تجربة شد مع verna

**mido_soliman** · 14-04-2012 04:29 AM

المشاركة الأصلية كتبت بواسطة lanos2004

والله يا رجاله انا بحب الجين تو جدا متضايق منها علشان مفتاح التكييف مستخبى ورا عصايه الفتيس
بس عموما لو شوفت جين تو بتجرى مش هخليها تشوف الكشافات الخلفيه بتاعى
طبعا هيه فرامل وثبات وشكل رياضى من الخارج وعربيه بتاعت مناورات--بس برضه لازم اهرب من الاسد قبل اما ياكل الانوس

هههههههههههههههه
يباشا مش مستخبية ولا حاجة انا على فكرة بجد والله
عمرى ما شوفت واحد قال الملاحظة بتاعة حضرتك دى دة بالعكس مكان المفاتيح وهيئتهم كدة
من اهم ملامح شخصية التصميم الرياضى الداخلى للعربية
وعموما متقلقش محدش معاة جين2 حيحاول يشد معاك:)
هوة حيبقى عارف النتيجة فحيخااااااااف............

-
-
-
-
-
-
-
على شعورك طبعا :)))))

**lanos2004** · 14-04-2012 04:31 AM

المشاركة الأصلية كتبت بواسطة mido_soliman

هههههههههههههههه
يباشا مش مستخبية ولا حاجة انا على فكرة بجد والله
عمرى ما شوفت واحد قال الملاحظة بتاعة حضرتك دى دة بالعكس مكان المفاتيح وهيئتهم كدة
من اهم ملامح شخصية التصميم الرياضى الداخلى للعربية
وعموما متقلقش محدش معاة جين2 حيحاول يشد معاك:)
هوة حيبقى عارف النتيجة فحيخااااااااف............

-
-
-
-
-
-
-
على شعورك طبعا :)))))

والله انا من غير شعر ههههههههههه وتبع فصيله القرع

**Al-Farooq** · 14-04-2012 05:11 AM

أكيد بردو مش هتجبك ال Ford Mustang GT 2011 :D
ادي زراير وراء الفتيس وفي واحد مش بيان فى الصورة كمان والفتيس ستر وغطاء عليه :D

**Ashraf_Ibrahim** · 14-04-2012 11:17 AM

المشاركة الأصلية كتبت بواسطة amrelsha3er

الباشا تيم ليدر الفيرنا مع احترامى ليك وانا كنت راكب فيرنا معلش يعنى انا متابع الحوار من الاول فرامل ايه ياباشا انا حاسس انك بتحاول انك بتقنع نفسك ان مش مهم abs اللى فى الجين2 بص ياباشا انت ممكن تغيظنا بسعر اعاده البيه بغبور باشا اللى مظبطكو بقطع غياراتكو اللى عند سوبر ماركت انما متكلمش بقى فى المواتير والثبات ونظام الفرامل معلش يعنى اسف ليك بس مقدرتش امسك نفسى :d ربنا يستر طريقك ويكفيك شر الفيرنا وسرعتها الخفيه اللى مفيش حاجه بتوقفها
سلام عليكم:)

المشاركة الأصلية كتبت بواسطة i_am_legend

دة على اساس ان الفيرنا دى عربية اساسا.....انت راكب جين 2 يا كبير...دة مابرضاش اشد معاهم بعربيتى الادا سمارا!!..هههههههههههههههههه هه....بس انا عربيتى بتطلع من الاكسيل على فكرة....

هذا التدني من الأسلوب في النقاش أنا لا أقبله !
أعتذر عن اكمال النقاش

**lanos2004** · 14-04-2012 12:33 PM

المشاركة الأصلية كتبت بواسطة AutoTycoon

هههههههههههههه فيرنا مش عربية و لادا سمارا بقت عربية
هههههههههههه كوميديا كوميديا يعني

بالعكس الفيرنا يعتمد عليها اكتر من الجين تو الى كلها مشاكل وقطع غيار غاليه جدا وغير متوفرة
دة انا بشوف فى قسم جين تو مشاكل لو فى عربيتى كنت كرهت العربيه
وبعدين اصلا مين يؤكد لينا ان صاحب الفيرنا شد معاك طب خد عندك
شديت مع eos وطلعت معاها من الصفر والنتيجه لصالحى
شديت مع فانتازيا والنتيجه لصالحى
مع سوبارو ولصالحى
باسات والنتيجه لصالحى
مع سيراتو وكانت لصالحى
مع جولف وكانت لصالحى
مع جيتز وكانت لصالحى
مع تويوتا ياريس كورلا قديم وجديد وكانت لصالحى
رينو ميجان وكانت لصالحى
لانسر وكانت لصالحى
مع كارينز على الدائرى ووصلت معاه الى 200 واخد ملف على سرعه 190 بسبب العناد
نبسان صنى وتيدا وكانت لصالحى
مع كروز وكانت لصالحى
ثبت مع مرسيدس c180-لحد سرعه 206 ومهربتش منى موديل 2001

