الموضوع: تجربة شد مع verna

المشاركة الأصلية كتبت بواسطة mido_soliman

:) هوة جايز جدا مبيعرفش فعلا
وجايز عربيتة اللى مبتعرفش :)
وجايز انا اللى بعرف عنة
وجايز جدا عربيتى اللى بتعرف عنى وعنة وعن عربيتوا
وفى كمان احتمال وارد جدا
ان عربيتة تبقى اوتوووووو
اية رايك جبتلك كل الاحتمالات اهو وانت اختاااار :))))
ملحوظة : ظروف الشدة انا ساردها وصف تفصيلى فعلا كنت متعمد ان اللى يقرا كانوا شايف
تحياتى العطرة :)

احبك وانت بتحط كل الاحتمالات :D

المشاركة الأصلية كتبت بواسطة Raul_7

طيب يا فندم قولي حضرتك ممكن تتصرف إزاي لو اتحطيت في موقف زي اللي حصلي.

الموقف كالتالي:

ماشي على 90 في تاني حارة من اليمين, فيه عربية على شمالي وانا يادوب جاي أعديها لقيت اتنين بيعدوا الطريق من الشمال لليمين, وعلى يمين على طول ميكروباص راكن.

حضرتك تعمل ايه في الموقف ده؟

ملحوظة: الناس على بعد 7-8 متر بالضبط والسرعة 90.

طب انا هقلك على موقف تاني أحلى :D
انا كنت بشد مع النترا والطريق قفل قدامنا بحيث ان العربيات وقفت تماما في نهاية الاوتوستراد
خدت منه غرزة ولقيت قدامي سيراتو واقفة تماما !
المسافة تقريبا 20 متر حسب ما اعتقد يعني
انا على 150 !
هقف ازاي بالفيرنا على السرعة دي في المسافة دي؟!
انا قلت بس خلاص راحت السيراتو انا مكنتش هزعل على الفيرنا لأني اللي غلطان وانا عارف دا
عربيتي مانيوال
لازم تستخدم كل حاجة
قمت كابس فرامل للthreshold اللي قاعد بتكلم عليها دي وقمت مسقط تالت على طول
وفاديته وققفت لما اكصدام عربيتي بقا جنب بابه الخلفي!
اعتقد لو مستحيل يتم تنفيذها مكانش المثال دا يتعمل
وعلى فكرة التوقف في مسافة 20 متر من سرعة 150 اصعب من التوقف في 7 او 8 متر من سرعة 90 !
فيه ميزة تانية بتعوض عدم وجود ال ABS وهي ان العربية تكون مانيوال وتستفيد من ال Vacuum اللي بتتكون في الموتور نتيجة تسقيط النقلات !

المشاركة الأصلية كتبت بواسطة mado_9999

160؟؟؟؟؟؟؟؟؟؟؟؟؟؟؟؟؟؟؟؟؟؟ ليه الفيرنا بتجمع 160 اسرع من جين تو على فكرة انا لى اصحابى معاهم فيرنا هى طلعة العربيه روعة وبتطلع منى بسهولة وانا مانيوال بس عندى 100 بكون خلص الفيرنا وراء الفيرنا بتجرى مش عشان ماتور جامد لا عشان العربيه وزنها خفيف ياباشا دى الفيرنا اخف من السيات الابيزا الا هى 1000 سى موديل 2001 وفرامل الفيرنا بصراحه اول مرة اشوف واحد بيقول كويسة موضوع الواجا اعتقد الواجا القديمة ماتور لانسر معروف بتجرى ازى هى الفيرنا بتطلع من لانسر بصراحه اول مرة اسمع عن كده الفيرنا طلعة ممتازة انا مش بقول انها عربية واحشة لا بس دى فئه غير برتون وتكونه مقارنة ظالمه لفيرنا رايى هى احسن عربيه فى السوق فى سعرها ممتازة جدااااااااااااااااااااااا ااااااااااااا لصبح

فعلا المقارنة لما بتكون خارج اطار الفئة السعرية بتكون ظالمة جدا انا عارف دا تماما
ولا أنقص من جينا شيء ان بيتم المقارنة بينها وبين الفيرنا
لكن احنا بنقارن تسارع موتور ليس الا
قد تكون تكنولوجيا موتور الفيرنا تكنولوجيا متأخرة مقارنة بتكنولوجيا Campro لكن اللي أقدر اقوله ان الفيرنا على السرعات ما دون ال 160 افضل من الجين تو بكل المقاييس
لكل عربية أفضليتها والجين تو بعد كدة هتكون أفضل طبعا

المشاركة الأصلية كتبت بواسطة mido_soliman

هوة مستحيل يا فندم لان الظرف وال reaction اللى بتاخدة علشان تواجة الفعل الفجائى دة بيبقى لا ارادى لانة لحظى وبالتالى رد فعلك بيكون كا reflix لا ارادى كانك بالظبط اتلسعت اية اللى بيحصل ؟؟؟ بتبعد ايدك بسرعة لا ارادية علشان تبعد عن الالم. مخك مبيلحقش يستوعب ويحلل انك ممكن جدا تبعد ايدك بالراحة او باى ميكانيزم وبردة حتتخلص من اللسعة بنفس القدرة تقريبا .
اتمنى تكون وجهة نظرى وضحت مع انى كاتبها باسلوب مش مفهوم اوى :)

انا فاهم حضرتك وفاهم وجهة نظرك تمام جدا
الكلام دا كان بيحصل معايا اول ما جبت العربية
كان اي موقف مفاجيء بقوم كابس فرامل والعربية تزحف وتعزف أجمل الألحان على الأسفلت :D
حاليا الوضع بقا مختلف بقيت انا وهي واحد ومبقاش الموقف دا بيحصل وبالتالي بقدر أسيطر عليها في المواقف المفاجئة وتقدر تقول عليه انه بيبقا رد فعل مدروس :]
وربنا يحفظ طريقنا جميعا يا رب