الموضوع: تعالوا نعرف ازاي نغير سير الدينامو

المشاركة الأصلية كتبت بواسطة Taiwo

عاش ياكبير ... أيوا كده الحجات بتاعة زمان ..

سؤال رفيع كده :
نعرف منين أن السير كويس ولا عاوز يتغير ... ولا لو صحيت ف يوم زهقان أنزل أغيره ؟؟!!!
ياريت تقولنا السير بيتغير ليه وإمتي ....

كملو مواضيعكو بقي زهقتونا ...... ههههههههههههههه حبيبي وربنا

.

لا حول و لا قوة الا بالله ايه الناس ديه هههههههههههه
بص يا ريس الطبيعي انك احتياطي بتغير السير بعد حوالي 30-40 الف ك
زي سير الكاتينة بالظبط كل 40-50 ألف احتياطي مع ان الفبريكة ممكن يقعد معاك لحد 60-70 ألف و كذاك تيل الفرامل الفبريكة ممكن يوصل لــ40-50 ألف و هكذا في حاجة الفبريكة :)
بوجيهات الفبريكة غيرتها ع 103 ألف و فلتر الهوا ع حوالي 110- 115 ألف العربية عايزة تشتمني

لكن انا من يتبع نظرية استخدم الحاجة لحد ما تجيب أخرها طالما تكمل لأن الفبريكة فبريكة بشرط تكون متابع للحالة بس في الحاجات التعبانة و أشك انها نضيفة بغير عالطول لما أحس انها هتيجب أخرها
و بالتالي سير الدينامو لما يكون خلاص بيجيب أخره هتسمع صوت صفير جامد لما تدور العربية
هتلاقي العربية كل ما تنقل نقلة تسمع زي صوت تسقيف او تكتكة في أول مشوار النقلة يعني مثلا لو انت نقلت من التاني للتالت هتسمع الصوت اول ما تنقل لحد ما السرعة تزيد حوالي 5-10 و بعدين الصوت يروح و هكذا في كل نقلة متسالنيش ازاي بس هي ديه الحقيقة ههههههه ده يبقي خلاص مش قادر يستحمل
اخيرا بالشكل هتلاقيه مفلق زي مقولت يعني متشرخ تحس ان الكاوتش فيه شروخ و فتحات كده يبقي خلاص هيتقطع :)
أؤمر كنت بتسال ع ايه ؟

المشاركة الأصلية كتبت بواسطة taiwo

ههههههههههههههههه بيحصل بقاله أسبوعين بس أنا مش بدقق ف الحقيقة ...
أصل أنا بعامل العربية معاملة الإبل ... هستناه لما يتقطع الأول لما نشوف هيعمل إيه كده ...هههههههههههه


لابجد والله ربنا يباركلك أنا غيرته إمبارح عند الكهربائي أصلي لما شوفت التوبيك أول إمبارح قولت لما نجرب الحجات الغريبة بتاعة axel دي ...
والجميل أن الجديد بيصفر بردو ههههههههههه ....:i_angr1[1]:
علي كلام الكهربائي بيقولي wait يومين كده علي ما السير يطبع معاك !!!
أديني مستني ...

هو السير لو أتقطع هيحصل إيه صحيح ؟؟ ... غير أن الدينامو مش يشحن يعني ...

يا باشا جرب الحاجات الغريبة بتاعت أكسل و مش هتندم ان شاء الله و ربنا يستر
بالنسبة السير هو ايه اللي يطبع ع اساس ان صوت الصفارة هيروح بعد التطبيع ليه ؟؟ هو تيل فرامل و لا احنا شغالين في محل تصوير اسمه السير بيرخي و فعلا الشدة اللي فيه بترخي شوية المهم انه ميكونش مرخي اوي عشان ميقعش و لا مشدود اوي عشان ميتقطعش يعني الرخي يكون انك تدوس ع السير و تلاقي بينزل في حدود 1 سم مش اكتر و لا أقل و عامة اللي بيجي يشوف مش بيقيس بالخبرة
لو لا قدر الله السير اتقطع العربية هتشتغل ع البطارية لحد ما تخلص عليها و علامة البطارية تنور و بعدها العربية تقف مش هتتحرك و لا بالطبل البلدي غير لما البطارية تتشحن و تركب سير جديد عشان الدينامو بسيطة متقلقش هههههههههههههه