الموضوع: ما هو اكثر موقف مضحك وهو سايق او له علاقه بالسيارات

انا لى موقف واحد بس كل ما افتكره اضحك جامد جدا
كنت عند مدرسة المنهل وفيه لفه كده من على الترام علشان اروح مسجد السلام
المهم الطريق واقف

وكان اماى عربية بى ام ما شاء الله

المهم العربية البى ام عمالة تريح لورى وانا عمال ادى له كلاكس علشان ياخد باله وده مفيش خالص لحد لما سمعت صوت كده خفيف يعنى العربيتين ريحوا على بعض

المهم الراجل الامامى عمال يطلع اديه ويشوح

وفى لحظة استغربت انه الطريق مايا من ناحيتى وفعلا اكتشفت ان انا المش دايس فرامل كويس والعربية بتعتى هى الكانت بتريح عليه هو


بس بجد كنت مكسوف جدا جدا منه

موقف تانى بردوه لسه فاكره كان الطريق شبه واقف

ماشى على الاول

المهم جه فى دماغى ان الكورسى بعيد اوى وعايز ااقربه للامام
فى اللحظة الانا سرحان فيه وبظبط الكرسى لقيت العربية الادامى وقفت مره واحده

فضغط فرامل وعنيك ما تشوف الا النور

طبعا الكرسى طلع للامام بقوة ولقيت نفسى لازء فى الدريكسيونورجلى مزنوقه بطريقه

فبجد يا جماعة نصيحة ان حد يحاول يظبط الكرسى وهو ماشى

المواقف اللي حصلت للواحد كتير هذكر منهم شويه
1-كان معايا 128 وكنت رايح مصر الجديده عند ارض الواء جنب ابوشقره وفي شارع جانبي هناك جيت اركن العربيه ملقتش حته اركن فيها العربيه ولقيت فيلا علي يميني رحت داخل وعملت عبيط وراكن العربيه فيها وشديت الهاند بريك لان الفيلا كانت اعلي من الشارع وخفت العربيه تمشي لوراه وتنزل علي الشارع تخبط اي عربيه من اللي واقفين علي جنب ونزلت وطلعت عند صاحبي المهم اني قعدت لغايه الساعه 4 الفجر ونزلت ورحت للعربيه وصعقت من اللي شوفته لاني لقيت العربيه نزلت لوراه وواقفه بعرض الشارع سداه وطبعا مكانش فيه عربيات وقتها بس تخيل منظر العربيه وهيا ساده الشارع بالعرض اكن واحد بلطجي قافل الشارع او كمين شرطه ومحدش يعدي قلت يا تري ايه اللي حصل وانا فوق عند صاحبي من الساعه 9 بليل لغايه دلوقتي كويس ان محدش بلغ البوليس لان المنطقه دي حساسه شويه وقعدت اضحك يومها وانا سايق مروح للبيت
2- عربيتي 128 وكانت عربيتي بتدخلها القطط والعرس من تحت بس منين مش عارف المهم نزلت من البيت واخدت العربيه وكنت رايح مشوار واذا بيا وانا سايق شامم ريحه غريبه من الكنبه ببص ورايا لقيت فار ميت ومتقطع كانت العرسه بتاكله امبارح بليل ولما شبعت مشيت وسابت الباقي لصاحب العربيه لو جعان ولا حاجه ييييييييييييييييع انا عارف رحت واقف ومنضف العربيه وسبيت ولعنت في كل العرس اللي في الدنيا
3- كنت ماشي بالعربيه وبعد كدجه حسيت بدربكه في الدواسه ببص لقيت عرسه رحت واقف بالعربيه وفتحت الباب وجريت ههههههههههه وبعد كده استجمعت شجاعتي ورعت تاني امشي العرسه لقيتها مش موجوده خرجت
