Dualogic بدأ يستعبط في البرافو

**pogy_atom** · 19-03-2012 05:54 PM

المشاركة الأصلية كتبت بواسطة formulator

@ pogy_atom
مش أنت محمد بتاع 6-أكتوبر (فـ كلية الطب), عربيتك برافو حمراء Pkg-5؟؟!!!

لو أنت,
أنا د.مصطفى عياد.. اتقابلنا فـ التوكيل, وركبت عربيتك وقولتلك على حاجات فـ الـDualogic كده.. (ودخلنا الباركينج بتاع أوماترا نتفرج على الألفا Spyder الكونفيرتيبل).
وانت كلمتنى كذا مرة عشان مشكلة فـ العربية... وكلمتلك م/كريم حافظ..؟!!

Anyway,
دى تهييسة سوفت, زى ما Yoko قال فـ الأول..
يقولك Gear Unavailable, Check Transmission.. أو Contact Fiat-DealerShip

ركز أوى: طالما لمبة الفتيس فـ التابلوه مش منورة.. والكمبيوتر مقالش 3rd Max gear Permitted..؟؟!!! يبقى سوفتوير يا معلم.
لكن لو بتعدى الغيار الثالث عااااااااااااادى.. مفيش مشكلة, ولو مقلق حطها على الـExamino عند أوماترا.. يعملوا Scan للـErrors اللى متسجلة
(بس ماتفصلش البطارية عشان ماتعملش Restart وتمسح الـData)..

Regards,

شكرا formulator على شوية المعلومات الجامدة دي

انا للأسف مش محمد بتاع 6 أكتوبر انا أحمد بتاع 6 أكتوبر ومش في كلية طب

المهم كلامك طمني كتير هي اللمبة اللي في التابلوه نورت مرة كده وكانت بتشتغل وتطفي كل ثانية وقاللي check transmission بس ما طلعتش بعد كده تاني

وان شاء الله لو حصل كده تاني هروح لأوماترا لأني فعلا فصلت البطارية خلاص

وشكرا كمان مرة واضح انك مذاكر كويس

**hany63** · 19-03-2012 06:05 PM

طقم الدبرياج ما لوش دعوه بالكيلو متر الكلام ده كان زمان قبل الزحمه فممكن الطقم يضرب على 30000 كم و في عربيه اختها نفس الموديل يقعد 150000 كم

**pogy_atom** · 19-03-2012 06:13 PM

واضح من الكلام ان طقم الدبرياج ده هيضرب هيضرب لا محالة :)

يا ترى هو غالي في البرافو ولا ايه النظام ولو حد يعرف متوسط عمره اد ايه

**megaman** · 19-03-2012 06:54 PM

عربية اختى جراند بونتو لما بنحرق على rpm عالى او نفرمل فجأه العربيه بتفصل فتيس يعنى بتمور ولازم نبطلها وندورها تانى لما رحنا التوكيل قالولنا ان زيت الفتيس الهيدروليك كان لازم يتغير على 20000 وده عجيب جدا ومش موجود فى اى سياره اخرى غيروا الزيت وعملوا ريست للبرنامج ظبتت وقالولنا الفتيس الستيبترونيك ليه خزنتين زيت واحده زيت فتيس عادى والتانيه هيدروليك ولو اهملنا الزيت ممكن الاسطوانه والبليه يبوظوا طبعا الكلام مش مقنع ده لا بيحصل فى فتيس مانيوال ولا اوتوماتيك

**Ammar** · 19-03-2012 07:15 PM

المشاركة الأصلية كتبت بواسطة formulator

e respect لـ حضرتك يا باشا,
الكلام ده مش صحيح..

أولا: الـclutch kit اللى بتنزل على الجراند/ايفو.. غير بتاع البرافو خاااااااااااالص.
أى طقم دبرياج بتاع برافو t-jet من 2009.. بيبقى طقم abarth والكلتش بيبقى re-inforced

ثانيا: مفيش حاجة اسمها ديسك واسطوانة بتاع selespeed, dualogic أو حتى الـeasytronic بتاع الأوبل تبوظ عند 40-50 ألف؟؟؟!!!

وعن تجااااااااااااااارب:
- ألفا 156 selespeed قعد 120 ألف كم, مع مراعاة ان الموتور 2.0 ts بقوة 155 حصان (يعنى أجمد من موتور البرافو 150 حصان).. بس العزم كان 190 نيوتن iirc

- برافو 120 t-jet لحد دلوقتى قربت على 60 ألف الحمد لله,
وأعرف كذا برافو تربو مابين 120 dualogic و 150 مانيوال.. معديين 70-90 ألف, ولا الهواء؟؟!!!

والاثنين نفس طقم الدبرياج بتاع الأبارث, وبيركب على فتيس الـm32 (نفس الفتيس برضه), مع matching-clutch.. وخد بالك أوى من الكلمة دى.
يعنى الكلتش يستحمل لحد 320 نيوتن (m32), مش بس الـ206-230 بتوع البرافو,
عشان كده بقولك متقارنش بالجراند/ايفو موتور 77 حصان, 115 نيوتن..

متشكرين يا باشا على المعلومات القيمة ديه .. كلام جميل الحقيقة مكنتش عارفه ..

