الموضوع: ما هو اكثر موقف مضحك وهو سايق او له علاقه بالسيارات

المشاركة الأصلية كتبت بواسطة abzoabzo

موقف اتحكالى على لسان واحد صاحبى اخوه خد عربيته وطلع على كليته فى حلوان فجاة لقى ميكروباص من بتوع رمسيس دول اتقلب فجاة
فالناس نزلت نفضة هدومها وكل واحد يقول للى جنبه وهو كل يوم كده المهم عدلوا الميكروباص ومشيوا وكل اللى فى الشارع ميت من الضحك


وهو راجع بقى على الاوتوستراد لقى عربية فيرنا تقريبا كانت طيرة على 170 عديت طلقة من جنبه وبعد ميت متر تقريبا لقى تراب كده ودخنة فى الطريق لما وصل عندها لقاهم جماعة كوريين راكبين العربية وسواق ميكروباص تويوتا على شماله بيقوله دول حتى اغبية فى حوادثهم

انا عمرى ما ضحكت بالشكل دا !!!

بجد انا والدتنى فاكرانى اهبل!!

موقف روعة و مضحك جداااااااااا

عن أحد الأصدقاء كان معاه BMW موديل السبعينات
مرة اتقطعت منه حاجة في دواسة البنزين مش عارف بالظبط ايه هي ؟ المهم هي خلت دواسة النبزين مش شغالة

الواد كان معفرت قام نازل و فتح الكبوت و ربط البتاعة المقطوعه دي بحبل و طلع الحبل من تحت غطا الكبوت و دخله من الهواية و كل مايحب يزود بنزين ... بدل مايدوس علي دواسة البنزين يشد الـ " السَلبَه" كأنه بيسوق عربية بحمار ...

و ما أدراك يا معلم كل اللي ماشي جنبنا ع الأوتوستراد هاتك يا ضحك ع الجدع اللي قاعد قدام الدركسيون و هو ماسك في أيده سلبه زي بتاعة العربية الكارو

الغريب الواد كان بيطلع بالعربية زي الحلاوة من غير ما العربية تقطع منه ... لأ و تنه بيها كده تلات ايام سايق بالسلبه - شكله استحلي الموضوع - لحد ما وقفته لجنه في صلاح سالم و سحبو رخصه

بجد موقف تحفه جدا
احكلكم على موقف بجد صحابى مسكنهولى زله ومحدش ركب معايا العربيه دى لغايه مغيرتها

المهم انا كان معايا فيات بونتو بس العربيه مغلبانى شويه انا كنت ساكن فى مساكن شيراتون المطار انا واحد صحبى انتيمى ف شقه واحد وكان الشفت بتاع شغلى من الساعه 2 بليل لغايه تسعه الصبح المهم على الساعه 6 المغرب لقيت صحبى بيصحينى وانا غرقان ف النوم وبيقلى قوم علشان عربيتك خبتط تاكس ماشى فى الشارع انا جالى زهول وتخيلت انه انا بكمل الحلم وبعدين فضلت اركز اااااايهhttp://www.nilemotors.netيعنى ايه فين مين امتى ونزلت جرى على العربيه فى الشارع وابص الاقى العربيه اتزحلقت من ع الرصيف وحكت فى تاكسى مدى ونزلت فضلت اتاسف للراجل سواق التاكسى قلى يابنى مش مشكله بس ارجوج خرجى انا محبوس ف الباب
اتضح ان الهند بيرك نسيت اشدها واعربيه كانت مركونه على الرصيف بزاويه فحظ السواق انه كان واقف ينزل حد قدام العربيه بحوالى مترين فنزلت عليه وحبسته مش عارف ينزل من الباب بتاعه

مرة كنت فى سوق زحمة اوى فانا واقف بالعربية
جت عربية كارو بحمار جنبى

والحمااااااااار بقا مصمم يدخل دماغة جوة شباك العربية وانا طبعا قرفان ومدايق ومقروف من شكلو اصلا هههههههههه
المهم طلعت ركنت فى حتة تانى والحمار بيبص على العربية من بعيد
شايفو من المرايا
معرفش كان عايز يركب دة ولا اية

انا فى موقف حصلى مش هاقدر انساه كنت باروح بورسعيد كتير و كان ناس كتير تسألنى روحت بور فؤاد واللا لأ؟ وكانت ديما اجابتى لأ لحد مقررت انى لازم اروحها و روحت بورسعيد وكان معايا اخويا و ابن عمى فعرضت على ابن عمى الفكرة ووافق عشان هو كمان نفسه يروحها وجاب عربيته الفيرنا وكانت لسة زيرو وقررنا نروح بور فؤاد وبعد اذان المغرب طلعنا بالعربية وسألنا ازاى نروح بور فؤاد فالناس وصفولنا المكان وقالولنا هنركب معدية وهى اللى هتودينا بورفؤاد وبعد ما عرفنا اشتاقنا اكتر اننا نروحها وفعلا وصلنا المكان الموصوف ولقينا حوالى 4 صفوف عربيات روحنا دخلين معاهم وخدنا دورنا ووقفنا مستنيين المعدية تيجى وسبنا العربية مفتوحة احنا التلاتة ونزلنا منها اتمشينا وروحنا نشوف تذاكر المعدية فسألنا واحد كان معدى على مكان التذاكروسعرها فقال انها مجانا وبعد كدة واحنا راجعين للعربية بصيت وكان فى فى بورفؤاد جامع كبير باين من واحنا وقفين لقيت الجامع الكبير ده بيتحرك !
وكانت الدنيا بالليلفى وقت العشاء واتصدمت وباقول لابن عمى ان الجامع بيتحرك هو قالى لأ ده اكيد الجامع ده مبنى على سفينه معدية قلتله يا سلام وهيبنو جامع على سفينه ليه اللى عايز يصلى يصلى فى اى مكان مش لازم يبنى جامع وعرفنا اخيرا ان احنا واقفين فى المعدية وعشان هى كبيرة كنا فاكرنها انها ارض عادية وطبعا قعدنا نضحك و تخيلنا ان لو كنا بعدنا شوية تانى عن العربية لما كنا بنسأل عالتذاكر كانت العربية راحت لوحدها بورفؤاد وهى مفتوحة!