الموضوع: لماذا كل هذا الهجوم علي هيونداي ! ؟

المشاركة الأصلية كتبت بواسطة CryptonX

للاسف بتبقى "عقد نقص" ..


يبص حواليه يلاقي هيونداي و كيا في كل حتى و ارخص من عربيته على الاقل ب 30% و كل حاجتها موجودة ! وفرق الاداء او الامان الرهيب الي هو فرحان بيه ده .. والله في بعض الحالات لا يتعدى ال 20% !!


العينة الثالثة بقى ...
واحد راكب بالعافية اول فئة في عربية ياباني ... يمكن يكون فيها الكاسيت اوبشن اصلا ! و دافع في ثمنها 3 مرات ثمنها علشان عليها علامة ياباني ... و تلاقيها كمان بطة على الطريق ولا حتة فيها ريحة الثبات ! و يلاقي حاجة زي السيراتو الكوبيه ولا السول .. فيها كل حاجة نقصاه في عربيته و ائمن و اثبت !! يقوم يقولك دي بعد 10 سنين بتطلع في الروح ! كوري زبالة !

لا بقى السيارات الكورية افضل من الاوروبية واليابانية .. و بمراحل بقى كمان ..
موتوا بغظيكم .. Lol

معلش ياباشا انا هعلق على مشاركتك

1- هاتلى عربية كورى ( هيونداى - كيا - شيفرولية ) امانهم اعلى من اليابانى

العربية الكورى بتبقى ب120 الف ومافيهاش abs وفراملها زى الزفت تزحفك وراها ومحدش يقول انا سوقت ال rb والالنترا 2012 والاتنين طبعا كانوا من غير abs والعربية زحفت كتير مع ان السرعة كانت لا تتعدى ال80 وخصوصا فرامل الهيونداى الجديد فراملة ضعيفة وانا عارف انا بقول اية كويس انا مش اول مرة اسوق
* عوامل امان مافيش العربية بتلعب بعد 130 كم فين الامان اللى حضرتك بتتكلم علية

* العفشة رجعت لورا بعد ماكنوا نظفوا ونزلو الالنترا تعليق مستقل خلوة غير مستقل وكمان بطنابير خلفية مش ديسكات بالذمة فية كدة

2- انا نفسى اعرف بس العربية الهيونداى ولا الكيا اللى ثابتين دول على الطريق فين عمرى ماشوفت ولا واحدة فيهم ثابتة , حضرتك ممكن تشوف ثبات ال rb وسيراتو عامل ازاى فى النعناع خالص النترا افضل منهم شوية ودة عشان عرضها اللى غير مستغل تماما فى المقصورة الداخلية

3- معلش السيارات اليابانية افضل بكتير من السيارات الكورية يمكن الافضلية ليكوا بس فى 2012 بسبب تراجع هوندا عن الموديل المنيل اللى نزلوة دة معرفش نزلوة ازاى ولما هوندا تعثرت هيونداى شمت نفسها لأ وبأية وبفرق ضئيل يعنى تخيل عربية من هوندا اصلا طالعة زى الزفت وهيونداى معدياها بفرق ضئيل جدا جدا

4- اللى نافع هيونداى ( الشكل - الاوبشن - التصميم الداخلى - المحركات الخفيفة اللى بتحسسك بتسارع العربية فى الاول فقط )

5- انا جارى والله قعد عارض نيو اكسنت موديل 2010 للبيع اكتر من شهرين او تلاثة والعربية فابريكة برة وجوة ومافيهاش خدش برة ومافيش حد عايز يشتريها وفى الاخر الحمد لله باعها واشترى تويوتا avensis وبسأبلة بيقولى يغور الكورى وقرفة

6- كفاية صوت التاكيهات العالى اللى بيبقى فى الصباح الباكر هو انت فاكر ان الصوت دة مجرد بس مابيدخلة الزيت خلاص كدة الموضوع انتهى لأ ياباشا دة معناة ان التاكيهات كدة احتكاكها عالى وطبعا عمرها هيبقى قصير

7- العفشة البايظة بتاعة الالنترا سواء 2011-2012 والله انا شوفت النترا 2012 بتتصلح عند ميكانيكى عندنا والكلام دة من شهر 11 تخيل انا نفسى استغربت جدا

8- سيارات هيونداى وكيا عطلانة فى كل حتة انزل الحرفين وانت تشوف بعينك

9- قطع الغيار موجودة اة بس غالية بردة مش رخيصة

10- خامات سئية للغاية بلاستيك × بلاستيك

11 - لسة راكب اrb من يومين والله غير ماكانت جاية فى الاول يعنى العربية ادائها بيقل من اول 18 الف كيلو دة اسمة اية العفشة ريحت خالص وبقت مسموعة فى اى نقرة + المحرك صوتة بدأ يعلى عن الاول

12- لما تحب تحكموا على عربية ماتحكمش عليها فى اول سنة لأ خليها معاك 4 سنين وحافظ عليها بردة بس ساعتها هيبان الفرق مابين اليابانى والاوروبى والكورى والصينى

معلش انى اتحاملت شوية فى الكلام بس حضرتك قولت اراء غريبة شوية لان ابسط حاجة القسط ماخلاش حاجة ممكن اى حد معاة 50 الف جنية يجيب اى عربية كورى او يابانى ويقسط الباقى