قدر الله وماشاء فعل عملت حادثه بسيطه والحمد لله ..... ارجو المساعده

**sara2001** · 29-04-2012 11:41 AM

المشاركة الأصلية كتبت بواسطة shikh_khaled

السلام عليكم ورحمة الله وبركاته

الأخت الفاضلة الأستاذة / sara2001

طمنينا التوكيل خلّص السيارة ولا لسة ؟

وعليكم السلام ورحمة الله وبركاته

الحمد لله استلمت العربيه امبارح
وكان فيها شوية ملاحظات واستلمتها بعد كده

أسأل الله العليّ العظيم أن يحفظ لك سيارتك وجميع الأعضاء من كل سوء

اللهم إنا نعوذ بك من سوء المنقلب وكآبة المنظر ,

اللهم إنا نسألك البر والتقوى ومن العمل ماترضى

ربنا أنزلنا منزلا مباركا وأنت خير المنزلين

آمييين
اللهم تقبل
الف شكر لحضرتك يا شيخ خالد على السؤال

**sara2001** · 30-04-2012 02:22 AM

المشاركة الأصلية كتبت بواسطة shikh_khaled

أستاذة / ســــــارة , ألف مليون تريليون مبارك على استلام حضرتك

للسيارة

أسأل الله العلي العظيم أن يحفظها لك من كل سوء ومن شياطين الإنس والجن ومن كل عين ومن شر كل

حاسد ومن شر كل ظاهر وباطن ومن شر كل معلن ومسر ومن شر كل عين لامة

الله يبارك في حضرتك يا شيخ خالد
والف شكر على ذوقك

**ابو ليلى** · 30-04-2012 04:53 AM

مبروك يا سارة على الاستلام ويارب تكون اخر الاحزان
بس فين التفاصيل ياريت تكملى الموضوع علشان الكل يستفيد

**sara2001** · 30-04-2012 02:14 PM

المشاركة الأصلية كتبت بواسطة ابو ليلى

مبروك يا سارة على الاستلام ويارب تكون اخر الاحزان
بس فين التفاصيل ياريت تكملى الموضوع علشان الكل يستفيد

الله يبارك فيك يا فندم
ميرسي جدا على ذوقك

التفاصيل دايما فيها نقد :((
علشان كده بتجنب اوضح التفاصيل
عموماً بإذن الله اكمل الموضوع النهارده بالليل

**sara2001** · 01-05-2012 12:13 PM

نبدأ بيوم تسليم العربيه في التوكيل

شركة التأمين بتطلب الحصول على اسم المهندس المستلم ورقم تليفونه وابلاغه لهم للتنسيق والمتابعه من خلاله

المهندس اللي استلم العربيه تقريبا كان فيه حاجه مضايقاه في اليوم ده وكان متضرر شويه

واعطانا رقم للمتابعه مفيش حد بيرد عليه او بيخلي حد تاني يرد ويقول ان ده رقم خاص بشخص آخر

وده عرفته تاني يوم لما حاولت اعرف تمت المعاينه ولا لسه من خلاله ومقدرتش اوصل للمعلومه دي بعد كده غير من خلال شركة التأمين
وعرفت تفاصيل المقايسه من خلالهم

المفاجأه بعد كده كانت في اتصال التوكيل بنا وطلب دفع المستحقات 4500 جنيه واستلام العربيه يوم الإثنين
وطبعا كلمة السر في انها تخلص بسرعه كده هي المهندس خالد فاروق جزيل الشكر له
ودي كانت اول ايجابيه في الموضوع

المفروض شركة التأمين هيا اللي بتستلم الأول وبعد كده بتبلغني استلم بعد المعاينه

كلمت شركة التأمين وبلغتهم ان العربيه خلصت طلبوا مني اطلب من التوكيل يبعتلهم فاكس بالقيمه المطلوبه لمراجعتها واستلام العربيه

