Opel Astra VS Citroen C4

**A.Adel** · 05-05-2012 03:19 PM

المشاركة الأصلية كتبت بواسطة formulator

The 1.6l VTi 120 bhp (Variable

Edit: عشان مانبقاش Off-Topic كتير، ماينفعش تقول الـC4 أقوى وأسرع بمراحل.. من غير support للكلام اللى بتقوله..؟!!
هاتلنا أرقام أداء من 0-100، Overtaking من 80-120-160.. وتوب-سبيد، كلمنى فـ Performance يافندم.
- أناقولت (وكتير هيوافقونى، أو اللى ركب الأسترا عارف): بطيئة فـ الأول، لكن سحبتها أسرع بعد الـ60 كم/س وفوووووووووق.
كلمنى عن جرى الستروين؟؟؟!!

جميل قوي الكلام ده
0-100 :
c4 in 12.5 sec
astra in 13.3 sec

ده غير إن ال torque في
c4 160 @4250 rpm
120 ps@6000 rpm
astra 155@ 4000 rpm
116ps@6000 rpm
يعني المفروض إن ال c4 هتبقى أحسن في الhigh range كمان

ده حتى ال fuel consumption ,ال c4 أحسن فيه (6.9 ل 7 في ال astra)

وكمان ال top speed بتاع ال c4 أعلى
187 مقابل 182 لل astra

kerb weight
c4 1380 kg
astra 1373 kg

و عموما الإتنين ك performance مش كويسين بس إزاي بقى ال astra أحسن !!!!!

رأيي المتواضع الأحسن من الإتنين ال ford focus
بس لو astra و c4 اختار ال c4 :)

**A.Adel** · 05-05-2012 03:32 PM

المشاركة الأصلية كتبت بواسطة mody3on

مبالغ فيه من ناحية ايه ؟ الماني 100% طبيعي تكون ب 180 الف , الجولف ب 200 الف و 100 حصان , الفتيس مفيهوش مشاكل ولا حاجة , بس هو غير الاوتوماتيك العادي وعالسرعات البطيئة بتحس بالنقلات لانه dual clutch

حضرتك حكمت على الفتيس إزاي إن مفيهوش مشاكل !!!
بيتهيألي محدش لحق يسوق العربية بالشكل اللي يخليه يقدر يقيم فتيسها

و طبعا كلنا عارفين إن مصر أم الدنيا غير أي حتة تانية :)

**mody3on** · 05-05-2012 03:43 PM

المشاركة الأصلية كتبت بواسطة ahmed-adel

حضرتك حكمت على الفتيس إزاي إن مفيهوش مشاكل !!!
بيتهيألي محدش لحق يسوق العربية بالشكل اللي يخليه يقدر يقيم فتيسها

و طبعا كلنا عارفين إن مصر أم الدنيا غير أي حتة تانية :)

الفتيس اللي هنا هو هو اللي بينزل بره , انا حكمت لان الطبيعي ان شركة زي فورد مش هتعمل فتيس بايظ , حضرتك حكمت منين ان الفتيس فيه مشاكل ؟ من كل اللي قريته عن الفوكاس الفتيس مش كويس في الزحمة وبيتردد كتير ولكن اداءه كويس في الجري لانه dual clutch , مش معنى كده انه هيبوظ منك

**A.Adel** · 05-05-2012 04:27 PM

المشاركة الأصلية كتبت بواسطة KSAYEDS

السلام عليكم،
العضو الفاضل:
انا كان عندى نفس المشكلة و ارشح لحضرتك قراءة المشاركة دى:
http://www.nilemotors.net/Nile/282154-2012-j-c4.html
و المشاركة دي:
http://www.nilemotors.net/Nile/28415...a3-2012-a.html
و بالرغم من ان الاخيرة مفيهاش استرا في السؤال الاصلى الا ان الاعضاء هيدخلوها في المقارنة.