بالرغم من سلسه الانتصارات الساحقه دى ما فيش مرة واحدة عملت مشاركه شد ليا
وان شاء الله اشوف جين تو و هرجع الاسد بتاعكم الغابه تانى هههههههه
كل دة بماتور 1500 سى سى 16 صباب بس عاشت جنرال موتورز

**SAMEH_FOUAD** · 14-04-2012 12:59 PM

ياجماعة النقاش مايبقاش بالحدة دية

اية المشكلة لما يكون فية عربيتين قريبين من قوة بعض

على فكرة عربية lanos2004 ماشاء الله عليها سريعة فعلا وهو مش بيهزر او بيقول اى كلام

والجين 2 بردة سريعة وانا عارف فعلا ان العربية دية سريعة وقوية

طيب اية المشكلة وفين المشكلة دلوقتى ؟؟؟؟؟؟؟؟؟؟؟؟؟؟؟

معلش كل القوة اللى حضراتكوا بتتكلموا فيها مابين محرك ( 1500-1600 ) وقوة الاحصنة تتراوح مابين 104 احصنة الى 110 احصنة ) وتقريبا نفس العزم 14.8 كجم وبردة نفس التوب سبيد هيتراوح مابين 195-215 يعنى لو اى حد فرق فيكوا عن التانى مش هيزيد عن عربيتين فقط لاغير ولو زاد اكتر من كدة يبقى العربية التانية فيها مشكلة او صاحبها مهمل فى صياناتها

المفروض بقى الاهتمام يبقى على نقطة الثبات والفرامل لان دول من غيرهم مهما كانت قوة المحرك ولا لية اى لزمة

وانا من واقع تجربتى الجين 2 ثباتها بنسبة 85/100 يعنى ماشاء الله ثبات عالى والفرامل مش قوية بالدرجة الكافية بس جيدة الاداء

بالنسبة للانوس اللى سقتها طبعا كانت ال1500 سى سى 8 صمام ال86 حصان ودية بالنسبالى فراملها مناسية جدا على وزن السيارة وقوة المحرك لكن مش عارف بقى الظروف اية مع عربية lanos2004 هو يقول لان المحرك زادت قوتة

بالنسبة للفيرنا ياجماعة والله الفيرنا بالنسبالى عربية كويسة بس ماحدش يعدى بيها سرعة 130 كم للامان هية بقى تجيب اكتر من كدة ماشى بس درجة الامان عاملة ازاى هو دة الفيصل

وفى الاول وفى الاخر دية كلها سيارات وحديد × حديد مافيش داعى تعمل مشاكل بينكوا

تقبلوا تحياتى

واشكر جميع قسم بروتون لمشاركاتهم الجميلة بصفة شخصية ونيابة عن قسم هوندا

وهو دة الحق ياجماعة انا بقول الحق فى اى عربية حتى لو كانت صينى وادائها حلو هقول بردة مش عيب

**Formulator** · 14-04-2012 01:56 PM

@ Ashraf_Ibrahim

مفهوم ان الـABS مالوش لازمة,
وان العربيات اللى مفيهاش ABS بتقف فـ مسافات وأزمنة أقصر من اللى فيها ABS..؟؟!!!
أثبت فشل من زمااااااااان
أى محاولة لتبرير ان "السواق" يقدر يعمل Threshold-Braking أو حتى Engine-Braking (بالموتور والفتيس).. مش هيعوض عدم وجود ABS.

لسبب بسيط جدا:
ان حتى اللى "مش سواق" وعمل Hard-Brake والـABS اتدخل وعمل الـKick,
هيفضل محافظ على الـBraking-Torque فى نقطة الـThreshold..

يعنى: مهما كانت حساسية ودقة رجل حضرتك, مش هتقدر "تركب" نقطة الـThreshold قد ما الـSystem هيعملها بالتردد (الـPulsation) العالى بتاعه..؟؟؟!!

ياجدعان رجاءا عدم الاصرار على المفاهيم اللى اثبتت خطأ,
ده مش خلاف فـ الرأى فيرنا ولا جين2.. لأ دى حقائق هندسية مثبتة بالتجارب والـData-Analysis..؟؟؟!!
مش مشكلتنا على الاطلاق ان غبور (وهيونداى) بيديكم العربية من غير ABS..!!!

المشاركة الأصلية كتبت بواسطة lanos2004

كل دة بماتور 1500 سى سى 16 صباب بس عاشت جنرال موتورز

تصحيح بسيط:
هى "عاشت أوبل".. لا مؤاخذة,

مش GM
أوبل هى اللى عاملة الـState-of-Tune بتاع تشيباية الموتور ده..؟؟!!!

-

الموضوع: تجربة شد مع verna

LinkBack

أدوات الموضوع

عرض

-

-

-

-

المواضيع المتشابهه

تجربة طنابير vttr للجين 2 وتقرير مفصل بعد تجربة وافية

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

byd & Fsv & Verna

Verna

الكلمات الدلالية لهذا الموضوع

المفضلات

المفضلات

ضوابط المشاركة