الموضوع: محتار بين فيرنا او لانوس او لوجان

المشاركة الأصلية كتبت بواسطة me_medoo

وممكن تجبلك عربية افايو كسر زيرو كمان لو حبيت .

ميدو باشا تقريبا حضرتك الفئة بتاعة ال70000 دي حضرتك مبتحبهاش

بس لو حضرتك شايف انت الافيو برقبة العربيات المذكورة فهي وجهة نظر تحترم بس نصيحة لف لفة في قسم شيفروليه و شوف ملاكها بيقولوا عليها ايه

المشاركة الأصلية كتبت بواسطة me_medoo

هو كلام ساعتك معقول ... من ناحية أذا خليتك في الجديد علشان أمان ... ولرغم أن الامان برب العالمين ... لأن حتى العربيات الجديدة أحتمال تكون مخبوطة قبل كده أو أتقلبت من على الونش وهيا جية من المينا ويقوم مصلحينها ويالله أقلب ... وبيع يا وديع ... والي يشهد على كلامي انزل الحرفين واتفرج عربيات لسه بورقتها وبتتصلح علشان تتباع .

بس عامة انا أشتريت اللوجن ولقيت فيها حبت عيوب حبة صغيرة ... قد كدهوو علشان محدش يزعل ياريت تبقى تتطلع على الموضوع الي كتبو ... وعلى فكرة هنا في مصر هتلاقي الي عندو لانوس يبقى نفسو يخلي كل الناس تشتري لانوس زيو ... والي عندو فيرنا بيبقى نفس كل الناس تشتري زيوو ويبقى شارع مصر كلو فيرنا ... كزالك الي عندو لوجن بيبقى نفسو كل الناس تشتري لوجن ويبقى الشارع كلو لوجن في لوجن ويفرح قوووي لأنو لقى عربيات الاتاري نزلت لوجن هههههههههه ... ورغم انو أحياناً يبقى موقن ان العربية نازلة في التوكيل معيوبة بس يقنع نفسو وغيرو انها عربية ممتازة ... وعاوز كل الناس تدبس زيو ...

انا لاحظت مع احترامي للعربية اللوجن ك أنها واحد غير ثابته نهائي ... بس في ناس قالو عليها دي طيارة .
حرارة طالعة من تحت التابلوة ... بتسخن الكبينة ... والمتريل بتعها مش قد كده ... بالنسبة للجودة هيا من جواها شوية بلاستيكات ... ده غير أزعاج المتور بعكس العربيات الكوري ونعمتو ... البور يكاد يكون معدوم يعني كده وكده ... تيل الفرامل بيخلص بسرعة قوي 10.000 كيلو وكده ... مسحات العربية مبتمسحش كل قزاز العربية وتعبانين ... يعني في المطرة كان الله في العون ... نوعية الكوتش بتعها بيلملك كل فتفوتت طوب وزلط وطول مانتا ماشي تك تك تك تك ... لأنو مصمم للتلج ، حتى قزازها مصنوع من النوعية رديئة ...
غير كده مميزتها تكيفها بأمانة قوي قوي وجبار ... ولو قدرت تشغلو على واحد يبقى انتا جدع ... عربية عائلية ووسعة ... وشنطتها توازي شنطة المارسيدس ... ولمسة رينو ونيسان عليها وبصامتهم واضحين . وفكر أنتا كده وأختار وربنا يوفقك ... أهم حاجة صلي صلاة أستخارة ... ووقت ماتنوي متخدش برأي حد غير نفسك ... أكتر عربية عجباك .داخلياً
وياريت حد كمان يتفضل ويذكر عيوب ومميزات الانوس والفيرنا بالتفصيل ... لأن حرام دي فلوس بتدفع شقى عمـــــر الواحد . ومش كل يوم الواحد هيشتري عربية . وربنا يوفقك يارب .

اتفق مع حضرتك ان في عربيات بتبقى جديدة و مخبوطة و تتصلح و تباع على انها زيرو
بس انا مش متفق مع حضرتك على ان اللي عندو لانوس ولا لوجان ولا ساجا بيبقى عاوز يخلي حد يدبس زيو - اه في ناس ممكن يبقوا كدة - بس دي شهادة و كل واجد بيقول كلمة بتتاخد عليه و هيتحاسب عليها

