الموضوع: اسوء تجربة شد ! ! مع الهوندا سيفيك ! مش اصحاب الكوري بس اللى منفسنين ! !

المشاركة الأصلية كتبت بواسطة evo

أنا معايا ايفوليوشن وحاجة كمان سبور لا داعي لذكرها

أنا مش عدواني أبدًا ... بس بقابل مواقف من دي كتير قوي ده أنا أنا مرة كان في برودوا وفيها مالا يقل عن 5 ومصمم يجرب معايا هاهاهاها... وأقوله مش عايز وأصلا مش هينفع يقولي طيب انزل اللي معايا ونجرب ؟؟ولازقلي بقى من المطار لحد سيتي ستارز لحد مابعدت عنه في الزحمه وخد من كده كتير قوي بقى



مش فاهم إنت واخد الكلام عالي صدرك ليه وبطلع لسانك وحاجات صبيانية كده
أنا مش باستفزك أنا بقول رايي في موضوع عام أنا نفسي بعاني منه كتير

حضرتك تقول رأيك في حاجة مضايقاك وبتعاني منها حاجة وانك تدخل ترد على موضوع بإستخدام عبارات لا تليق "علم عليك - عجبني انه عايز يلبسك - شايفك بتفرتك ماتورك قال يفرتكلك عربيتك بالمرة " دي حاجة تانية

خاصا لما تبقى الحاجة اللى حضرتك مضايق منها غير اللى حصلت في الموضوع ! ؟ انا لا زنقت عليه ولا حاولت اسخنه ولا عملت اي حاجة تضايقه باي حال من الاحوال ! !

فكان المفروض ان حضرتك تفهم الموضوع الاول



أي واحد ممكن يعرف دي عربية مانيوال أو اوتوماتك خصوصا إذا كانت ضعيفة وماشية تجعر جنبه ونفسها هيتقطع من الاثقال اللي شايلها هي فرق خبرات بس

يعني المانويل نفسها مش بيتقطع من الاثقال ! ! ؟ ويعني المانويل مش بتجعر لما بيتحرق عليها ؟

معلش يا باشا بس كلام حضرتك غير مقنع ! يعني ايه انا ابقى ماشي في الشارع واعرف العربية دي مانويل ولا اتوماتيك بمجرد انها تجري بس كدة جمبي ؟

ممكن اعرف اذا كانت مانويل ولا اتوماتيك من الغيارات ده لو انا عارف غيارات العربية ! او من الطلعة او اشوفه بينقل بايده ولا لاء ! لكن بمجرد النظر كدة ؟؟ ازاي يعني

وبيني وبينك الراجل بتاع الهوندا ده أكيد معملش كده إلا لما وصل لمرحلة اتخنق من شباب الجامعة أو الشباب الصغير اللي راكبين فرنا ولا 1300 وفاكر إنه يدوس مع أي حد ويسابق الريح بيها و الرد الجاهز على كل لسان '' هاطلع منه غرز مش مواتير '' وفي النهاية حوادث و نعيط .... منمشي كويسين أحسن وبلاش نحاول نثبت لنفسنا إن ال 1300 '' تعلم على'' 1600 مع ناس ماشية في الشارع منعرفهاش

مع احترامي لرايك حضرتك بس مش السيفيك العربية اللى كل محد يشوفها يحاول يسخنها ! ماشي عربية شكلها شبابية وجميلة وشباب كتير بيحبوها وانا واحد منهم

بس مش لدرجة انه كل مايمشي يشوف واحد يستفزه ! انا لولا انه جاي اصلا من ورا سخنان ماكنتش لا هحاول اسخنه ولا هاجي جمبه بالاصل !

