الموضوع: ‘إعادة أمتحانات جميع رخص القيادة قريباً ؟؟؟

بأختصار طبعا أؤيد و بشدة اعادة أمتحان كل المصريين

بس للآسف ........ السواقة أخلاق ........ و أحنا معدومين الأخلاق (النظام و الأنتظار مش في الجينات بتاعتنا خالص )
أحنا الشعب اللي خالي جينات النظام و الانتظار و معاهم النظافة )

أنا شايف أن أحنا ملناش حل غير القوة و قلة الأدب من الشرطة (هي دي اللي ممكن تمشي مع البهايم اللي عايشة على أرض مصر) .

لسة النهاردة الطريق واقف وورايا واحد عمال يروح يمين و شمال و يمين و شمال و كل ده و الطريق واقف و الله العظيم تلاتة
هو كل اللي عمله أنه عمال يبلطج على اللي جنبه
بس لما جه يعمل معايا كدا قفلت عليه و قال أيه بيزمرلي

دي بلد مفيش فيها فايدة و ناس مش عايز تتغير ........... و أبقى سلملي على الثورة
لو عملت 1000 ثورة و لا هاتغير حاجة لأن الناس من جواها معفن و فسد خلاص ........ صلاحيتنا أنتهت من زمان .
أحنا ملناش غير قوانين الطوارئ و العادلي و المخلوع
حاجة تقرف و عيشة تقرف .

بمناسبة الأستطلاع
رحت أمتحنت بأمانة ....... و الراجل (المهندس) كان عايز مني فلوس و مكنش عايز يمضي ........ و كلمت ظابط في أمن الدولة
الظابط قاله هو بيعرف يسوق ........ قاله آه .......... قاله أمضي على الورق حالا .

ملحوظة
المهندس أصلا مش بيبص على الناس اللي بتمتحن الأمتحان الأهبل بتاعهم أساسا
هو حتى الأمتحان لا يصلح أنه يخرج سواق .

وفي نفس اليوم ........ واحدة شالت كوزين (البتاع البرتقالي ) و دخلت في الرصيف و عمل التأشيرة على ورقها أنها بتعرف تسوق .

هههههههههههههه الي يعيش يشوف العجب ... هو لو في قانون وفي عدل ... مكنش الواحد لجئ للواسطة ... ومن ضمن المسخرررررة الي بتحصل ... يجي واحد مكتوب في بطاقتو المهنة / طبيب يعني دكتور ... ويجي العسكري يقلوو هاتلي شهادة تفيد بمحو الامية (يعني أنك بتعرف تقرى وتكتب ) ... أو مؤهل دراسي هههههههههههههههه طيب هو البطاقة دي جيبها من بير السلم ولا لقيتها بتتباع في كشك السجاير الي ورى بيتنا ... ماهو مكتوب يابيه طبييييييييييييييب طبيب ... يقلك لا مليش دعوة القانون قانون ياسلالالالالالالالالالالا لالالالالالالام ... ولازم يبقى الورق مستوفي ياحلالالالالالاوة ياولاد ... وياسلام على المصري لمن يطبق القانون زي الاعمى ... بتلاقيها اغبى مخلوق خلقو ربنا على وجه الارض .

انا كمان طلعتها بواسطة

بس موضوع الواسطة دة معملش حاجة غير انه عداني من الامتحان العملي علشان العربية معرفتش ارجع بيها ورا علشان كرسي السواق كان ساقط و المرايات بايظة كمان


غير كدة الحمد لله كنت جايب 97 % في امتحان الاشارات بمجهودي

المهم انا نفسي قبل الامتحانات و الحبشتكانات دي الناس تتعلم قواعد المرور الاساسية

زي مثلا حركة بشوفها كتييير و بتغيظني يعني مثلا ابقى في ميدان و دخلته خلاص و في نصه و تلاقي واحد جاي في شارع داخل على الميدان و الباشا يقوم دايس علشان يسبقني و يعدي الميدان ميعرفش ان الأولوية في الحالة دي بتكون ليا