الموضوع: حل مشاكل التكييف

انا قعدت فترة ادور على مكان التلاجة فى عربيتى اللانسر 2002 علشان البرودة كانت بعد الظهر ومع الوقفة كان ضعيف وبالليل على واحد ببقى مش مستحمل البرودة بتاعته المهم قعدت افك لغاية ماوصلت لمكان التلاجة ولاقيتها موسخة بس مش قوى اديتها غسلة تمام ونزلت طين كتير وغرقت ارضية العربية بالمياه المهم وانا بفك لاقيت فيشتين فكيتهم ولاقيت حاجة سودا كده عمله زى متكون كتاوت لكن شكلها غريب شوية عن الكتاوت وكان مكتوب عليها do not repair وكانت متركبة فى العلبة السودا اللى قبل التلاجة على طول وغسلتها باسبراى جاف وبعد ما خلصت وركبت وقفلت جيت اشغل التكييف لاقيت العربية rbm بتاعها بينزل مع التكييف والعربية تفضل ترجرج جامد مع العلم انها قبل الفك والتنظيف كانت مظبوطة والrbm كان بيعلى مع التكييف ولكن بعد التنظيف ال rbm بينزل مع التكييف واول ما يطفى ال rbm يظبط
فانجدونى ودلونى على الحل هل البتاعة السودا اللى عملة زى الكتاوت لما اتغسلت بالاسبراى باظت وهى عملة الرجرجة

اتحلت يا جماعة والحمد لله طلعت المشكلة مش من الشغل اللى انا عملته خالص لانى زى ما فكيت زى ما ركبت مع انى مجيتش جنب حوض الماتور خالص ولكن افتكرت انى كنت عند الميكانيكى وخليته فك فلتر الهوا بتاع الماتور ينفضه بالهوا ورجع ركبه ومن بعدها مشغلتش التكييف ففكرت انه ممكن من الشغل ده يكون خرطوم رفيع من بتاع فاكيوم التكييف اتفك وده اللى حصل فعلا لاقيت خرطوم رفيع مفكوك ولما ركبته رجعت كل حاجة زى ما كانت الاول وافضل بالنسبة لاداء التكييف

انا معايا افيو 2012 عند تشغيل التكيف و العربية واقفة باشعر برعشة خفيفة بالاضافة الى ان سحب العربية بيتاثر بالتكيف فهل هذا عادي ؟ ام يوجد مشكلة ؟ وما هي ؟

المشاركة الأصلية كتبت بواسطة semsem kane

العربية 2012 يعنى مش هيكون فيها ولا عيوب ايدل ولا بوابة , بس كل اللى اقدر اقولة واللى متأكد منة انها مع التكييف ادائها بيقل شوية , ورعشة العربية مع التكييف والعربية لسة جديدة بتبقى ضعف فى الكهرباء

يعني يااستاذ سمسم ممكن يكون العيب في حساس الايدل ؟ انا شاكك فية سعات الصباع بيعلق وبيرفع ال rpm وعند الخبط علية يرجع يظبط!!!!!!!!!!!!!!!!!
اية رايك وما هو الحل الامثل ؟؟؟؟
شكرا علي الاهتمام

احب اشارك بمشكلتى يمكن حد يفيدنى فيها
انا عندى الكومبرسور بتاع التكييف بيفصل و يشتغل تقريبا كل ثانيتين و بتبان اوى فى الوقفه فى الاشارات بحس ان العربيه هتنط منى بما انها اتوماتيك و طبعا ال ار بى ام بيعلى مع كل تشغيل للكومبرسور.