رأيي الشخصى:
السي فور : اختيار فعلا ممتاز. سيبك من كلام اعادة البيع لان اللي عاوز عربية و عجباة هيجيبها حتي لو اتباعت بنكله، لكن اللتحفظ الوحيد (ايوة الوحيد) اللي كان عندى هو اعتمادية العربية: بمعني انها هاي تك (و دي حاجة كويسة جدا مش وحشة) لكن كلها قايمة علي الحساسات (ده حتي في حساس لتلوث البنزين اللي بطبيعته فى بلدنا قذر حتي لو ٩٥) فالحساس يشتغل و هو المفروض ميشتغلش. و قيس علي كده حاجات تانية اكيد. و سيبك كمان ان التوكيل مبيفهمش فيها و كده لان ده في كلام و كمان توكيل استرا في مشاكل و كلام عليه. انا خفت اجيب العربية و الاقي جالي هسهس بسبب الدقة الشديدة في الكمبيوتر بتاعها اللي يمكن مش مناسبة لظروف القيادة في مصر او درجة الحرارة العالية او غيرة. انما فعلا العربية طالعه من عيني لانها ارخص من الاسترا بمبلغ و فيها اوبشنز اعلي منها شوية.
الاسترا: كل حاجة فيها كويسة جدا و موتور معروف و قوى عيبها بالنسبة لي ان اوبشنها اقل شوية من الستروين و لما اجي اقارنها بيها الاقيها مش value for money مش عشان اعادة البيع ، لكن ك package كده ، اقول في نفسي "الستروين فيها كل الحاجات اللي انا محتاجها و تجنن و ارخص ، و الاسترا اوبشنز اقل شوية و كمان اغلي" ، فانا مش مقتنع بالاسترا بنسبة ١٠٠٪ لكن كوضع عربية فى السوق و موتور و امكانيات ميكانيكية المقارنات اللي كتبتها فوق رشحت الاسترا عن الستروين بفارق مش كبير.
انا لسه مشتريتش و ان شاء الله ناوى اجيب استرا مش لانها عجبانى تماما بس لان الظروف كده او لانها هى الانسب فى ظروف السوق بتاعنا.
طب عارف و الله امبارح من الحيرة وقفت واحد معاه سي فور الشكل القديم: بص شكر في كل حاجة فى العربية جدا ما عدا التوكيل قالي "رزل شوية" و نصحني اني اشترى كسر زيرو عشان اعادة البيع. غير كده كل حاجة قالهالي تطمن جدا و زى الفل و الله العظيم و قال قطع الغيار آه غاليه بس معمرة.

يا رب كلامي و مشاركتي تساعدك علي اتخاذ القرار المصيري ده، و ان شاء الله بالتوفيق
تحياتى.

ال ECU بتاع citroen من أحسن ال ECUS في العالم
بالنسبة لحساس البنزين , أنا عمري ما سمعت عن حد اشتكى منه خالص
و في الأول والآخر ده حماية لموتور عربيتك

و عموما الفيصل هو التجربة العملية ,ال 308 اللي هي تقريبا ال c4 نازلة بقالها كام سنة و محدش اشتكى من اللي حضرتك بتقول عليه ده خالص

بالنسبة لسعر اعادة البيع عشان ده محير ناس كتير
أنا هأتكلم بالأرقام
kia cerato 2010 مش تعمل دلوقتي حوالي 90 ألف (دي من ....... cars و يا ريت لو غلط حد يصححلي :) )
طيب تمام قوي

c4 2009 عاملة دلوقتي نقول 80-85
ده بإعتبار إن الاتنين high line و حالتهم كويسة

نيجي بقى لسعر الإتنين جداد ال c4 تقريبا 140 ألف و الكلام هنا عن الشكل القديم
و ال cerato من 130-140 تقريبا

يعني ال c4 سعر اعادة بيعها مش في الضياع ولا حاجة
و يا ريت محدش يكلمني عن العربيات اللي بتبقى في سوق السيارات
لانها بتبقى كلها عربيات اربع و انصاص و حالتها زي الزفت و اصحابها معظمهم تجار

الفرنساوي بيخسر آه وده زي الأوروبي كله عموما بس مش بيخسر نص تمنه في سنتين و الكلام الفاضي ده :)
بس للأمانة ال c4 تقيلة في بيعها لان مش أي حد بيقدرها :)
وبرده لو لقيت حاجة استعمال سنة أو سنتين ممكن توفر 30-50 ألف

**A.Adel** · 05-05-2012 04:41 PM

المشاركة الأصلية كتبت بواسطة mody3on

الفتيس اللي هنا هو هو اللي بينزل بره , انا حكمت لان الطبيعي ان شركة زي فورد مش هتعمل فتيس بايظ

ماهو حضرتك برده طبيعي إن شركة زي فولكس واجن مش هتعمل فتيس بايظ بس ده اللي حصل :)

المشاركة الأصلية كتبت بواسطة mody3on

حضرتك حكمت منين ان الفتيس فيه مشاكل ؟

أنا مقلتش خالص إنه بايظ , أنا قلت لازم نحكم عليه الأول

**Formulator** · 05-05-2012 05:08 PM

المشاركة الأصلية كتبت بواسطة ahmed-adel

جميل قوي الكلام ده
0-100 :
c4 in 12.5 sec
astra in 13.3 sec

هو للأسف ان مفيش data واضحة عن أداء الأسترا،
معرفش يمكن عشان بتنزل Vauxhall فـ انجلترا، وSaturn فـ استراليا...etc
فـ فيه اختلاف كبير بين الأرقام (الأسترا تربو 180 حصان فـ مصر من 0-100 فـ 9.2 ثانية.. وفـ UK وألمانيا فـ 8.5 ثانية).. بنفس الفتيس وكل حاجة..؟!!

يعنى الأسترا Touring الأستيشن من 0-100 فـ 12.3 ثانية، والأسترا بالفتيس المانيوال فـ 11.7 ثانية..؟؟؟!!
ياراجل دا حتى الـCompression بتاع الموتور فيه كلام؟!! فيه 10.5 وفيه 10.8؟؟؟!!

