منا برضه بقول كده - عشان هيدفن كده - وأنا شايفه مفيد لأهم 4 عربيات في تلك الفئة...
العفو يا باشا .. بصراحة انا مجربتش البيكاسو عشان اقدر احكم على عفشتها حكم محايد .. بس عامة عفشة ستروين بتكون متصممة كويس و بتستحمل و مش بيسترخصوا فى الخامات و التصميم و كده ..
اظن معظم العربيات ليها درجة تحمل معينة فى الشوارع المكسرة مش السى فور بس .. الفواصل بتاعت كوبرى اكتوبر بصراحة يعنى حاجة لا تعقل انا اول مرة طلعت عليه مكنتش مصدق ان فيه حاجة كده مش فواصل عادية اظن انها هتأثر فى اى عربية و حضرتك متنساش ان السى فور الشكل القديم معظم مبيعاتها 2005 و 2006 يعنى بقالها 6 سنين او اكتر ماشية فى الطرق بتاعتنا يعنى اى عربية هتحتاج تغير حاجات فى العفشة لو يوميا بتمشى على مفصلات زى كوبرى اكتوبر كده
بس الكلام الكتير على ان العربيات الفرنساوى حساسة عن اللزوم و الكلام ده اغلبه بصراحة بيبقى سمع و خلاص و مش عن تجربة .. انا اعرف واحد بيقولى مرة كنا بنقفل باب عربية رينو سينيك جامد شوية الازاز بتاع العربية كله طار .. طبعا قولتلوا ايوة يا باشا مانا عشان كده باخد بالى و انا بقفل باب عربيتى و تسمع كلام من ده كتير بقى .. هى العربيات الفرنساوى هتلاقيها تكنولوجيا اعلى شوية عن بقية العربيات فطبيعى نسبة الاعطال تزيد مع زيادة الكماليات و التكنولوجيا زى موبايلات نوكيا زمان و دلوقتى مثلا .. زيادة نسبة الكماليات و الحساسات بيأدى لزيادة الرفاهية و برضه فى نفس الوقت لزيادة نسبة ان حاجة تبوظ ..
حسب الطريق برضه يا باشا و حسب تعامل حضرتك معاه يعنى مثلا بتمشيه بسرعة ولا براحة و الطريق مكسر اوى ولا عادى يعنى .. ديه ظروف محدش يقدر يحكمها الا حضرتك
هى بصراحة البيكاسو تحفة فنية ماشاء الله و لو حضرتك ليك نصيب فيها هتحس بمدى التميز و الاختلاف حتى عن العربيات اللى فى الفئة بتاعتها .. بس برضه فيه نقطة احب انبه حضرتك ليها ان الشكل احتمال يتغير السنة الجاية بتاع البيكاسو بس اظن انه فيس ليفت مش تغيير شامل
مركزه الثابت والذي لا يتحرك إطلاقاً، حتى مع دوران طارة المقود!
http://www.leaseyournextcar.com/uplo...o-interior.jpg
الله عليك يا مهاب باشا
تسلم ع الكلام الجميل ده
اخدت واحد صاحبي من مشجعى الاسترا و روحنا شفنا السى فور -بس البيكاسو مكانتش موجودة - و بجد عقدنى من العربية ، يا نهار ابيض ع الكلام اللي سمعته من عينة بقي " انا يا عم صعبان عليا فلوسك هتترمي" و " طب افترض انها وقفت بيك فجأة، انهي ميكانيكي اللي هيصلحها لك" ، " هتفضل طول عمرك عبد للتوكيل" ، "لو معجبتكش و حبيت تبيع هتخسر ع الاقل ٥٠٪ من تمنها - طبعا مين هيشترى عربية زي دي لا ليها تاريخ و لا اصل و لا فصل" ، "عربية تايهة و حساسة جدا و متناسبش الطرق المصرية" ، و كمان " شوف الكرسي عامل ازاي مش حاضنك و انت قاعد عكس الجيتا و الاوكتافيا" وووووووووو سمعني من المنقي خيار!
طبعا خايف اجيبها و آخد مقلب و خايف اجيب الفورد و اخد مقلب فتيس محتررررررم و مش قادر اجيب البيجو او الاسترا التربو.
.... عفشة ستروين اسمها hydropenumatic suspension و عرفت انها بتستخدم في انواع سيارات زي الرولز رويس و البيجو و انواع معينة حديثة من المرسيدس بنز. يا تري حضرتك حد من الاعضاء يقدر يفيدني في موضوع العفشة؟ و كمان الموتور التربو، مثلا في قسم البيجو مهندس كان قاللي ان المواتير التربو قطع غيارها اغلي و مش متوفرة. فأسأل مين عن موضوع مواتير الستروين التربو من فضلك؟
شكرا لمرورك و ردك أ mohab.Nabil
تحياتي
و الموضوع فعلا مفيد جدااا و فيه تجارب ناس كمان و معلومات بالارقام و ناس كتيير محتاره في العربيات دي
صاحبك محسسني إنك عاوز تشتري عربية صيني !!
هو فيه حد هيجيب عربية بـ 190 ألف و هيخلي أي ميكانيكي يلعبله فيها
ده كلام ده والنبي .
حضرتك فيه أكتر من مركز صيانة محترمين غير التوكيل
امير وجوزيف أو إيهاب جلال مثلا , يعني مش هتبقى عبد للتوكيل ولا حاجة :)
لا ليها أصل ولا فصل :) , بجد مش عارف أرد أقول إيه واللهِ
و عموما كل الأوروبي لو بعت قبل 4 سنين على الاقل هتخسر جامد جدا
زي ما قلت قبل كده ,هي ليها ناسها يعني مش عاوزة ناس تهمل فيها
يعني مش عاوزة مبدأ طول ماهي دايرة , متعملش فيها حاجة و إن الصيانة دي سرقة من التوكيل :)
على فكرة سيتروين من الشركة القليلة اللي بتستعين بدكاترة علاج طبيعي في تصميم الكراسي بتاعتها :), اتحداك لو لقيت حد بيشتكي من إن الكراسي ناشفة أو مش مريحة في السفر أو أي حاجة