‘إعادة أمتحانات جميع رخص القيادة قريباً ؟؟؟

**yoko** · 13-03-2012 10:03 PM

المشاركة الأصلية كتبت بواسطة me_medoo

اه واللهي يا yoko أمتحنات السعودية من اقوى الامتحنات ... في أروبا بيدولك كتاب تزكرو بالكامل وتدرس ميكانيكا وتتعلم فنون القيادة مش هنا خش بين قرطسين وكمان يسقطووك ... هههههههههههه

وبعدين في نقطة تانية ... انا أحياناً بلوم ولدي أنو علمني ودخلني جمعة كان فيها ايه لمن كان يطلعني امين شرطة ... في المرور كان زماني دلوقتي عندي عماراتين ... وميركوبصين واتوبيس كمان .

Twioa باشا ههههههههه فعلاً عربيات كتير دلوقتي خارج نطاق الخدمة واتوبيسات ومفيش نمر عليها خالص وماشية بالبركة.
وتلاقي صاحب الاتوبيس لمن يتعب يخلي ابنو الصغير يسوقها ويحمل بيها هههههههههههههههه وركاب وحياة وارواح ناس فيها وعادي ويقلك لا متخفش اصل الواد طالع زي ابوه سواق ... ياعم الحج ده عيل صغير ... ده مش طايل الديركسيون ... يقلك خليها على الله .

أنا إمتحنوني ميكانيكا وإشارات
وبعد كده سواقه وملفات وركن (بضهرك من مره واحده) وتقف على مطلع وتطلع من غير ما العربيه تريح وتمشي بضهرك مسافة 6 عربيات من غير ما تخرج من الحارة
كفايه ولا أقول كمان؟
وفي الأخر أسقط في مصر في uturn !!!!!

**heeshooheeshoo** · 13-03-2012 10:31 PM

أنا شخصيا إتعلمت زمان على يد سواق وإشتريت كتاب علامات المرور الدولية وذاكرتها كويس ورحت إمتحنت سواقه وعلامات ونجحت من أول مرة . بس الكلام ده من زمان شويه . بس الكلام ده ماكانش برضه قاعدة أيامها وإللى كان يعرف واسطة كان بيلجأ لها على الأقل لتسهيل الإجراءات وعدم التعنت .

عندى حكايه ظريفة عن واحد أعرفه سافر زمان لإحدى الدول العربية المجاورة وهو معاه رخصة مصرية وبيسوق بقاله زمان وقبل ما يسافر طلع برضه رخصة دولية من نادى السيارات وخدهم معاه لما سافر .
وهناك قالوله لازم يطلع رخصه من عندهم ، فلما راح إدارة المرور قاله الموظف المسئول إنه لازم يمتحن من جديد ومالوش دعوه برخصة مصر .
حاول صاحبى يفهمه بأى طريقة إنه فعلا بيعرف يسوق بدون فائدة ، فما كان من الموظف المسئول إلا أن أشار لصاحبى لينظر إلى الحائط خلف مكتب الموظف .
تفتكروا إيه إللى كان متعلق على الحيطه خلف مكتب الموظف ؟؟
أشار له الموظف وقال هذه أصل رخصة قيادة إستخرجتها من إحدى إدارات المرور فى مصر مع أننى لم أذهب إلى مصر فى حياتى من قبل ( الفلوس عندكم بتعمل كل حاجه ) !!!
بس خلاص ، ولا تعليق

**memo823000** · 13-03-2012 11:38 PM

طبعا الموضوع معايا مختلف
والدى عنده 61 سنه وربنا رزقه بعربيه من وهو عنده 20 سنه
المهم سافر دبى فتره حوالى 3 سنين (متقطع يسافر ويرجع مصر) يجى من 12 سنة وطبعا قال يطلع رخصة تخيلو سقط مرتين وورانى الورق ويقول للراجل انا بسوق من 40 سنة
ادى حاجه
طبعا انا متعلم السواقه من وانا فى ثانوى بس ابويه كان بيخاف يخلينى اسوق المهم بقيت ازوغ بالعربيه من ورا ابويه لحد متعلمت وعلى فكره لعبت need for speed كان ليها فضل كبير بعد ربنا فى ظبط الزوايا واتقان تفادى العربيات على سرعه المهم لما خلصت جامعه وبخلص فى ورق الجيش قولت اعمل الرخصة بالمره واهى تبقى كارنيه فى المحفظه ورحت مدرسة قياده فى المهندسين والراجل اللى المفروض بيعلمنى لقانى متعلم جاهز فكنت بركب نلف شويه فى جامعة الدول ونضرب سندوتشات من عند التابعى ونشرب عصير من فرغلى وبعدين يقعد يدربنى شوية عملى على الاقماع وميكانيكا واروح
المهم قعدت على الحال ده اسبوع لحد مقولتله بقولك ايه انا لافيا دماغ اذاكر نظرى ولا عندى استعداد اعيد تانى
المهم اتفقت اديله 300 جنيه وطلعلى ورقى انى ناجح عملى ونظرى وروحت اتصورت فى مرور اكتوبر وطلعتها وانا واقف بس قالى انا عمرى ماكنت هطلعهالك الا وانا متاكد انك بتسوق كويس واختبرتك بنفسى (هو طبعا غلط بس اعمل ايه ملل اجراءات واسلوب الحكومة يخلى الواحد يعمل اى حاجه عشان يريح نفسه)

