اقتباس المشاركة الأصلية كتبت بواسطة minicooper20 مشاهدة المشاركة
فى ناس ممكن تجيب بفرنا 240
و فى ناس بتمشى على الحيط كده كده بسرعه بسرعه
انا عن نفسى كا محمد اتبسط
نياهاهاهاهاهاها ههههههههههههههههههههه
ماشى ياعم عاطف,
بيقولك الـdownforce اللى بتعملها عربية الـFormula1 عند سرعة 200.. ممكن تخليها تمشى عـ السقف (مش عـ الحيط), تلزق يعنى.. بجد
ههههههههههههههههههه


اقتباس المشاركة الأصلية كتبت بواسطة lanos2004 مشاهدة المشاركة
-ثانيا العربيات الاتوماتيك الى هيه اربع نقلات مستحيل تكسر 200 لان الماتور هيجيب اخرة--الى هوة 6500 لفه بعد كدة العربيه مش هتزود كيلو واحد الا لو فتيس خمس نقلات ممكن اصدق انها تكسر 200
+1
هو طبعا الموضوع بيبقى Gear-Ratio أكثر منه عدد نقلات,
بس فعلا فـ عربيات مش للجرى زى دى.. بيتضبط الـ4th gear انه يبقى Compromise مابين التجميع على السرعات العالية والتوب-سبيد..!!

لكن عندك حق ان فتيس 4-سرعات أوتو, صعب يجيب الـ200.. ولو جابها مرتين-3, مش هيجيبها 10 زى ماقلنا..
والا مكانوش عملوا فتيسات 5, 6 و 7 سرعات (فـ العربيات العادية بتاعتنا برضه مش Race).

واسألوا بتوع السيراتو (بالفتيس القديم 4-سرعات) لو مش مصدقين, كام عربية قفلت على 170 ومش راضية تعديها..؟؟!!!
مش مشكلتنا ان الموتور بالفتيس ده وصل لكم متأخر (بعد الكيا), فـ لسه بتستكشفوا من الأول.. الموضوع قتل بحثا فـ قسم الكيا من زماااااااااان.


اقتباس المشاركة الأصلية كتبت بواسطة SHNORY مشاهدة المشاركة
انا كنت معدي من قدام القسم وسمعت دوشه فقولت ادخل اهدي الجو
ههههههههههههههههههههههههه ه
احنا بنطلب من منسقين قسم الهيونداى, المهندسين SE_coralsea, Kareem Fawzy
انهم يركبوا أبواب عازلة للقسم.. ويقفلوا الباب كويس لما تبقى فيه معركة, خصوصا لو فيه ناس من برا قسم الهيونداى جاية توجب (زيى أنا و semsem kane و minicooper20)..
عشان لو حد كبير معدى من قدام القسم, مايسمعش دوشة وضرب وتكسير.. لحد ما نفك احنا, وبعدين اعملوا اللى انتوا عايزينه..

اقتباس المشاركة الأصلية كتبت بواسطة semsem kane مشاهدة المشاركة
يابختك انت بعد 140 كنت مرعوب
انا لما جربتها بعد ال100 حسيت ان الهواء هو اللى بيتحكم فى العربية لحد ماوصلت ل130 كم قولت اهلا بيكى عليت شوية بالسرعة لقيت الدنيا بتبوظ اكتر قولت كفاية عليكى كدة
هههههههههههههههههههههههه
فكرتنى بالجيتز اللى أندرت منى على الدائرى من كام سنة.. وأخوك داخل الملف على 140 (عادى والله ملف مفتوح مش Tight), ولقيت الدركسيون مش راضى يلم..؟؟!!!
والعربية عمالة تخرج من الحارة.. ورايحة على الحاجز الخرسانة..
لحد ما ربنا سترها.. فرامل مع محايلة للطارة, وبنزين تانى على خفيف لحد ما رجعت حارتها فـ أمان الله..!!

الأسبوع اللى بعده, 2 أصحابنا (صاحب العربية, والتانى كان سايق).. و عـ الدائرى برضه؟؟ اتقلبوا بيها على 160-170, جت على جنبها وزحفت مسافة.. ولبست فـ الحيط الخرسانة.
بس الحمد لله طلعوا سلام.. جروح وكسور خفيفة.
عايز أضيف.. أنا كنت معايا جولف-4 ساعتها, و موكا (اللى قلبها) كان راكب بورا..
بس كده,