعرف موضوع النتشه في الفتيس الاتوماتيك ده بيحصل مع كل الناس ولا ديه مشكلة فرديه؟ و يا ترا لقو حل ليها ولا لسه؟

هو مفيش حل ومفيش مشكلة أصلا على حسب مناقشة تمت بيني وبين صديق معاه سيات إبيزا أوتوماتيك سبع نقلات, نفس الكلام إللى سمعته منه هو هو إللى بسمعه من الناس (وحط تحت "بسمعه من الناس" دي كذا خط. لأني محستهوش عن نفسي, أو بمعنى أصح أنا محستش إن الفتيس فيه مشكلة أو حاجة مش طبيعية لأني أول مرة أسوق أوتوماتيك فمكنتش متعود على حاجة ولاقيت حاجة مختلفة.

نفس الكلام عن نتشة الفتيس وبطئ الطلعة الأولى موجود في السيات على حسب كلام صاحبها وطبعا قبلها كان سايق سوزوكي sx4 أوتو, فكان متعود على سواقة الياباني فى الأوتوماتيك, ولما سأل في التوكيل بتاعه كان الرد "حضرتك كنت راكب إيه قبلها" وطبعا إتضح إن دي طبيعة معظم إن لم يكن كل الفتيسات الأوتو الأوروبي, ومفيش مشكلة خالص. المشكلة إنك لو من النوع إللى بيكز قوي مع التفاصيل دي أو لو من النوع إللى لما بيتعود على حاجة مبيحبش إنها تتغير أو يعود نفسه على غيرها ممكن تتضايق. أما لو مكنتش متعود على سواقة عربية أوتوماتيك قبل كده أو متفهم لفكرة إن كل عربية وكل صناعة ولها فروق (مش عيوب) ومستعد تتعود مع الإختلاف, مش هتحس بمشكلة خالص إن شاء الله.

ده رأيي والله أعلم.

:-) شكرا علي الرد و جزاكم الله عنا كل خير

المشاركة الأصلية كتبت بواسطة gebreel

المشاكل اللي مقابلاني السخونة بتاعة التابلوه و ان شاء الله اركبلها العازل و تتحل ان شاء الله

اولا ربنا يباركلك فى العربيه ويحفظها انا قريت ال 16 صفحه كاملين :))

عندى سؤالين لحضرتك :
1) ايه سخونه التابلوه ده .. و ايه سبب المشكله من وجهه نظرك .
2) هل فى فعلا لوجان 2013 ؟ لانى لما سالت فى المصريه للسيارات قالى دى موديل 2013 .. فهل فعلا الكلام ده سليم ؟

منتظر رد حضرتك :) والف الف مبروك على العربيه