الموضوع: تقرير اللوجان الاوتوماتيك 2012

المشاركة الأصلية كتبت بواسطة gebreel

المواسير مش ممكن تتشال هي هتفضل لكن ممكن الخراطيم اللي بتوصلها المياه السخنة تتلغي و في ناس عملوها بس بصراحة انا مخليها زي ما هي لأني بستخدم التكييف السخن في الشتاء و العازل حاسس انو بيظبوط الدنيا

المصرية العربيات بتيجي من اسكندرية متساقة سواقة عربجية مش سواقة ناس عاديين و بيحرقوا على المكن بشكل غريب و سمعت ان في عربيات بتتخبط و بتتصلح و تتباع على انها زيرو عادي جدا
و علشان العدادات متعدش كيلوات بيفصلوا كابل حساس السرعة علشان ميعدش كيلوات و كثير بينسوا يرجعوها

و بنفسي شفت لوجان كان قفل الكابوت بايظ و مكنتش لسة اعرف حاجة عنها و بسأل بتاع الsales بيقلي هي كدة و طلعت مش كدة =)
و وانا بتفرج بردو لقيت سيريون ملعوب في ضفيرتها و الاسلاك ملفوفة بشريط لحام مش من المصنع لأنو كان ملفوف بعدم حرفية و هكذا

لو عاوز تستلم بسرعة و مش فارق معاك السعر اتوكل على الله و هاتها من السبع او الطارق

الله ينور عليك

انا شكلى هروح مع عربيات .. بقولك ايه ايه رئيكفى السانديرو المانيوال

هل هيا عربيه قويه اصل انا قلقان من نقطه 90 حصان دى والسحب مع التكيف وقوه التكيف نفسه عامله ايه ولا هو هو نفس الاداء اللى فى اللوجان .

المشاركة الأصلية كتبت بواسطة ahmed_m_ashraf

جبريل باشا، أنا بحاول أحصر موضوع السخونيه ده من مده لآن هو الحاجة الوحيده إللي شاغله تفكيري وعايز أظبطها، هي مش مديقاني قوي بس لو ليها حل سهل وفعال وبأقل لعب في العربية يبقى ليه لأ، أنا أكتر حاجة بتدايقني الحر.

دلوقت أنا تقريبا توصلت للآتي:
- فيه حراره بسيطة جايه من الأرضيه في المنتصف بطول العربيه، ودي مصدرها الشكمان. أنا شايف إنها مش مستاهله شغل ولو حبيت لما العربيه تقدم معايا شويه ممكن أركب عازل تحت الموكيت وأعتقد هيقضي على الموضوع ده.

- مفيش حراره جايه من صدر العربية نفسه، من الموتور يعني.

- كل الشغل في الحته بتاعت التابلوه وراء الكاسيت والأزرار، يعني الماسورتين إياهم وسربنتينة السخن نفسها. أنا كنت ناوي على موضوع إلغاء السخن، بس الت،كيل في إسكندرية معطل الموضوع وأنا برضه إن جيت للحق مش عايز ألعب في العربيه قوي كده، وبصراحه كمان شايف أداء التكيف ممتاز ومرضي جدا من غير موضوع إلغاء السخن ده. ففكرت ليه محاولش أفك الفبره الفضي في التابلوه وأحط عازل يفصل بين مصدر السخونيه وظهر الفبره، ومش عارف هل هو ده إللي حضرتك تقصده ولا إنت قصدك حاجة تانيه وهل هتعمل ده بنفسك ولا التوكيل هيعمله؟؟؟؟

طولت عليك جدا بس أنا لوحليت سخونة التابلوه دي هرتاح جدا!!!

جبريل باشا عايز رأيك بس، على فكرة كنت في التوكيل إنهارده ومفدنيش في موضوع العزل نهائي، طلعت جبت كل خامات العزل إللي ممكن تتخيلها وناوي أعملها واحده واحده كل ما أبقى فاضي.

شكرا يا باشا

سؤال هو الطبيعى انى العربيه تكون عامله كام كيلو وانا بستلم ؟