الموضوع: كارثة فى نيسان صنى سوبر صالون

ربنا يكون في عونك و نصيحة طالما ارفت منها بيعها

اما بالنسبة لموضوع تغيير بلية العجل اللى تم تغييرها كان مكتوب كده فى امر الشغل اللى تم فى صيانة الالف اما فى الحقيقة فهى حاجة اسمها ووشرعبارة عن حلقة بيتم وضعها قبل بلية العجل لمنع حدوث الطقة عند لف الدركسيون
ده بالنسبة للرد على المهندس سبعاوى بخصوص بلية العجل
انا فى الحقيقة بعد ما مشكلتى اتحلت الحمد لله ماسكتش لان المشكلة مكنتش فيا انى اصلح عربيتى وخلاص ولكن ضمان عدم حدوث ذلك مستقبلا لاى انسان شارى العربية او حتى واحد بيفكر فى شراء العربية
المهم اناكنت بعت ايميل شكوى لساتو رئيس مجلس ادارة شركة نيسان فى مصر وبرده محدش رد عليا
المهم روحت معرض اوتوماك اخبار اليوم لقيت جناح نيسان داخلت على مكتب كان فية ا/محمد جمال مدير التسويق لشركة نيسان فى مصر سلمت علية وبعدين عرفتة بنفسى وبالمشكلة اللى حصلت معايا لقيته جايب لى مهندس / احمد نور المسئول عن الجانب الفنى للمنتج فى خدمة مابعد البيع فى مصنع نيسان وبعدين قعدنا لمدة ساعتين نتناقش فى المشكلة اللى حصلت وانهم ازاى لحد دلوقتى محدش رد عليا فيها من المصنع وقولتلوا اى هيا انطباعات الناس فى مصر عن العربية وخاصة اعضاء المنتدى وانى انا شخصيا اشتريت العربية بعد دراسة عام كامل للسوق لاتخاذ قرار الشراء
المهم م/ احمد نور وضحلى حاجات كتير انا مكنتش اعرفها على سبيل المثال انى كنت فاكر ان زى ماكلنا عارفين ان المكونات المصرى فى النيسان هى :
- الريداتير
- البطارية
- الضفيرة
- الزجاج
- الكراسى والفرش
- الكاسيت والسى دى
- كاوتش الابواب
- الموكيت
- الشكمان
والحقيقة ان طلع المكونات زى الكراسى والفرش والشكمان والريداتير دول مستوردين من الخارج عن طريق شركات زى مصنع ابواليزيد مثلا وبعدين مصنع نيسان بيقوم بالشراء
منهم عشان يكون المنتج مثبت فى الفواتير انه ضمن المكونات المصرى
اما البطارية والضفيرة والزجاج فدول مصرى فعلا
وبرده من احد الحاجات اللى عرفتها عن الفرق فى العفشة بين السوبر صالون وال اى اكس
- ان السوبر صالون بها مساعدين two way action يعنى لما بتيجى تاخذ حفرة فى الارض المساعد بينزل مع الجنط ويطلع بيه على عكس النيسان اى اكس المساعدين one way action يعنى العربية لما بتدخل فى حفرة الجنط بينزل لتحت بتقل الجنط عشان كده بتحث ان العربية بتتهبد فى المطب
- ان السوبر صالون بيها ستابالايزر بار فى الامام وطورشن بار فى الخلف بتفرق فى ثبات العربية فى المنحنيات على سرعات عالية
اما اى اكس مفهاش ستابالايزر بار فى الامام وطورشن بار فى الخلف
وبعد معرفت المعلومات دى من المهندس/ احمد نور فى جناح اوتوماك قالى ابعتلى الشكوى اللى انت بعتها لساتوعلى الميل الخاص بيه عشان هيتبعها مع مديره فى اليابان ليتم دراسة المشكلة عشان متكررش تانى

ربنا يجازيك خير على مجهودك ..... بجد إنسان محترم


دايماً بحترم الناس اللى بتنفذ مبدأ "إعمل الخير و إرميه البحر" .... مش لازم نستنى مقابل.