ولصاحب الموضوع آسف على الغلطة ديه .. طول عمري فاكر الإتنين نفس القصة .. بس طبعا بالعقل كده مش منطقي .. ربنا يبارك لك فيها

:-)

**Formulator** · 19-03-2012 07:30 PM

المشاركة الأصلية كتبت بواسطة megaman

لما رحنا التوكيل قالولنا ان زيت الفتيس الهيدروليك كان لازم يتغير على 20000 وده عجيب جدا ومش موجود فى اى سياره اخرى غيروا الزيت وعملوا ريست للبرنامج ظبتت وقالولنا الفتيس الستيبترونيك ليه خزنتين زيت واحده زيت فتيس عادى والتانيه هيدروليك ولو اهملنا الزيت ممكن الاسطوانه والبليه يبوظوا طبعا الكلام مش مقنع ده لا بيحصل فى فتيس مانيوال ولا اوتوماتيك

ومين قال ان الـDualogic/Selespeed أوتوماتيك.. أو حتى مانيوال صرف؟؟؟!!!

هو مش الكمبيوتر حضرتك هو اللى بيدوس دبرياج (بدلا منك), عشان يفصل الغيار ويعشق التانى؟؟!!!

يبقى لااااااااااااازم High-Pressure Pump بتاخد الأمر من Electro-Hydraulic Actuator Module
عشان تضغط هى وتحرك الـFork والدبرياج يفصل ويعشق.. كأنك انت اللى دوست بالضبط فـ عربية مانيوال..
أزاااااااااااااى بقى حضرتك مايبقاش ليها زيت هيدروليك لوحدها؟؟؟!!

زيت الفتيس حاجة Transmission-Oil دى بيتحط جوا علبة التروس نفسها,
وزيت الهيدروليك بتاع طلمبة الـSelespeed/Dualogic حاجة تانى.. زى الـATF بتاع الـValve-body فـ الفتيسات الأوتو كده.

Regards,

**Formulator** · 19-03-2012 07:44 PM

ياجدعان احمدوا ربنا على الـDualogic

فيه ناس ركبت ألفاروميو بسعر أغلى من الـBMــات والفولكس والأوبل طبعا فـ 98-2002
وكان الـSelespeed ده لسه ناقلينه وش من عربيات الفيررارى العادية, والـFormula1

يعنى لسه بيتعلموا فـ الـCustomers..
تخيلوا كمية المشاكل سوفت وHardware فـ السيليسبيد كانت عاملة أزاااااااااى؟؟!!!

(الحمد لله مش احنا, لأن عربيتنا كانت 2003 facelift أو 2nd Series).. كانوا عدلوا فـ الفتيس والكنترول جاااااااااااامد جدا.
من الآخر: الـDualogic (رغم انه نازل فـ الفيات الشعبى), متطور جدا عن الـSelespeed (اللى كان بينزل فـ الألفا السبورت)..
أصلا دلوقتى ألفا بتنزل بفتيسات TCT ديوال-كلتش (2 دبرياج) زى الـDSG بتاع فولكس.

Edit: فيررارى-ألفاروميو-فيات و Magneti Marelli (اللى عملوا الفتيس)..
ليهم فضل على صناعة العربيات فـ العالم, لأنهم أول من ادخل الفتيسات الـAutomated-Manuals دى (أو الـSequential).. بكلتش أو ديوال-كلتش.
سواء فـ الرياضة زى الـF1, أو فى سيارات الركوب العادية..؟؟!!!

**osamy** · 20-03-2012 03:35 PM

المشاركة الأصلية كتبت بواسطة formulator

e respect لـ حضرتك يا باشا,
الكلام ده مش صحيح..

أولا: الـclutch kit اللى بتنزل على الجراند/ايفو.. غير بتاع البرافو خاااااااااااالص.
أى طقم دبرياج بتاع برافو t-jet من 2009.. بيبقى طقم abarth والكلتش بيبقى re-inforced

ثانيا: مفيش حاجة اسمها ديسك واسطوانة بتاع selespeed, dualogic أو حتى الـeasytronic بتاع الأوبل تبوظ عند 40-50 ألف؟؟؟!!!

وعن تجااااااااااااااارب:
- ألفا 156 selespeed قعد 120 ألف كم, مع مراعاة ان الموتور 2.0 ts بقوة 155 حصان (يعنى أجمد من موتور البرافو 150 حصان).. بس العزم كان 190 نيوتن iirc

- برافو 120 t-jet لحد دلوقتى قربت على 60 ألف الحمد لله,
وأعرف كذا برافو تربو مابين 120 dualogic و 150 مانيوال.. معديين 70-90 ألف, ولا الهواء؟؟!!!

والاثنين نفس طقم الدبرياج بتاع الأبارث, وبيركب على فتيس الـm32 (نفس الفتيس برضه), مع matching-clutch.. وخد بالك أوى من الكلمة دى.
يعنى الكلتش يستحمل لحد 320 نيوتن (m32), مش بس الـ206-230 بتوع البرافو,
عشان كده بقولك متقارنش بالجراند/ايفو موتور 77 حصان, 115 نيوتن..

ايه ده يعني بتاع الايفو اضعف
طب ده بيتغير تقريبا امتى وتكلفته كام

-

الموضوع: Dualogic بدأ يستعبط في البرافو

LinkBack

أدوات الموضوع

عرض

-

-

-

المواضيع المتشابهه

تغيير زيت الفتيس(dualogic)

استفسار عن الفتيس اال dualogic

الي خبراء الفيات:Dualogic

for dualogic cars owners

فيات Dualogic مش أى أوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة