الموضوع: السايس ..... مشكله ملهاش اى حل فى بلدنا

المشاركة الأصلية كتبت بواسطة tigernet

حضرتك قولت علية بلطجى طب
هو بيحول انة يكسب من غير ما يسرق مش عيب .
او لو ملقاش شغلنت السايس دية ممكن يطلع على الدائرى و يثبت الناس و يبقا حرامى
انهو الاحسن

أستاذي العزيز والغالي ... انا شايف أن بلد الاقامة أستوراليا ... بس سؤال هو في فأستراليا حد بيقف بفوطة صفرة من العيال الشمامة الي عندنا هنا ... هههههههههه ياباشا أحنا مستعدين نبعتلكم في أستوراليا شوووية عيال شمامة ومحششة من يالي عندنا ... يومين بس وهنشوف هتستحملوهم ولا لأ ان مكنش الشعب الاسترالي يهاجر ويطفش من أستراليا يبقى بحق ... فكرتني بمحمد هنيدي في فيلم همام في امستردام لمن سافر وشاف موقف عجل قام مسك فوطة صفرة وايوه ياباشا باركينج باركينج ... هههههههههههههههه .

خلي بالك يا باشا أن الواحد لمن يكون مغترب بيبقى عندو مرض نفسي كده اسموو حنين للوطن ... وشوق لولاد البلد ولمن يجي مصر يبقى عاوز يدي كل قرش في جيبوو لكل غلبان ومسكين ومحتاج وشحات ... لأنهم بيصعبوو عليه ... لكن مجرد ما تستقر في مصر هنا تبقى عاوز تولع في العيال الشمامة دياااااااااا ... بالذات لمن تحس أن مبادئك وحريتك على المحك ... وعلشان توقف في وطنك دقيقتين لازم تدفع فلوس ... كأنك سايح فيها ... يأخي ده أنا بقيت أتدايق لمن واحد يتصل بيا ويقلي انا في المطار تعاله خودني وبمجرد مادخل ثواني بس افوت اخدو وهو وصل خلاص يعني انا مش هركن أدفع خمسة جنية ... ولا حتى رايح توصل حد هيسافر تدفع برضو خمسة جنية ... يعني انا هنزلو بس على باب المطار ... لا ودلوقتي كمان لو هتخوش على رجليك للمطار كمان خمسة جنية وكل مطار ليه تذكرة على النفر او على الواحد خمسة جنية .

خمسة في خمسة في خمسة في خمسة أدي 100 جنية طارت من جيبي وانا لسه مكلتش ولا ما مليتش بانزين .

النهرده علشان تطلع انت واحد صحبك ولا هتاخود المدام تقول هتفسحها وتغيرلها جو ... (الزوج المثالي ) ... مش هتعرف ومش هتتهنى ... تيجي تمشيها على الكورنيش هتقابل البلطجية الي عوزين أتاااااااااااااااوة ... تجي تخش بيها في اي مكان يقلك منيمم أتشارج ... تاخودها تمشي انتا وهيا في اي مكان انشالله على رجليكم منها أنو نغير جو ومنها نتكلم في المستقبل ومستقبل العيال مش هتكمل كلمتين على بعض لأنك هتواجه ألف شحات بمعدل 10 شحاتين في المتر المربع ... وبدل ما تقعد تقول لمراتك بحبك ووحشتيني وشيفة مصر حلوة أزاي بالليل يا حياتي ....لأ هتفضل تقول ربنا يسهلك يا بابا ربنا يسهلك يا حبيبي ... ربنا يسهلك يا حبيبتي خلاص يابابا روح خلاص ، يا ماما روحي مفيش فكة واللهي ... وهكذا .

ويكفروك بالشكل ده وفي النهاية تيجي مراتك تقلك انتا اتغيرت مبقتش تقلي كلام حلو زي زمان ... وتقوم تهب فيها وتزعق وتقلها ياشيخة أتلهي كلام حلوة أية مش شايفة الوكسة الي أحنا فيها مش شايفة حالة البلد ، البلد في حالة ثورة وانتي عاوزة كلام حلوووو ، حتى لمن أخودها أسيقها كوبيتين منجا واحنا في العربية عند أي بتاع عصير ... يادوبك لسه هنطفح كوبايتين المنجا من هنا والي يجيلك بمناديل ويادوبك تمشية تلاقي الي بعدو بسلاسل وغوايش ويامشاءالله ... تمشية يخش الي بعدوو بشرايط قرأن ... تمشية يخش الي بعدو بفل ورود وياسمين ... والمشكلة انا أمشيهم من عندي يلفوا ويجو الناحية التانية عند المدام ... والهبلة عوزة تشتري اي حاجة وخلاص كأنو ناقصنا مصاريف ... وأدي كوبيتين المناجا حتى ملحقناش نتهنى بيهم ... ولا نطفحهم ... فأطر ألف وأرجعها البيت ومخرجهاش تاني لأننا أكيد كمان ممكن ترميلها كلمهم وانا على أخري من الشحاتين والبلطجية فأهب فيها وأرجعها معيطة ومقموصة وزعلانة وأدي الفسحة أتقلبت بغم .

وأطر مأطلعهاش خالص بعد كده غير في الاعياد والمناسبات ...ومش علشانها كمان علشان خاطر العيال .
فشحاتين وبياعين وبلطجية وكبت كبت كبت على المواطن المصري البسيط ... وفي النهاية نقول هو ليه الاسرة المصرية بقت مفككة ... هو ليه المشاكل زادت بين الازواج ... هو ليه حالات الطلاق بقت كتيرة في مجتمعنا ... أذا كلمة الحب أنعدمت بسبب المناظر الوسخة الي الواحد بيشوفها كل يوم ... وبطل حد ياخود أسرتو يفسحها ... لأنو أبسط حاجة لازم يدفع الاتاوة غصب عنو وأذا مدفعش ممكن يتشتم أو يتبهدل قدام مراتو وعيالووو ... انتا مش طالع تتفسح ، أنتا طالع توزع الصدقات وتدفع الاتااااااااااااوات زي الشاطر ...

انا مبحبش البلد دى ..نفسى اعيش فى بلد تحمى ونحترم شعبها..انا عايز اعيش فى اسرائيل او امريكا ..بس ياريت هما يوافقوا