تجربة شد مع verna

**Formulator** · 17-04-2012 04:25 PM

المشاركة الأصلية كتبت بواسطة lanos2004

هههههههههههه شوف حتى لو انا من صفر الى 100 فى 17 ثايه مش مهم عندى خالص انا اهم حاجه استهلاك البنزين تخيل 100 كيلو 7 لتر وعلى سرعه 120 يا سلام فيه حاجه بالشكل دة
ودى لانوس 1500 16v

على فكرة ده رقم disappointing..؟؟!!! أيه 7 لتر/100 كم على سرعة 120؟؟؟
أنا مش عايز أقول..
البرافو 1.4 DOHC 16v Turbocharged ومعروف يعنى أيه موتور فيات TwinCam فـ الجرى وفـ استهلاك البنزين كـ مقابل, دا غير التربو؟!!
استهلاك 4.5 لتر/100 كم عـ الـinstant consumption وسرعة 110-120 كم/س..
ده بالفلتر الـK&N OEM, الصراحة بالفلتر الستوك كانت من 5.0-5.4 لتر/100كم.

هتقوللى دى تكنولوجيا GM قديمة ودى تكنولوجى جديدة.. هقولك شوف فرق الوزن؟؟!!! البرافو (للأسف) عـ الجرى دا كله وزنها تقيل دبابة.. فوق الـ1.3 طن..؟؟؟!!

ماتخلينيش أصدمك..

وأقولك الـBM الـ5er الشيب اللى فات 530i..
أنا سايقها (شوفت بعينى) عـ الصحراوى فـ السرعات مابين 90/100-120 بتستهلك الـ7.0 لتر/100 كم (بنزين 95 شيل)..!!!
اللانوس بتاعتك بتاكلهم فـ 100 كم..؟؟؟!! ههههههههههههه
طبعا متحاولش, دا موتور 6-سلندر 3000cc وفتيس أوتو ووزنها داهية 1.6 طن..؟؟؟!!

حاولوا تحصلوها
Daewoo Lanos 5th gear, 130-210km/h - YouTube

btw: سيبك من جزئية 5th Gear.. (والـin-gear acceleration على نفس النقلة والكلام ده)..؟!!
ماهو كده كده (لو حارق عـ الـ4th) كان هيجيب آخر الـrpm وعند سرعة معينة (قول 140-150) كان هينقل عـ الـ5th..؟؟؟!!
أنا بتكلم فـ أيه:
أصلا تجميع السرعة بعد الـ160, وقابلية الموتور للـRevving بعد الـ4500-5000 rpm بطيئة (بالنسبة لى عـ الأقل) أنا شايفها كده.

ياراجل دا جاب الـ200 عند 6000rpm, وكان باقيله سيكا ويخش فـ الـRed-Line يشخرمه.. هههههههههههههههه

**Ahmod** · 17-04-2012 07:22 PM

المشاركة الأصلية كتبت بواسطة formulator

btw: سيبك من جزئية 5th Gear.. (والـin-gear acceleration على نفس النقلة والكلام ده)..؟!!
ماهو كده كده (لو حارق عـ الـ4th) كان هيجيب آخر الـrpm وعند سرعة معينة (قول 140-150) كان هينقل عـ الـ5th..؟؟؟!!
أنا بتكلم فـ أيه:
أصلا تجميع السرعة بعد الـ160, وقابلية الموتور للـRevving بعد الـ4500-5000 rpm بطيئة (بالنسبة لى عـ الأقل) أنا شايفها كده.

ياراجل دا جاب الـ200 عند 6000rpm, وكان باقيله سيكا ويخش فـ الـRed-Line يشخرمه.. هههههههههههههههه

يا دكتور حرااام عليك ! ! خليك Fair !! ؟ ده تسارع بطئ ؟

انا اعتقد كلمة بطئ تتقال عليه في حالة واحدة ! ! ؟ لو هتقارنه بتسارع البرافو اللى انت متعود عليه ؟

لكن ده ماينفعش تحت اي حال من الاحوال يتقال عليه تسارع بطئ بالنسبة لفئة ال 1.6 N/A !