**me_medoo** · 14-03-2012 12:07 AM

yoko حبيبي قلبي تسقط في بلدك أحسن ماتسقط في بلاد الغربة طيب هفكرك بحاجة كمان في امتحنات السعودية بترجع عربيتك حرف الاس ريوس مرشدير ... واذا بس لوحة رقبتك كده نص لوحة ولا بصيت وراك يمين ولا شمال تسقط فوراً ... لازم تسوق بظهرك من خلال التلت مرايت فاكر ولا ناسي .

heeshooheeshoo
معاك حق ياباشا ... أنتا عارف ان الخليجين بيجو يشتروا ... شهادات الدكتوراه من عندنا هنا ... ده غير الطلبة الي بيجي كل طالب بيدفع للدكتور بتاعو 6000 جنية ويجمعو على الاقل 40 طالب علشان يبعلهم الامتحان ليلة الامتحان + الاجابة النموذجية ... فعلاً عملنا لينا سمعة حلوة قوووي قوي برة ...

و memo823000 خير ما عملت أنك دفعت 300 جنية
وعلى فكرة ده سعر لقطة ... دلوقتي وصلت ل 600 و 750 جنية كمان
وعلى فكرة حلوة فكرة نيد فور اسبيد ... أنا شفت الجنود الامريكان الطيارين ... بيعلموهم على لعبة طيران بلي استيشن .... علشان يتودكو في الطيران ... ده حتى ليا صديق ليا عندو زي صالة بلي أستيشن بيقلي ان في لعيبه مشهورين بيجو يلعبوو لعبة فيفاااااا علشان يدربو .
بس مش هتبقى صعبة شوية انهم يحطولك بلاي استيشن في المرور ... ويقولوا الي هيطلع رخصة يالله ورينا يابطل هتعمل ايه .... يالله جيم اوفر ياحلوو خد ورقك وتعال الشهر الي جاي عدي علينا ههههههههههههههه

**yoko** · 14-03-2012 12:18 AM

yoko حبيبي قلبي تسقط في بلدك أحسن ماتسقط في بلاد الغربة طيب هفكرك بحاجة كمان في امتحنات السعودية بترجع عربيتك حرف الاس ريوس مرشدير ... واذا بس لوحة رقبتك كده نص لوحة ولا بصيت وراك يمين ولا شمال تسقط فوراً ... لازم تسوق بظهرك من خلال التلت مرايت فاكر ولا ناسي .

انا عشان كانت تحت السن ممتحنتهاش بس إمتحنت ال 8 ههههههههههههه والحمد لله نجحت من أول مره
وطبعا محدش ينسى تبص في المرايات ال3 كل 15 ثانيه يا إما هتسقط

**ZOoOoMA** · 14-03-2012 12:26 AM

انا روحت و امتحن كل حاجه لوحدي و امتحان السواقه كان على عربيه المرور عشان عربيتي كانت عطلانه و معرفتش ارجع ل ورا غير و انا ببص في المرايات و عملتها بسرعه و بهدوء لاني مبعرفش اسوق غير ب المرايات بصراحه

**yoko** · 14-03-2012 12:27 AM

الساعة كام عشان انا عندي كليه من 9 الصبح ل 5 العصر في حلوان ومن 7 ل9 شغل في النادي في مصر الجديده !!!!!

-

-

-

مشاهدة نتائج الإستطلاع: كيف قمت بأستخراج رخصة القيادة (بصدق) ؟

الموضوع: ‘إعادة أمتحانات جميع رخص القيادة قريباً ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

سلسلة سلوكيات القيادة الأمنة - الحلقة السادسة (القيادة الليلية)

عند تهدئة سرعة السيارة أثناء القيادة دون توقف....وسؤال للماهرين في القيادة

هل القيادة الإفتراضية (Electronic games) تفيد فى القيادة الواقعية

الكلمات الدلالية لهذا الموضوع

المفضلات

المفضلات

ضوابط المشاركة