4- موقف مؤسف حصل ليا في الامارات كنت في زياره لاحد الاقارب وانا واخد عربيته وماشي في الشارع لقيت قطه واقفه في نص الشارع الظاهر ان عربيه داست علي رجليها ومش قادره تمشي فخفت عليها رحت راكن ونزلت قولت امسكها واحطها علي الرصيف احسن عربيه تدوسها المهم ركنت ورحت للقطه وهيا اول لما شافتني دبت فيها الروح وخافت مني وجريت علي الصف التاني قامت عربيه دايساها وماتت طبعا قلت سبحان الله خافت مني وراحت لقدرها بس كان منظر بشع اكيد
5-موقف حصل ليا في اوربا وكان اول اسبوع ليا في المانيا وكنت راكب مع ابن عمتي العربيه وطبعا خطوط عبور المشاه مقدسه هناك والناس بتعدي وهيا بتقري الجرايد من فرط الثقه في ان قائد السياره هيقف المهم كنت راكب معاه العربيه وكنت قاعد جنبه وواحد خواجه بيعدي الشارع بكلب والماشي علي اقل من مهله وطبعا كنت لسه جاي من مصر طازه والحوار ده لو اتعمل عندنا كان الراجل ابو كلب سمع ما لذه وطاب المهم انا وبشهامه المصريين ورحت فاتح القذاذ ومطلع رقبتي وشاتم الراجل بالانجليزي شتايم علي ابوه والراجل بيبص ومتستعرب وقريبي بيقوللي بتعمل ايه الله يخرب بيتك هتودينا في داهيه قولتله مش شايف برود امه استني انتا يا خالد انا هظبطوه ملكش دعوه قاللي الله يخرب بيتك انتا فاكر نفسك في مصر ده حقه ومحدش يقدر يكلمه وشرحلي بعدها وكان شكلي وحش قوي
6-موقف دايقني قوي وانا في المانيا برده وكنت بركن عربيتي ورحت مشوار ورجعت لقيت اللي راكن جنبي خبط بايه في الباب عندي وكانت عربيته موديل 2008 وانا عربيتي موديل 93 يعني كلبه جنبه وادايقت جدا واستحضرت ذكريات مصر في عقلي رحت جايب مسمار في العربيه ووساند عليها وجايبله الجانب من اوله لاخره بالمسمار وماشي هههههههههههههه مع ان التامين هيدفعله الموضوع ده وهوه مش هيغرم حاجه بس فشيت غللي فيه وطبعا لو حد شايفني كننت هاروح في داهيه
7-كنت في الدنمارك وطبعا اللي ميعرفش ان لو حد بيموت في الشارع اوعي تقف وتساعده الا لو طلب منك ذلك المهم اني كنت ماشي بالعربيه ولقيت واحده عندها 90 سنه بال مبالغه ومش عارفه تطلع سلم عبور المشاه رحت راكن ونزلت بشهامه المصريين وقلتلها اي خدمه يا حاجه هاتي ايدك يا امه اساعدك راحت بصيتلي بقرف وقالتلي انتا مجنون ههههههههههههه رحت ماشي وانا في قمه الخجل والناس بتتفرج عليا وبتقول ايه المجنون ده اللي نزل من عربيته يساعد واحد وانا ماشي طبعا دعيت عليها تتقلب من السلالم ملحوظه انا كنت بكلمها انجليزي علشان محدش يفهم غلط
8-كنت في مصر ومعايا 128 وكنت لسه جديد بتعلم وماشي في شارع جانبي فيه قهوه وزحمه زكده ولقيت واحد قدامي فجاه وجيت ادوس فرامل افاديه دوست بنزين ودخلت علي القهوه لان في ناس كانت قاعده علي الكراسي في الشارع ودخلت فيهم ولحسن الحظ دخلت في شجره قبل ما ادخل فيهم ههههههههههههه وطبعا عارفين نكته واحد جيه يفادي واحد دخل بميكروباص في فرح موت 100 واحد ههههههههههههههههه