الموضوع: هوندا سيفيك 2012 شاركنا برأيك

المشاركة الأصلية كتبت بواسطة ENG\AHMED

بدون الدخول فى مقارنات ومين احسن ومين اوحش , انا هرد بس على النقطة دى

موضوع بيع العربية بسهولة او صعوبة دة راجع لثقافة الناس وطريقة تفكيرها اكتر منها كفاءة العربية والامثلة كتير زى اللانوس والفرنا مثلا بالرغم من قدم الموديل وتواضع الاداء بس لسة بيتباعوا زيرو والناس بتبعها دلوقتى مستعملة 12 سنة اغلى من لما اشتراتها زيرو
مثلا اللانسر البومة والشارك بالرغم من نجاح البومة فشلت الشارك واهوا الاتنين لانسر والمفروض الشارك اعلى , سيفيك 92 واواخر تسعينات ... الخ ..
للأسف التجار متحكمين فى السوق بيرفعوا وينزلوا على مزاجهم وكلوا مبنى على الاشاعات زى الميجان لما قضوا عليها بسبب الاشاعات .

الناس بتحكم على العربيات الكورى واليابانى بحكم العشرة وعلى خلفية موديلات التسعينات عربيات معظمها كربراتير , زجاج كهربا والتكييف واللون الميتاليك اوبشنز وبالتالى لما هتتقارن بالاوروبى اللى كان وصل للانجيكشن وال abs والايرباجز ومعقد اكتر البسيط هيكسب وخصوصا ان ثقافة التوكيلات مكنتش موجودة اوى فى الوقت دة , لكن النهاردة لما بدأت التكنولوجيا والالكترونيكس توصل للكورى واليابانى وبقت العربيات معقدة زيها زى الاوروبى هيفضل الناس مؤيدة للكورى واليابانى دائما بحكم البساطة وسهولة الاصلاح ورخص قطع الغيار ؟؟

للأسف السوق المصرى ملهوش اى معايير , عربيات كتير تعبانة مالية البلد وبتتباع هوا وعربيات اكتر محترمة جدا ومحدش بيشوفها لأنها مغضوب عليها
عربيات عمالة تغلى وتغلى والناس بتشترى وعربيات تانية مهما نزلت بسعر معقول مقارنة بالمنافسين بردة متتباعش

معلش ياباشا انا هعلق كدة على مشاركة حضرتك

* طيب حضرتك بتقدم دليل على ان الشعب المصرى يهمة ( اعادة البيع + سهولة ورخص قطع الغيار )

* مين قال لحضرتك ان اليابانى ماكنش فية الاوبشن المقعد دة معلش هو حضرتك لو بتبص للى بينزل هنا فاكيد مش هيبقى مقياس لان التصنيف الاوروبى للسيارات وجهاز مواصفات الامن والسلامة فى اوروبا بيحتم عليهم ان العربية ماتخرجش من المصنع الا وفيها الحاجات دية او استيراد اى سيارة غير وبردة فيها الاوبشن دة
- لكن الدول الغلابة ومنهم احنا بيضحكوا عليك عادى جدا

لكن فى الخارج السيفيك بتنزل ( انجيكشن + abs- مالتى فانكشن - 2 ايرباج - دفايات كراسى + كراسى كهرباء - مثبت سرعة ) عادى جدا وفية منها موجود هنا فى مصر بس اللى يدور بقى

- ياباشا انا معاك ان الاوروبى معقد اكتر بس صدقنى مش هينفع هنا فى مصر لاننا عندنا حاجتين ( قطع الغيار باهظة التمن + صنايعية اقل مايقال عنهم انهم كفتجية ) ماينفعش يشتغلوا فى العربيات دية ويطلعوها زى مانت عايز لان اغلبيتهم جهلة وشغالين حسب ماعلمهم الاسطى الكبير اللى كان اساسة شغالة فى العربيات موديل ال 60وال 70 , والكلمة اللى الصنايعية دلوقتى بيقولها عشان تجيلهم اصلى كنت شغال فى التوكيل وسيبتة عشان الفلوس ولو دورت وشوفت التوكيل بتاعة دة هتلاقية ورشة صغيرة مافيهاش حتى عدة محترمة
* وبعدين مع احترامى لحضرتك انت عندك ال bmw والمرسيدس ال e200 موديل 1992 عندنا هنا فى مصر كربراتير ومافيهومش abs ولا اير باج فى واقع ان اليابانى بينزل انجيكشن من 1988 على الاقل فى الهوندا , اية رايك بقى

( انعم محركات اليابانى + اقل استهلاك للوقود اليابانى + افضل عمرا اليابانى + اقل تكلفة وارخص سعرا اليابانى + قوة المحرك والسرعة القصوى اليابانى ) وكل دة من نفس المحركات 1600 سى سى