الموضوع: حل مشاكل التكييف

المشاركة الأصلية كتبت بواسطة semsem kane

الريحة دية عشان تروح ياباشا فية منظف اسمة منظف التكييف بيتجاب وبعد كدة اعمل التكييف على السخن وشغلة خمس دقايق

واهم حاجة تتأكد من جودة فلتر التكييف

مع فائق احترامي

المكيف السخن ملوش دعوة بالبارد واما حضرتك بتحول المكيف للسخن انت بتحول مسار الهوا من على التلاجة للسخان

المشاركة الأصلية كتبت بواسطة omarkhaled55

طب انا عندى التكيف بيشتغل كويس بس مرة واحدة يجيب هواء سخن ويرجع يشتغل تانى لوحدة ؟؟؟؟
دة عيب اية ؟؟؟؟؟
وفى وقت الظهر بردة التكيف ادائة مش عاجبنى
العربية مازدا 3 2008 ؟؟؟

المشكلة دي لها كذا بعد... بس اللي فاهمه من كلام حضرتك انا اتعرضت لمشكلة مشابهه للي انت بتقوله

الاحتمال الاول والارجح حضرتك هنا عندك مشكلة سخونة في موتور العربية... قبل اي حاجة تبريد الموتور لازم يبقى كويس والردياتير سالك والترموستات مش قافش.. ليه؟؟... كل مكيفات العربيات الاصليه (بتاع بلدها) بيبقى راكب منها وصله لوحدة الكنترول بتاع العربية ( الكمبيوتر) حضرتك لو حرارة مياه الردياتير تجاوزت ال 95 بيتم فصل المكيف بشكل تلقائي حتى وان كان الصالون لسه سخن... ده ميكانيزم لحماية موتور العربية من الحرارة الزائدة وبمجرد ما الحرارة تنخفض شوية يرجع يشتغل تاني

وبخصوص العربيات الكربيراتير زي حالاتي فالسوزوكي سويفت فيه حساس حرارة مخصوص راكب جنب ترموستات الكوع وجنب حساس عداد الحرارة ده اللي بيخليه يفصل لو العربية سخنت زيادة

عشان كده من المهم جدا ان دورة تبريد الموتور تكون بحالة ممتازة وترموستات الكوع ميكونش قافش ومهم جدا ان حضرتك تتأكد ان مروحة الردياتير شغالة مع مروحة السربنتينة وكل فترة (شهر مثلا) تجيب خرطوم والعربية باردة تغسل السربنتينه والردياتير من بره بالراحة وصدقني دي هتفرق كتير جدا فوق ما تتخيل


الاحتمال التاني... ان بوابة الهوا السخن مش بتقفل كويس... وده حلها يا اما تظبط البوابات يا اما تعمل زيي وتلغي مسار الهوا السخن عن طريق فصل دورة المياة من سخان الصالون وده اللي بيعمله بتاع الردياتير مش بتاع التكييف


الاحتمال التالت وجود نقص في مستوى شحن الفريون... وده تتأكد منه عن طريق عدسة الفلتر او شخص بتاع تكييف يقيس لك الشحن (بس قبل ما تروح له اغسل السربنتينة بتاع التكييف من بره ضروري)

اي استفسار انا فالخدمة

المشاركة الأصلية كتبت بواسطة omarkhaled55

شكرا جدا :)
بس انا عندى العربية مش بتسخن الحمد لله ؟؟؟
يبقى كدة الاحتمال الاول مش موجود صح ؟؟؟
الاحتمال التانى معرفش بصراحة
الاحتمال التالت انا اخر مرة عامل صيانة للتكيف الصيف الى فات ؟؟؟
ومغسلتش التلاجة ولا مرة من ساعت م جبت العربية 2008 ؟؟
ونفس الكلام منصفتشش دورة التبريد ؟؟
هل دة لية اثر على الكلام دة ؟؟؟؟

