الموضوع: قدر الله وماشاء فعل عملت حادثه بسيطه والحمد لله ..... ارجو المساعده

المشاركة الأصلية كتبت بواسطة sara2001

الحمد لله على كل شيء
بإذن الله هصلحها في التوكيل علشان التأمين



الحمد لله انها جت على قد كده
انا سألت في كونتكت التأمين مش بيغطي الحادثه بتاعة الطرف التاني



الله يسلمك يا دونزي الحمد لله على كل شيء
انا مش متضايقه والله من الخسائر الماديه انا متضايقه من الخطأ اللي حصل مني وبحمد ربنا تماما ان مفيش حد كان واقف مكان العربيه كان اتصاب لا قدر الله
ومتضايقه جدا علشان العربيه الأخرى اللي خبطها وصاحبها مالوش اي ذنب
وبالعكس انا اتمنى يصلحها بالطريقه اللي تناسبه حتى لو كلفت اكتر علشان يكون راضي ويسامحني وما اتحملش ذنبه

اللي حصل ان من فتره نزلت العربيه في جراج منزله حاد جدا علشان في اكتر من عربيه اتسرقت في المكان اللي كنت بركن فيه
وكنت بطلع من الجراج عادي بسهوله والمنزل هو اللي كان بيتعبني شويه في النزول
قبل ما بطلع كنت بجيب الأول علشان العزم واحاول اقف على آخر المطلع علشان اشوف العربيات اللي جايه في الشارع وانقل على الd وادخل شمال بعد كده
في اليوم ده وانا في آخر المطلع قبل ما اقف ماما قالتلي ادخلي يمين ادخلي يمين احسن ونفذت بالحرف الواحد بدون اي تفكير
لفيت الدريكسيون يمين والعربيه لسه واخده عزم الأول واندفاع المطلع وبوووووووووووووم طااااااخ دششش .... مش فاكره ايه اللي حصل ولا متأكده كله في ثواني
كل اللي فاكراه اني كنت بحاول اوقف اندفاعها بدون اي فايده نجحت بس اني اوقفها قبل ما تخبط في صف العربيات اللي على الناحيه التانيه في اليمين
والحمد لله قدر الله وما شاء فعل

طيب ياريت الناس كلها عندها ضمير و محترمين زيك

دا غيرك يا بنتي بيخبطوا بني ادمين و مابيضروش يدفعوا حاجة ولا يعوضوهم عن اللي الاصابات اللي كانت بسبب سواقتهم

و دي اخرة اللي يسمع كلام مامتو في السواقة .... انا ماما لما بتبقى راكبة جنبي بتركبني 100 عفريت و كل شوية تتخض على اقل حاجة و تخضني معاها بس اتعلمت و مابقيتش تفرق معايا

عموما انتي عملتي اللي عليكي و زيادة مع الراجل و الحمد لله خبطة و عديت و ماتحطيهاش في بالك و جمدي قلبك و خليكي واثقة في نفسك و كفاية اوي تتعلمي من الغلطة دي لكن ماتخليهاش تأثر عليكي سلبيا خالص

المشاركة الأصلية كتبت بواسطة ashturbo

ياستي تعيشي وتخبطي الحمد لله أنك سليمة وأن الراجل كمان سليم هو مش طلع سليم بردوا ولا أيه ؟؟؟


قدر الله وماشاء فعل بدل ما تستغربي من الموقف قولي الحمد لله .

اه الحمد لله سليم :))
بس عربيته مدشدشه :(((((
والحمد لله على كل شيء طبعاً

المشاركة الأصلية كتبت بواسطة donzi

طيب ياريت الناس كلها عندها ضمير و محترمين زيك

ميرسي يا دونزي ده من ذوقك
المهم ما يعملوش زيي وهما سايقين

دا غيرك يا بنتي بيخبطوا بني ادمين و مابيضروش يدفعوا حاجة ولا يعوضوهم عن اللي الاصابات اللي كانت بسبب سواقتهم

و دي اخرة اللي يسمع كلام مامتو في السواقة .... انا ماما لما بتبقى راكبة جنبي بتركبني 100 عفريت و كل شوية تتخض على اقل حاجة و تخضني معاها بس اتعلمت و مابقيتش تفرق معايا

عموما انتي عملتي اللي عليكي و زيادة مع الراجل و الحمد لله خبطة و عديت و ماتحطيهاش في بالك و جمدي قلبك و خليكي واثقة في نفسك و كفاية اوي تتعلمي من الغلطة دي لكن ماتخليهاش تأثر عليكي سلبيا خالص

هو جزء خطأ على ماما فعلا بس الخطأ الأكبر اني نفذت بدون تركيز يمكن علشان كنت مش نايمه كويس قبلها

المشاركة الأصلية كتبت بواسطة hesham hamza

قدر الله وماشاء فعل

وأحييكِ على احترامك ومتسمعيش كلام مامتك تانى :)))

ميرسي جدا على ذوقك
وهحاول افصل بعد كده عن أي مؤثرات خارجيه :)))