بالنسبة للوجان نقطة عدم الثبات فخليني اقلك على كام حاجة:
اولا الثبات ده حاجة نسبية من شخص للثاني
ثانيا اللوجان مش عربية رالي مثلا مطلوب منها تجري بسرعة و تاخد ملفات قوية على سرعات عالية و كدة بالعكس فهي و كل اللي في فئتها و اللي صاحب الموضوع ذكرهم عربيات عائلية
مثلا انا كنت مسافر اسكندرية الاسبوع اللي فات بعربية سوبارو امبريزا 2010 عاملة 31000 كيلو و الامبريزا معروفة بثباتها و انها اساسا عربية رالي و اللي بتنزل مصر هي هي نفس الشاسيه مع اختلاف الماتور و مع ذلك كان الهواء شديد و كان بيزق العربية وانا سايق على 100 مش بجري
نيجي للوجان فالعربية ثباتها احسن من الفيرنا و من الانوس و من الافيو اللي برقبتها اللي بشهادة ملاكها مرجيحة من ال80 كم\ساعة
اللوجان معايا من شهر 10/2009 مانيوال و اشتريت الاوتوماتيك في شهر 2 (يعني لو العربية مش عاجباني و عاوز ادبس صاحب الموضوع مش حجيبها ثاني) و سافرت بيها و طريق الشغل طريق سريع و دائري و محور و كدة و ثبات العربية مخذلنيش ولا مرة و الحمد لله

حرارة الموتور ملاكها الغير حيادين هما اللي قالوا عليها يعني عيوبها بتتقال و التوكيل بيحل الموضوع ده بعازل بيظبط الدنيا و انا مركبوا في عربيتي و مش حاسس باي حاجة و الحمد لله

الخامات الداخلية ليها اكاد اقول ممتازة على فئتها السعرية لأن لما نيجي نقارن نقارن عربيتين مثلا يكونو في نفس الفئة السعرية مش عربية ب 70000 و عربية ثانية ب 90000 او فوق ال100000

صوت الموتور العالي بردو ملاك العربية الغير حيادين قالوا عليه من اول تقرير مكتوب في المنتدى و هو مش مزعج لكن عالي شوية و اعلى من الكوري و الياباني و اتفق معاك في كدة

البور تقيل بس مش معدوم (شكل حضرتك مسقتش عربيات من غير بور قبل كدة) هو تقيل علشان يعوض علو العربية و يديها ثبات على السرعة العالية مش تقيل علشان هما مش قادرين يعملوا بور ناعم و الدليل على كدة الميجان نازلة بور كهرباء يعني رينو لو حابة تعمل حاجة بتعملها بس كل حاجة و ليها سبب

تيل فرامل ايه اللي بيخلص بعد 10000 كيلو!!!! ال2010 اللي معايا عاملة لحد دلوقتي 24000 كيلو و متغيرش التيل و لسة بحالتو و التوكيل بيكشف عليه كل صيانة و بيقلك قبل ما يخلص ب5000 كيلو انو بيخلص علشان لو تحب تغيرو و في ناس مغيرين التيل على 30000
و بعدين مع احترامي لحضرتك تيل الفرامل بيقعد او يتاكل بسرعة على حسب اسلوب السواقة زيو زي الكاوتش
على كدة نقول على البوجاتي انها وحشة علشان بتاكل كاوتش بسرعة!!!!

مساحات العربية بتمسح الجزء المطلوب اه مبتمسحش كل الازاز بس بتمسح الكافي ( و مفيش عربية مساحاتها بتمسح كل الزجاج) و بتتحل بانك بتجيب مقاس اكبر مع تغيرتها و ده اللي انا عملتو

العربية بتنزل ب 4 انواع كاوتش من ضمنهم ميشلان اللي هو من افضل مصنعي الكاوتش في العالم
العربية ال2010 نازلة بكاوتش اسمو كورموران و ده مبيلمش زلط
العربية ال2012 نازلة بكاوتش اسمو باريوم و ده بيلم ظلط زي ما حضرتك بتقول بس مش بالصورة بردو
و على فكرة الكاوتش مش نازل للثلج ولا حاجة لأنو temperature A

و مش عارف بناء على ايه حضرتك قلت ان زجاجها وحش!!!

المشاركة الأصلية كتبت بواسطة me_medoo

[size=5][color=black]
بتلاقيها واقفه على حيلها فرس ... ومفيش عربية خالية من العيوب ... بس في عيوب تقدر تبلعها وتتغاضى عنها لأن العربية مكيفاك وشايف نفسك فيها ... وفي عيوب بسيطة لايمكن التغاضي عنها لأن اساساً اساساً العربية مش مكيفاك ... وفي عيوب لا تغتفر في العربية حتى لو كانت العربية عجباك ... فبتطر تبيعها حتى لو على رقبتك هبعها يعني هبعها .

الله يكرمك على الكلمتين دول
فعلا الواحد لو مش عاجباه العربية بيبقى كارهها و مش طايقها و بيتلككلها
و فعلا اهم حاجة صلاة الاستخارة