ده مافيش اي عربية 1600 بتحط ال 200 بالسهولة دي ؟؟

انا من وجهة نظري ! ! ان مستحيل تحت اي ظرف من الظروف ان اي عربية في فئة ال 1.6 بتاعتنا " اقصد بيها الالنترا,سيفيك,سيراتو,كروز. ...etc" تقدر تسد حتى "بقول تسد مش تطلع منها واخد بالك " مع عربية lanos2004 بعد ال 160 ! ! !

ربنا يباركلكه فيها

سؤال جانبي خارج الموضوع : هتكون موجود يا دكتور في مقابلة عيد ميلاد المنتدى ولا لاء ؟

**lanos2004** · 24-04-2012 08:01 PM

انا سافرت ورجعت ---الموضوع نام ليه --فين المشاركات الجديده

**S O P H O S** · 24-04-2012 08:48 PM

حمد الله علي السلامة
انا شايف انه يظل نايم احسن
من كثرة الاختلافات
مش عاوزين حد يزعل من حد

**dodopop2** · 25-04-2012 02:32 AM

صحبى اعد جنبى كان متصور نفس السيناريو (حننزل نضربة و واهو نفك شوية من كبت اللى الواحد عايشة يعنى الثورة ضاعت والبلد واقعة والحال واقف و........فيرنا كماااااااااااااااااااان )
الحتة دى كانت هتوقف قلبى من الضحك انت فقرى مووووووووووووت

**aftr** · 25-04-2012 03:38 AM

عربيه محترمه وانا بحبها جدا ربنا يحفظها لك

**yousefsemsem** · 25-04-2012 07:28 PM

[QUOTE=lanos2004;3874260921]انا سافرت ورجعت ---الموضوع نام ليه --فين المشاركات الجديده[/QUOTEياراجل انت لسه بتتكلم في الموضوع هه
حمدالله علي السلامه
بسبب كلامك خلتني كل مااشوف لانوس لازم اشد معاه لدرجه اني والله كنت محمل العيله راكبه كلها وواحد كان بيشد ومعاه لانوس كسحته ورايا بس بقي ظروفي اني كنت بجري ضروري بسبب الحريقه اللي حصلت عندنا في طنطا لان محلنا في الخان وقدر الله ولطف
وحمدالله علي السلامه يعم

**lanos2004** · 25-04-2012 08:27 PM

[QUOTE=yousefsemsem;3874263197]

المشاركة الأصلية كتبت بواسطة lanos2004

انا سافرت ورجعت ---الموضوع نام ليه --فين المشاركات الجديده[/QUOTEياراجل انت لسه بتتكلم في الموضوع هه
حمدالله علي السلامه
بسبب كلامك خلتني كل مااشوف لانوس لازم اشد معاه لدرجه اني والله كنت محمل العيله راكبه كلها وواحد كان بيشد ومعاه لانوس كسحته ورايا بس بقي ظروفي اني كنت بجري ضروري بسبب الحريقه اللي حصلت عندنا في طنطا لان محلنا في الخان وقدر الله ولطف
وحمدالله علي السلامه يعم

اعذرنى الانوس الى حضرتك بتشد معاها دى 85 حصان وتقدر تتغلب عليها بسهوله انما 1500 سى سى 110 فصعب جدا اومستحيل اصلا انك تشد معاها فى طريق مفتوح--ولو لانوس 1600 سى سى اساسا ضرب من الخيال ان عربيه حضرتك او اى عربيه 1600 تشد معاها
وبالنسبه لحريق طنطا ربنا يصبر اهل طنطا ويصبرك لو اصاب محلكم مكروة---ويا راجل دة انا اعز اصحابى من طنطا---احمد الشرقاوى-وايمن كامل --وماجد غباشى