الموضوع: 2012: لانسر شارك - استرا j - فورد فوكس - ستروين c4. ساعدوني في الإختيار أثابكم الله

المشاركة الأصلية كتبت بواسطة KSAYEDS

انا عاوز اشكر حضرتك جدا علي المشاركة دي لاني واقع في نفس المشكله...بالضبط...الاختلاف الوحيد اني بدل ما بقارن بالسي فور بقارن بالسي فور بيكاسو....مفيش اي فرق تاني.
و برضه عملت زيك و قلت هى الجوك...بصراحة بكل الامكانيات و التوكيل و سعر اعادة بيع-آه هو مش مضمون- ثابت الي حد كبير...هي الاختيار الامثل. لكن للاسف اليوم اللي خلاص كنت رايح احجز فيه قعدت تاني في العربية و لقيت اني مش مرتاح فيها بسبب ضيقها الشديد في الصالون الخلفي، و ده خلاني ارجع للحيرة تاني: يا اما السي فور بيكاسو او الاسترا. و مش عارف انهي اللي تكسب. استرا التربو غالية جدا و السي فور بيكاسو بموتور تربو ١٥٦ حصان (اظن بتاع البي ام ميني، صح؟ )و سعرها ١٩٠ الف و فيها كل اوبشنز الاسترا. بس مش عارف هي البيكاسو زي ما حضرتك قلت كده عن السي فور و لا مختلفة؟ اصل التوكيلين بتوع اوبل و ستروين متساويين من حيث السوء و بصراحة سمعت فيهم العبر و الله في كلللللل المنتديات و المواقع. كمان البيكاسو هي الشكل الجديد للعربية الاكسارا البيكاسو و اللي كانت محققة نجاح كبير في فترة سابقة.
ان شاء الله هعمل تست درايف للبيكاسو و هقول لحضرتك اخباره ايه.
تقبل مروري و تحياتي
و اديني لسه محتار و مش عارف اعمل ايه .

اخي العزيز - أولا ألف شكر على مرور سيادتك....

طبعا أنا عارف اللي إنت بتمر بيه - بس مش عارف ليه مش بالع حيرة سعادتك بين بيكاسو واسترا - بمعنى أنا حاسس إنك محتار بين كونك عايز تنام أو تخش الحمام (اقصد مالهمش علاقة ببعض)

لو حضرتك بتدور على الفرنساوي العائلي يبقى هتحتار مابين البيكاسو وال 308 sw
لو حضرتك هتحتار في الموتور التربو وعايز حاجة شبابي: هتفكر في الأسترا و البـرافو
لو حضرتك بتفكر في رينج سعر من 175 - 190: هتدخل معاك سيات التيا - قاشقاي - سبورتج - جولف - فانتازيا... وحاجات كتير

تعالى نحدد مع بعضينا أولياتك إيه من ناحية الاستخدام اليومي ونفكر مع بعض
وخلي بال سيادتك .. أظن أظن أظن .. al-c4 البيكاسو بالطارة الثابتة !! لو إنت من الناس اللي مش بيرتحلها (اللي أنا منهم)..

المشاركة الأصلية كتبت بواسطة mody3on

تحليل جميل جدا , بس يا راجل تسيب الاسترا والفوكاس وتروح للجوك ؟ هي اذواق فعلا بس لو عايز نيسان يبقى هات قشقاي مش جوك :) , لو مصر على ياباني يبقى هات السيفيك هي انضف حاجة ياباني بس برضه مش زي الاوروبي

والله يا باشا أنا كل يوم برأي لسة هاستخير وهشوف لإن الاسترا بحلم بيها وأنا نايم :) - بس على فكرة الهوندا الجديده... مممم ... عايز اختار كلام ميكونش سبب في حذفي من المنتدى :) .. خلينا نقول بي بي !!

المشاركة الأصلية كتبت بواسطة ahmed-adel

أنا هأتكلم في العربية اللي أفهم فيها بحكم إني معايا الشكل القديم منها :)
بالنسبة للتكييف :خلي ال cycle بتاعت الهواء مقفولة و شغله دقيقتين , و شوف تكيفها هيبقى عمل إزاي :)
على فكرة ال c4 تكيفها عامل زي ال processor ال core2due
يعني ال compressor بيشتغل على مرحلتين ,لما بتشغله على آخره بيديك ال full power بتاعته :)
ال كيك داون هيبقى وحش لو مش مشغل السبورت مود
بس هي ك performance أحسن من ال astra بس أقَل من الشارك و ال focus
تحت ال 100
c4 0-100 in 12.5 sec
astra 0-100 in 13.3 sec
و فوق ال 100
c4 120 hp @ 6000 rpm
160 nm @ 4250 rpm
astra 115 hp @ 6000 rpm
155 nm @ 4000 rpm
ده غير إن استهلاكهم زي بعد تقريبا 6.9 و 7 مع فرق 0.1 لل c4

ثبات مقبول دي غريبة شويتين !!!, أنا أول مرة أشوف حد بيعيب في ثباتها و خصوصا إنهم زودوا عليها ESP بـ traction control
بالنسبة للعدادات و المطبات دي مفتيش فيهم , لاني مجربتهاش بس هي فعلا عفشتها تميل للنشوفية
شوية

حبيبي قلبي الغالي - ألف شكر على المرور وشكرا للتوضيح لإن رأيي كما قلت بكل امانة من الاول مبني على تست درايف 10 دقائق مصفاة قصيرة..
الثبات معقول دي مش شتيمة يا باشا :) بس أنا اقصد بالنسبة للملف اللي اخدته كانت فيه القسطرة أحسن للملف شبهه

طبعا ماشغلتهاش على سبورت مود ولا أيس مود (اللي أنا مش فاهم لازمته إيه في مصر) - أنا كنت شغال نورمال...

حاجة تانية الضيقة منها - أنا من الناس اللي لما بتدوس فرامل - لازم ولابد - أجيب الفتيس على ال"N" ولكن في al-C4 وكمان ال 308 بسهولة جدا ادي تدوس وتسحب على ال"R" وحصلت فعلا وأنا بسوق el-C4 بس رجعت نفسي بسرعة - المجرى اللي فيه الفتيس انحناءاته مش حادة خالص وممكن تظلوات منك لو مش بتبص أو مش متعود على لمست الفتيس الخفيفة.. ولا فيها زرار لازم تدوس عليه لما تروح ال"R"...

وطبعا ده مش شرط يكون عيب في العربية - ممكن ببساطة هبل مني - بس برده لازم الواحد يدور على عربية تستحمل هبله مش اللي يستحمل رقتها :)

المشاركة الأصلية كتبت بواسطة ahmed-adel

حضرتك كلامك متناقض قوي , هو مش حضرتك قلت 'حسيت إني راكب الصاروخ في دريم بارك (باختصار طلقة)' على الشارك :)
يبقى منين حاططها التالتة في قوة الموتور !!!

و كمان حضرتك قلت على ثبات ال c4 مقبول :) , و دلوقتي بتقول إنها تاني أحسن واحدة !!!!!
بيتهيألي ترتيب الموتور :فوكس 125 -شارك(عشان الوزن ) 117-120c4-استرا 115

و الثبات فعلا زي ماحضرتك قلت عشان ال c4 أعلى عن الارض من الاسترا و كمان الجنط ال 17 مع الكاوتش الأعرض هيفرق لصالح الاسترا

أنا غلطان - امسحها فيا - بس أنا كنت بتكلم عامة مش تجربتي الخاصة..