الموضوع: تقرحات الفم و اللسان و مرض بهجت

المشاركة الأصلية كتبت بواسطة mostafabakry

اول مره اسمع ان المرض دا اسمه بهجت !! حتي انت كمان يا بهجت لك مرض باسمك !!

انا مراتي بقالها يومين مبتتكلمش و لا بتاكل و مش عارف اعمل ايه
في البداية الموضوع كان قرحة بسيطة في الفم من الداخل و فجاة بعد ما تغدت و نامت صحيت المغرب و حوالين فمها احمر و ملتهب جدا و طبعا مع الم داخل و حوالين الفم

طلعت بيها علي طبيب جلدية و كتب لها علي مضاد حيوي كيوريسيف 500 و كواديديرم كريم و اوراكيور جل و طلب منها عدم اكل اي موالح او بهارات زي الشطة و خلافه

بصراحة من اول امبارح مفيش تقدم و الالم بيزيد و مفيش اكل و المشكلة انها بترضع يعني لازم تاكل كويس عشان البنت الصغيرة

انا فاكر من حوالي 5 سنين جاتلها نفي المشكلة جي و كنت رحت لطبيب غير اللي رحناله المرة دي
الطبيب دا يومها كتب لها علي اسبراي بخاخ زي بتاع مرضي حساية الصدر و كان فعال معاها بس مش فاكرين اسمه ايه و الروشته ضاعت و شكلي هضطر اروح للطبيب دا تاني
سؤالي هل الاسبراي دا كورتيزن ؟؟؟ و هل دا مضر و له اعراض جانبية علي المدي البعيد ؟؟ و هل ممكن يأثر علي الرضيعة ؟؟

انا رديت عليك قبل كده و لكن فيه حاجات نسيت أقلها و بعتذر
للأسف المضادات الحيوية و الجيل و الكلام اللي الدكتور كتبه ده كله كلام فاضي ولا يفيد بشيء و اتجرب فيا قبل كده بهذه الأشياء و بأقوي منها و دون جدوي

حضرتك محتاج فقط علاج موضعي قوي لكن تناول اي شيء أخر مش هيفيد للأسف الوحيد اللي بيفيد و بيوقف هجوم المناعه علي خلايا الفم هو الكورتيزون و لكن لا أنصحك بأن تستخدمه و هي بترضع انا مش طبيب و لكن حسب قرائاتي و كلامي مع الأطباء هو ضار و لكن بنستخدمه لعجزنا عن وجود حلول أخري

ممكن تستخدم الاسبراي اللي قلت عليه من قبل كموضعي ولكن انا مجربتوش قبل كده و خايف يكون له أثار جانبية و لكن الأفضل منه هو تتناول العسل الطبيعي ولما تستخدم العسل تحاول تاخد الملعقة و تجعل العسل يلامس كل مناطق التقرح أطول فترة ممكنه ولو قرأت الموقع اللي وضعته فوق بيقلك تضع العسل علي قطنه و تضعها علي القرح لفترة حوالي 10 دقايق ولا تتناول اي شيء بعديها لمده نصف ساعه
العسل هيكون حامي جدا اول 5 دقايق ولكن خليها تحاول تصبر و تحتسب لأنها هتلاقي راحة بعديها لم تكن تتخيلها و هتقدر وقتها تاكل و تشرب عادي و لكن بعد فترة و تكون فطريات و لعاب هيرجع ألم تاني و تستخدم عسل تاني و هكذا و أكيد ان شاء الله انه بعد من ثلاثة ايام الي اربعه بالكتير سوف تزول الألام و يتبقي بعض الندبات من القرح تستمر في استخدام العسل لفترة و هتجد ان كل شيء رجع لطبيعته و أحسن ان شاء الله
وبالتوفيق ان شاء الله