جاي بعد الهنا بست سنين وبرد على موضوعك :d..
مبدئياً كدا متغلطش ف الهونداوية السيفيكيين..

انا برد علشان يكون فيه استفادة من إحياء الموضوع من جديد لمدى خطورته.. انا معايا هوندا سيفيك وفعلاً زي ما معظم الناس كتبت الناس بتشوف السيفيك من هنا وهاتك يا فرك وشد (بيحسسوك انك راكب فيراري كتر خيرهم :d), وبصراحة السيفيك نفسها تخلي اللي ورا دريكسيونها مغرور بأمكانياتها.. بس عايز اقولك على نقطة الله اعلم انت فين بعد 6 سنين .. الطريق ملهوش كبير.. والشطارة ف السواقة مش بالشد والحرق والفرك .. الحاجات دي مكانها مضمار السباق مش على طرق عامة ناس غلابة بتجري على أكل عيشها ووراها عيال ومسؤوليات .. أقسملك بالله رغم اني شاب عندي 28 سنة وعربيتي متظبطة وتغري وبلاقي ناس كتير بيستفزوني بس بسبهم لحال سبيلهم وكتيييييير بيكونوا فرحانين وبيلوحوا برايات النصر قدامي وفاكرين انهم انتصروا عليا وخايف اسابقهم .. عادي .. لحظة نشوة انتصار بشد او غرزة مع حد او بصوت موتور عالي مش أغلى من حياة او ممتلكات بني آدم الله اعلم وراه ايه او عربيته دي جابها ازاي ...

بشد .. اه بشد مش هضحك عليك وبطير بالعربية كمان وغرز واللي قلبك يحبه بس مع اصحابي ف طرق فاضية تماماً وتقريباً غير مأهولة بالسكان او لسة بتتبني زي التجمع الخامس او أكتوبر.. اما على الطرق العامة فيه آداب مرور لازم كلنا نحترمها حفاظاً على سلامتنا وسلامة الغير ..

ربنا يبعد عنك شر الطريق