بص ياريس... حضرتك مؤشر الحرارة عادة بيكون رينجه من 80 الى 110 يعني الطبيعي رينج ال 95 ل 100 ده وسط المؤشر تقريبا... انت ممكن تلاحظ حكاية الصهد دي مع حالة الطريق والجو العام حواليك يعني هي الجو شديد الحرارة والطريق واقف؟؟... واراهن ان حكاية الصهد دي مش بتيجي الا فالزحمة وانك مش بتحس بيها لو العربية بتجري عالسريع... صح؟؟؟

هنا الحالات اللي بيفصل فيها الكومبريسور (في الاحوال الطبيعية... لسوزوكي سويفت وهي تتشابه في معظم السيارات)



وهنا الترابل شوتينج بتاع التكييف (سوزوكي سويفت وهي تتشابه في معظم السيارات)




اللي باكلمك على تنضيفها هي السربنتينة بتاع التكييف اللي في حوض الموتور لازقه قدام الردياتير ودي بتضرب انت فيها خرطوم ميه والعربية باردة مش مستاهلة انك تعملها عند حد

عاوزك تتأكد من ان مروحة الردياتير بتشتغل اول مالمكيف يشتغل لأن دي نقطه مهمة جدا


بخصوص نضافة تلاجة المكيف دي هي يستحسن انها تتنضف ولو بالهوا المضغوط لو في امكانيه... انما لو مفيش ريحة وحشة يبقى خلاص

المشاركة الأصلية كتبت بواسطة omarkhaled55

طب انا عندى التكيف بيشتغل كويس بس مرة واحدة يجيب هواء سخن ويرجع يشتغل تانى لوحدة ؟؟؟؟
دة عيب اية ؟؟؟؟؟
وفى وقت الظهر بردة التكيف ادائة مش عاجبنى
العربية مازدا 3 2008 ؟؟؟

ان كمان زيك
بس انا شاكك فى الترموستات بتهيس او عايزة تتغير,

بص اللى يوصل فينا لحل الاول يحكى على اللى حصل

المشاركة الأصلية كتبت بواسطة anchoor

ان كمان زيك
بس انا شاكك فى الترموستات بتهيس او عايزة تتغير,

بص اللى يوصل فينا لحل الاول يحكى على اللى حصل

الحلول المقترحة انا جربتها ونفذتها

شلت ترموستات الكوع بتاع الميه في برطمان ازاز وباركبه فالشتا
سلكت الردياتير وطلع منه بلاااااااااااااااااوي
فصلت المكيف الساخن ولغيته تماما.... لأنه امرضني جامد قبل كده
فكيت مروحة التابلوه ونضفتها وزيتها باسبراي دابليو دي 40
والمروحة مفكوكة نفخت التلاجة بتاع المكيف بالهوا المضغوط وركبت المروحة تاني

مروحة الردياتير كان نظامها انها مش بتشتغل مع المكيف.... فركبت لها ريلاي (كتاوت) عشان تلقط مع المكيف
السربنتينه الخارجية باغسلها بانتظام
سير المكيف مشدود كويس

الأمور فرقت كتير جدا جدا جدا جدا

بافكر اركب ديلاي لمروحة المكيف الخارجية عشان تفصل شغاله 10 ثواني بعد اما المكيف يفصل (زي مكيف البيت) عشان تزود التهوية للسربنتينه الخارجية

السلام عليكم
انا عندي مشكلة ان التكييف مبيشتغلش ولما كشفت عليه قالولي ان الضغط العالي قليل قريب للضغط المنخفض وقالولي ان المشكلة في بلف الكونترول اللي في الكباس طيب السؤال هل لو الاكسبانشن فالف فاتح عل طول يعمل نفس المشكلة وهل لو الكلاتش بتاع الكباس ضعيف وبيعمل انزلاق يسبب نفس النتيجة ولا لا وازاي اتاكد انه بلف الكونترول قبل ما اغيره