الموضوع: تقرير اللوجان الاوتوماتيك 2012

المشاركة الأصلية كتبت بواسطة mohamed1313

بصراحه في موضوع الفرامل انا لما بدوس فرامل وانا على d في الزحمه بيبقى في صوت حكه كده لكن على n مش باينه انا مش عارف بصراحه ده ايه لو في حد يعرف يا ريت يقولنا

الصوت ده طبيعي في كل الاوتو متقلقش

المشاركة الأصلية كتبت بواسطة alaaosmanakl

الأوتو 2013 نزلة من غير مكان (للمج/ طفاية السجائر) . في الخلف .
هو كل الاوتو كده ؟؟؟ ولا 2013 بس ؟؟؟

كل اللوجان كدة مش بس ال2013

المشاركة الأصلية كتبت بواسطة محمد جلال

استاذ جبريل ازى حضرتك تم بحمد الله حجز اللوجان e2 الاوتوماتيك والاستلام بعد 4 شهور وأتمنى قبل كده بس فى حاجة كنت عايز اعرفها فتح الشنطة والتنك من الداخل موجود الاوبشن ده ولا لأ وشكراً

الف مبروك يا باشا مقدما =)
فتح الشنطة بيبقى من زرار السنتر تقدر تفتح و تقفل عادي لكن التانك لازم بالمفتاح

المشاركة الأصلية كتبت بواسطة mido7337

ياريت لو حضرتك تقولنا استهلاك البنزين اخباره ايه لأنى اعرف واحد عامل 300 كم (لسه شاريها) بس هو قلقان من استهلاك البنزين (16ل/100كم)

استهلاك البنزين كان عالي قبل ال10000

بعد الصيانة لسة حاسبها يوم السبت اللي فات العربية اللتر بيعمل 10.8 كيلو

المشاركة الأصلية كتبت بواسطة eng. Nagui

الف مبروك على العربية و ربنا يبارك فيها

أنا بس كان عندي تساؤل لأني كنت بفكر اشتري لوجان أتوماتيك بس محتار بين ال لوجان و السانديرو الأوتوماتيك و بقارنهم بالشيفروليه أفيو الأوتوماتيك فأرجو منكم المساعدة لأخذ القرار السليم و كنت عاوز برده أعرف الفرق بين ال لوجان و السانديرو و أيهما أحسن .... و شكراً

مفيش اي فرق بين اللوجان و السانديرو الا في الشكل فقط لا غير لكن هما ال2 واحد في كل حاجة

و نصيحة اخوية ابعد عن الافيو تمااااااااااااااااااااما سواء اشتريت اللوجان او لأ

المشاركة الأصلية كتبت بواسطة eng. Nagui

طب معليش عندي تساؤل ... أنا ملاحظ في الأونة الأخيرة أنتشار لل سانديرو step way و ده معناه أن العربية كويسة على الرغم من عدم وجود بعض الكماليات منها في السانديرو الأوتوماتيك مثل الفرامل abs+abd و خاصية فتح الشنطة و التنك من الداخل و الجنوط عادي مش اسبور و على حسب معلوماتي البسيطة أن اللوجان و السانديرو نفس الشاسيه و العفشة و الموتور و فقط الأختلاف في الشكل الخارجي فقط ... فهل هذا صحيح أم لا ؟؟؟ علشان كل ده حيفرق معايا و كمان في أمكانية تواجد قطع الغيار بالأسواق سواء للوجان أو السانديرو.

و كنت عاوز أعرف فرق الأبعاد الخارجية و الداخلية بين اللوجان و السانديرو

و لذلك أرجو التوضيح لأن خبرتي في السيارات ضعيفة شوية

و أرجو التوضيح لماذا رينو أفضل من شيفروليه ؟؟؟؟

و شكراً

السانديرو ستيب واي هي اللي فيها abs ebd و جنوط سبور

مش السانديرة العادية و ال 2 فتح التانك بالمفتاح و الشنطة من زرار السنتر اللي جوة العربية

التسب واي فرقها عن السانديرة في الشكل(و حاجات الستيب واي تركب على السنديرو) و ان الستيب واي مفيش منها اوتوماتيك و السانديرو مفيش فيها abs ebd

اللوجان و السانديرو هما هما في كل شئ مع اختلاف في الابعاد بتاعة العربية علشان دي سيدان و دي هاتش باك لكن ميكانيكا و عفشة ال 2 واحد

الشيفروليه الافيو مشاكلها كثير جدا و ممكن تاخد لفة في قسم شيفروليه و تتفرج على الماسي بتاعة ملاكها و خصوصا الاوتو لأن حتى الفتيس متقفل في مصر و منصور كوكيل مش كويس طالما عندك مشكلة لكن لو رايح صيانات و بس بتتشال على كفوف الراحة