الموضوع: ‘إعادة أمتحانات جميع رخص القيادة قريباً ؟؟؟

اولا الواحد بيطلع الرخصه علشان يتمرن بيها علي قواعد المرور المصرية مش بيطلعها علشان بيعرف يسوق
ثانيا رخصة القيادة في مصر ما هي الا سبوبه للمرور بكل اشكاله
كفايه اوي انهم موقفين لجنه مرور في اول فيصل بتوقف الملاكي علي الحزام و الفاميه و في الناحيه المقايله من الشارع كوافير عنده فرح مركن عربياته 4 صفوف و بيقفل كوبري فيصل لحد الجيزه
كفايه ان لجان المرور عمرهم ما وقفوا ميكروباص علي نمر او تركيب عدد مخالف من الركاب
كفايه ان المرور بتستعين بالبلطجيه لتنظيم مواقف الميكروباصات

المشاركة الأصلية كتبت بواسطة amrelsaqqa

المشكلة مش مشكلة جهل بس
في ناس بتعرف تسوق وعارفة القواعد ولكن بتبلطج ودول ساعات بيبقى الضرر منهم اشد

يعنى مثلا سواق الميكروباص لما يكسر عليك ، ده مش معناه انه مش عارف ، هو عارف ان السواقة بحق ربنا مش كدة وبيبقى قاصد يبلطج




الشارع هو اللى بيعلم كل حاجة سيئة ، بيعلمك تكسر على الناس ، ترشق في اي مكان لما تكون الدنيا زحمة وتخلى الطريق 8 حارات ال يعنى كدة هتعدى اسرع ، لما تكون سواق ميكروباص تبقى ماشي عامل ارهاب للشارع كله ، و تعب اعصاب للركاب اللى راكبين معاك ، كل شوية تدوس بنزين وتنطر رجلك مرة واحدة على غيار 1 و 2 و وتصدع الناس كلها ...

ده اللى الشارع بيعلمه واللى الناس بتعمله

انما الامتحان للاسف عقيم جدا مش هيعلمك تغير حارتك ازاى ولا هيعلمك تمشى على الطرق السريعة وتمشى في وسط البلد ازاى وفي الزحمة ازاى وتاخد اليوتيرن ازاى وتطلع الكبارى ازاى
ولا حتى بيعلمك تقف في الاشارة اازاى ولا بيعلمك تحترم الطريق والناس اللى ماشية عليه ازاى ،

الامتحان اختصر السواقة كلها في الركنة الزجزاج وهى اساسا حاجة من اتنين يا واحد متمكن فعلا في السواقة و بيعرف يعملها بسبب درجة تمكنه
يا اما اي واحد ما يعرفش اي حاجة قعد يتدرب عليها لحد ما حفظها من غير ما يكون اتقن السواقة كلها .. وياريته بيطلع يعرف يركن بين عربيتين حتى ..


فحل المشكلة يكون من شقين :

حل مشكلة الجهل وحل مشكلة البلطجة وده عن طريق :

استئصال الفساد والرشوة من جهاز المرور و تطوير الامتحان للرخص الجديدة وعمل دورات للناس اللى معاهم رخص حالية بما فيهم رخص الملاكى و سواقين الاجرة بأنوعها والنقل بأنواعه ، واصدار قانون صارم عادل محترم لا يسعى لجنى الاموال وانما يسعى فعلا لتحقيق النظام والامان بعد تدريب السائقين عشان يبقوا اتعلموا وعارفين بيتحاسبوا على ايه وتكون البداية بالنقل والاجرة في الدورات والمخالفات وبعدها الملاكى تدريجيا ..

ساعتها الجاهل هيكون اتعلم
والمحترم هيفضل محترم ومعاناته هتقل
والمحترم بس بدأ يفقد اعصابه ويكتسب سلوكيات سواقين الميكروباص هيرجع محترم تانى
واللى مش محترم خالص هيبقى محترم غصب عنه ..

والله العظيم الراجل ده قال كلام زي الفل ..