معلش هو مش راكب فيراري عشان كل ماحد يشوفه يحاول يسخنه

واما بالنسبة لنقطة ان 1.3 يعلم على 1.6 فانا في غنى عن اني اقول لحضرتك اسماء عربيات كتييير 1.6 بعلم عليها مرتاح ! ! حضرتك تصدق ده او ماتصدقش دي حاجة ترجعلك

لكن انا مقتنع تماما ان ماتوري ال 1.3 مناسب جدا بالنسبة لوزن العربية وحجمها

عموما أنا حاولت اقول رأي بهدوء لكن الواضح إنك كاتب الموضوع بحثا عن التشجيع في صفك فقط ومش متقبل إنك غلطان لو ده الوضع يبقى مناقشتي في موضوعك انتهت

انا مش كاتب الموضوع عشان ابحث عن التشجيع في صفي ولا ان الناس تمدح فيا ! مجرد كتبت حاجة حصلت معايا عشان الناس تاخد بالها وهي بتشد ! وتعرف ان فيه ناس للاسف منفسنة ! ؟ هدفها ومتعتها في الحياة انها تلبس اللى بيشد معاها

ومش متقبل اني غلطان لاني مش شايف اني غلطت في حاجة ! ! ؟ هل الغلط انك شفت واحد بيجري جريت معاه ؟ ماده حال الشارع المصري ! تبقى بتجري تلاقي حد سخن معاك ! او العكس

وطالما انا مش عايز اجري مع حد يبقى لما الاقي حد سخن معايا هقوم انا مهدي مش البسه ! ! ؟

المشاركة الأصلية كتبت بواسطة kar!m

يا باشا الأشكال اللى زى دى .. أول نا تحس انه مبيشدش بنضافه ... تسيبك منه على طول.

المشاركة الأصلية كتبت بواسطة tutankhamoun

هو فيه شد على نظافة و شد مش نظيف ؟

اه يا كبير فيه شد نضيف

نشد مع بعض واحنا خايفين على بعض وعلى الناس اللى حوالين ! محدش يقفل على التاني ومحدش يزنق على التاني ! لو لقيته اتزنق افتحله الغرزة لو لقيت حاجة قدامي انبهه وهو ينبهني ! وفي الاخر سلام يا صاحبي وتحية بالكلاكس وكل واحد يروح لحاله

المشاركة الأصلية كتبت بواسطة M.Akef

ههههههههههههههههه
كل نفخه و انت طيب يا حميدو :)

بس الحقيقه انت الي اتغشمت لما كان هيلبسك في التكسي و رجعت تجري وراه تاني!!
حاول علي قد ما تقدر تبعد عن الي انت بتشد معاه ديما عشان تبعد عن اي موقف زي ده
و موقف زي الي حصل لك ده كنت المفروض تكبس حتي لو جبت الجمبين هيبقا ارحم من البوستر الي كنت هتعمله :) و عن المنفسنين فهما كتيييييييييييييييير مش كورييييييييييييييييييييين يا صاحب طبلو الميكروباص :))
خير يا ريس و محدش بيتعلم ببلاش بس ركز بعد كدا كويس و ربنا يسترها معانا جميعا ان شاء الله

هههههههههههه

حبيبي والله

هو انا معاك كان المفروض اسيبه في حاله بس عارف انت لما تلاقي واحد مستفز ! بيلبسك هتطلب معاك عند ومش هتسيبه ! وده اللى حصل

انا في الاخر بس قلقت من الفرامل لما العربية زحفت عشان كدة هديت

المشاركة الأصلية كتبت بواسطة hany63

ياسيدي تعال شد معايا بس عربيتي لونها فيراني تنفع؟

حبيبي يا بشمهندس هاني

يا كبير كفايا بس الواحد يشوف حضرتك ويقعد معاك حبة لا تقولي شد بقى ولا حاجة

ده القعدة مع الهونداوية والله ماتتقدرش بتمن

المشاركة الأصلية كتبت بواسطة ahmedeihab

حبيبى يا ابو حميد و الف سلامه على الحكه اللى فى الرفرف
انا مش عارف يابنى هو ايه اللى بيحصل معاك ده
انت لازم تبخر العربيه دى بجد
لحسن انا زهقتلك
بلنسبه للاخ بتاع السفيك ده
هتلاقيه عيل مجنون و متخلف و جاب العربيه دى من شبعه بعد جوعه ده اذا كانت بتاعته اساسا
انت عارف طبعا ركيبه الهوندا عاملين ازاى ( ده اللى بيحب الهوندا )
مش واحد حمار زى ده عمال يلوش و خلاص
عمتا يا سيدى حصل خير و كويس انك عرفت تلم العربيه و جت سليمه
^_^

الله يسلمك يابوحميد والله انا تعبت ونفسيتي تعبت مش عارف ايه اللى بيحصل ده

كل شوية خبطة في عطل في خبطة في عطل لما الواحد زهق !