وانهم هيبعتوا مندوب للمعاينه اول ما يتأكدوا ان العربيه خلصت

طيب هتتأكدوا ازاي ...... بعد ما نتصل بالمهندس المسئول ويرد علينا

تابعينا بكره في نفس الميعاد علشان تعرفي كمان بعتوا الفاتوره ولا لسه

رجعت طلبت من المهندس اللي بلغنا بالإنتهاء من العربيه يبعت الفاتوره على الشركه

قال هنبعتها حالا

تاني يوم اتصلت مفيش حاجه اتبعتت لغاية دلوقتي ومش عارفين يتأكدوا ان العربيه خلصت في التوكيل لأن المهندس مش بيرد على الرقم خالص

رجع التوكيل اتصل تاني يوم تعالوا ادفعوا الفاتوره واستلموا العربيه احنا اجازه الأربعاء والخميس

يا فندم لازم شركة التأمين تستلم الأول ولازم تبعتوا الفاتوره للشركه

هنبعتها حالا

اتصلت بالتأمين بلغتهم تاني واكدوا انهم مش عارفين يوصلوا لمهندس المتابعه

بعد كده اديتلهم الارقام اللي المهندس الأخير كلمنا من خلالها للإستلام

وتم التواصل اخيراً بينهم الحمد لله

شركة التأمين خلصت اجرائتها فورا وبلغتنا بارسال فاكس للتوكيل بتسليمنا العربيه ودي كانت تاني ايجابيه في الموضوع

اتأجل الإستلام ليوم السبت علشان الفرع اجازه الأربعاء والخميس حسب كلام المهندس
وعرفت بعد كده ان الخميس مش اجازه ولا حاجه

المره دي المهندس كان بشوش وودود جدا وجاب العربيه علشان نستلمها

وكانت متربه على الآخر من الركنه في الشارع

تم تغيير الإكصدام والصدر والفانوس ورش الرفرف والإكصدام

وكان في شوية ملاحظات

الفانوس بارز عن مكانه من جهة الخارج ناحية الإكصدام (التقفيل سيء بصراحه)

وفيه بقعة دهان اماميه على الإكصدام ولوحة ارقام المرور منبعجه من الفك

وباب السواق بيصدر صوت عند الغلق والفتح

فيما عدا ذلك كله تماااام :))))

كان عندي قلق ان لون الدهان ممكن يفرق علشان موديل العربيه 2010
لكن طلع مطابق للون الحمد لله
الرفرف والكبوت اتعدلوا مكانهم وكله تمام
حواف الرفرف مش واخده لون :(

تم علاج صوت الباب وبقعة الدهان في الإكصدام والمهندس ابلغنا بصعوبة تركيب الفانوس مثل الأول
واستلمنا على كده وخلاص

بعد ما مشينا اكتشفت ان كرسي السواق كمان بيصدر صوت

بعتذر على الإطاله وأي استفسار انا تحت امركم

**BUNSH** · 01-05-2012 02:57 PM

قدر الله ماشاء فعل ,, وحمدلله على سلامة حضرتك .
ومبروووك للاستلام عربية وربنا يباركلك فيها ويحفظها من عيين .

**sara2001** · 01-05-2012 04:09 PM

المشاركة الأصلية كتبت بواسطة bunsh_fox

قدر الله ماشاء فعل ,, وحمدلله على سلامة حضرتك .
ومبروووك للاستلام عربية وربنا يباركلك فيها ويحفظها من عيين .

الله يسلمك ويبارك في حضرتك
ميرسي جدا على ذوقك

**A.Saad** · 01-05-2012 07:38 PM

موضوع باب السواق بيكون كدة فيه عدم دقة فى تركيب الرفرف

-

-

الموضوع: قدر الله وماشاء فعل عملت حادثه بسيطه والحمد لله ..... ارجو المساعده

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عملت حادثه على الماشي والحمد لله

عملت حادثه والحمد الله

اشمعنى وليد عمل حادثه انا كمان عملت حادثة (قدر الله وماشاء فعل)

البيكانتو اتخبطت ...والحمد لله قدر الله وماشاء فعل

عملت حادثه النهارده وقدر الله وماشاء فعل

الكلمات الدلالية لهذا الموضوع

المفضلات

المفضلات

ضوابط المشاركة