انا كنت عايز اوضح حاجة للسادة الاعضاء من تجربتى اللى حصلت ان ممكن اى عربية يكون فيها مشكلة اوعيب صناعة المهم هيكون ايه رد فعل الشركة المنتجة للعربية تجاه العميل
يعنى هيغيروا الجزء اللى فية العيب فى الضمان ومن غير ميقرفوا العميل ولا هيقرفوا العميل ومش هيغيروا العيب بسرعة
وهوا ده الفرق بين التوكيلات المحترمة وغير المحترمة
يعنى انا واحد صحبى اشتره عربية بسات موديل 2008 بضمان الوكيل وبعد مااشتراها بيوم عطلت وطلع ان جهاز abs كان حصل بيه عطل وتم تغييره على طول فى الضمان

عشان كده انا مبسوط من اختيارى لعربيتى مش عشان العربية كويسة بس ولكن لان توكيل نيسان افضل من توكيلات كتير فى مصر

انا جربت مركز صيانة مودرن الهايكستب فى حل المشكلة الخاصة بيا وكان فى الحقيقة اكثر من رائع فى الاستجابة لحل المشكلة بسرعة وبدون تحملى لاى مبلغ وجربت مركز صيانة السبع فى زهراء المعادى لتغيير الزيت والفلتر لان المركز الوحيد فى مصر اللى مبيغرش الزيت والفلتر فى صيانة الالف هوا مودرن الهايكستب لانه بيلتزم بكتيب الصيانة بتاع العربية اللى فية ان تغيير الزيت والفلتر عند صيانة 5000 ودى احد الحاجات اللى انا اتنقشت فيها مع ا/ محمد جمال مدير التسويق فى نيسان وقالى انهم فى الفترة الجاية هيبتدوا بتغير الزيت والفلتر عند صيانة 1000 كم عشان المصنع فى اليابان فعلا بيقول ان المحركات بيها زيت بيقعد لحد 5000 كم لكن عشان المحركات دى بتتخزن فى مصر فالزيت كفأتة بتقل عشان كده كل مراكز الصيانة بتغير الزيت والفلتر عند صيانة 1000 كم
وكنوع من الترضية تم تغيير الزيت والفلتر فى مركز السبع بدون تحمل مصنعية بالرغم من انى كنت عملت صيانة 1000 كم فى مودن الهايكستب

المشكلة الرئيسية فينا كمصريين ان كل واحد بيفكر فى نفسة فقط عشان كده ده بقا حالنا يعنى لو واحد ماشى ولقه طوبة فى الارض هيشيلها عشان يعدى وبعدين هيحوطها تانى عشان كده مفيش حاجة بتتغير لكن لو كل واحد فينا فكر فى اللى جاى بعدية يعنى الناس تفكر لقدام مش تحت رجليها بس مكنش ده بقه حالنا فى مصر

انا بشكر كل السادة الاعضاء فى المنتدى على شعورهم الجميل تجاه مشكلتى واحب اوضح انى اشتريت نيسان صنى بعد ماسوقت عربيات كتير زى (الياريس- الالنترا- لانسر- صنى ) ولقيت بجد مش عشان انا اشتريت صنى ولكن هى فعلا عربية محترمة وده اللى وصل مبيعات نيسان خلال عام 2007 الى 14000 عربية وفى الوقت الحالى المصنع بينتج حوالى 1500 عربية شهريا
انابقول المعلومات دى لان صاحبى مدير معرض نيسان مودرن موتورز الحجاز وهوا فى الحقيقة اللى نصحنى بالسوبر صالون

انافى الحقيقة مجربتش المحمل بس اعتقد انك لوجربت السبع فى زهراء المعادى هتنبسط اوى لان ا/علاء السبع ويحيى السبع ناس محترمة والمركز فية مهندسين زى م/ محمد عمر والمهندس / شريف فى الاستقبال ناس بتفهم وبيقدروا قيمة الوقت مش زى عادة المصريين
يعنى انا راى تحجز وتروح السبع هتقعد حوالى ساعتين فى صيانة 5000