وطبعا الهونداوية على عيني وراسي من فوق واحسن واجدع ناس مافيش كلام

بس سعات مش عارف ليه بحس لما بيكون شب وراكب سيفيك اكنه بيتنطط على الخلق كدة ماتفهمش ليه وقابلت كذا واحد على الطريق كدة

المشاركة الأصلية كتبت بواسطة hanyhamer

حمدلله على سلامتك وبطل شقاوة يابطل

الله يسلمك يا كبير

المشاركة الأصلية كتبت بواسطة ahmedeihab

هضيف رج تانى يا ابو حميد
قريت فى تعليقاتك انك هتعرف تسد مع الهوندا
معلش كلامك غلط و زميل لينا فى المنتدى اهو وضحلك هو الفرق هيبقى فين و ازاى
و حاجه تانيه
لو لقيت اللى انت بتشد معاه عمال يزنق عليك و عشيم سواقه ادى الغيار الاعلى و سيبك منه
انت كده هتحرقه اكتر
بس انا حصل معايا موقف هحكيهولك
كان معايا ريجاتا و كنت عامل فيها شويه شغل فى الموتور موصله ل 1800 سى سى
خبطت كذا واحد على عينه فى شارع الهرم و انت عارفه طبعا ده و انا بجرب الموتور
لقيت واحد بعربيه بيجو و عمال يزنق عليا بعد ما هديت خالص و مصمم يلبسنى يعنى هيلبسنى
قمت واخد اول يو تيرن مع انه مش طريقى بس انا خلاص عملت اللى انا عايزه
و قمت ماشى فى الاتجاه التانى لقيته تقريبا قام واخد اليو تيرن اللى بعده و جالى بردو
و هو حالف انه هيلبسنى يعنى هيلبسنى لحد ما حط جنب العربيه
ساعتها بقا الدم طلع فى نفوخى و مقدرتش امسك نفسى خليته و هو بيزنق فى مره
قمت لاطش اخر الشنطه عنده خليته يلف فى نص الشارع ( ده كله علشان الحكه )
عدل العربيه و مصمم ييجى ورايا يخبطلى العربيه من ورا
فين و فين بقا اما شديت و دخلت ركنت فى شارع جانبى و شربت ازازه بيبسى عند كشك كده
لقيته ماشى فى الشارع طااااااااااير
انا وضحتلك كل ده بس علشان لما تلاقى الاشكال دى حاول تتغاضى عنها نهااااااائى احنا عايزين ناس نضيفه نشد معاها مش ناس فاكره الشد تزنيق و الجو ده
و ربنا يسترها علينا و عليك
^_^

يا كبير انت تضيف رد تاني وتالت وعاشر موضوعك يا معلم

وانا ماقلتش اني هطلع منها بس على الاقل هيبقى فيه اداء ده لو كنت لوحدي

العربية بعد ماركبت فيها ال Exhaust system فرقت جااامد ! ! بقت فايقة كدة وبتروح على السرعات العالية بسهولة

وانت هتقولي على الشد في شارع الهرم بحسه متعة والله ولو ان بيبقى فيه خطورة وربنا اللى بيسترها في الاخر

المشاركة الأصلية كتبت بواسطة hosammoner

اولا الحمد لله انها جت فى حاجة بسيطة وهما الجماعة بتوع السيفيك دول حاسين بنفسهم شويتين هههههههههههه بس عايز الحق اول ما بتظهر سيفيك بيبقى كله عايز يشد معاها وخصوصا لو متروشة شوية لكن انت غلطان انك كملت معاه من الاول لاقيته كدا كنت كبرت دماغك منه وخليك فاكر ان الطريق مالوش كبير وبعدين يا سيدى فضى العربيه واعمل سيرفيسك وغير زيتك وانا موجود لو حبيت تعلم عليا ههههههه الف سلامة عليك وع العربية

الله يسلمك وهي لا كانت متروشة ولا حاجة بس ان جيت للحق هي فعلا عربية تخطف العين مافيش كلام

ربنا يبارك لاصحابها فيها

ويا كبير انت وهوندتك على راسي من فوق

نورتي والله