Whatever، أنا مش مختلف معاك.. بس فروق الأداء الـacclaimed (النظرية) لا تذكر..

يعني المفروض إن ال c4 هتبقى أحسن في الhigh range كمان
ده حتى ال fuel consumption ,ال c4 أحسن فيه (6.9 ل 7 في ال astra)
وكمان ال top speed بتاع ال c4 أعلى
187 مقابل 182 لل astra

الـ3 حاجات دول بقى مانقدرش نحكم عليهم (ولا حتى عـ الورق)؟؟!!!
لأن بيتحكم فيهم عوامل كتييييييييير، زى الـGear-Ratio بتاع الفتيس.. الـAero والـTune بتاع الـECU وكده.
دى حاجات تبان فـ الـReal-Life فـ الشارع وعـ الطريق..
يعنى: فين أرقام الأداء بتاع الـMid-Range من 80-120، ومن 120-160 (قولنا ان ممكن الستروين تطلع فـ الأول لكن الأوبل هتجيبها وتطلع فـ الرينج ده).. مثلا.

و عموما الإتنين ك performance مش كويسين بس إزاي بقى ال astra أحسن !!!!!
رأيي المتواضع الأحسن من الإتنين ال ford focus

+111
عـ الأقل الفتيس الـPowershift والموتور اللى فيه VVT عـ الكامتين هيديها أفضلية عنهم..!!

المشاركة الأصلية كتبت بواسطة mody3on

الفتيس اللي هنا هو هو اللي بينزل بره , انا حكمت لان الطبيعي ان شركة زي فورد مش هتعمل فتيس بايظ ,

المشاركة الأصلية كتبت بواسطة ahmed-adel

ماهو حضرتك برده طبيعي إن شركة زي فولكس واجن مش هتعمل فتيس بايظ بس ده اللي حصل :)

+1
أنا كنت هقول كده برضه، ماهى فولكس كانت رقم 1 فـ أوروبا ورقم 3 فـ العالم لما عملت الـDSG (الجيل الأول

)..

هو ماينفعش نقول كده،
لكن ينفع نقول: فتيس الفورد من انتاج شركة Getrag الألمانية اللى بتعمل فتيسات الفيررارى والـM///،
وكمان الـReviews بتاع الـPowerShift أفضل من الـDSG.. والـReporting للمشاكل أقل..

لكن هيفضل كل ده تقديرات لحد ما الفتيس يتجرب كويس فـ مصر، عـ الأقل نشوف احساس النقلات، وتصرفه فـ الكيككات الجامدة والـDownshift أيه؟؟!!!
حاجات زى سرعة النقل، واستهلاك الوقود..etc

Regards،

**A.Adel** · 06-05-2012 11:58 PM

المشاركة الأصلية كتبت بواسطة formulator

هو للأسف ان مفيش data واضحة عن أداء الأسترا،
معرفش يمكن عشان بتنزل Vauxhall فـ انجلترا، وSaturn فـ استراليا...etc
فـ فيه اختلاف كبير بين الأرقام (الأسترا تربو 180 حصان فـ مصر من 0-100 فـ 9.2 ثانية.. وفـ UK وألمانيا فـ 8.5 ثانية).. بنفس الفتيس وكل حاجة..؟!!

يعنى الأسترا Touring الأستيشن من 0-100 فـ 12.3 ثانية، والأسترا بالفتيس المانيوال فـ 11.7 ثانية..؟؟؟!!
ياراجل دا حتى الـCompression بتاع الموتور فيه كلام؟!! فيه 10.5 وفيه 10.8؟؟؟!!

Whatever، أنا مش مختلف معاك.. بس فروق الأداء الـacclaimed (النظرية) لا تذكر..

الموتور غالبا 10.8 لانه زي موتور ال chevrolet sonic
و رقم ال acceleration بتاعها غالبا هيبقى ال 13.3 عشان ال sonic
اللي هي أكيد اخف منها بـبتاع 200 kg , بتجيب ال 100 في 11.7
بيتهيألي فرق الوزن يعمل فرق الثانية و نص دول

**A.Adel** · 07-05-2012 12:11 AM

المشاركة الأصلية كتبت بواسطة formulator

الـ3 حاجات دول بقى مانقدرش نحكم عليهم (ولا حتى عـ الورق)؟؟!!!
لأن بيتحكم فيهم عوامل كتييييييييير، زى الـGear-Ratio بتاع الفتيس.. الـAero والـTune بتاع الـECU وكده.
دى حاجات تبان فـ الـReal-Life فـ الشارع وعـ الطريق..
يعنى: فين أرقام الأداء بتاع الـMid-Range من 80-120، ومن 120-160 (قولنا ان ممكن الستروين تطلع فـ الأول لكن الأوبل هتجيبها وتطلع فـ الرينج ده).. مثلا.

+111111111
ده كله كلام على الورق و عموما الإتنين الفرق بينهم قليل
بس مظنش إن ال استرا هتعدي حتى في ال mid range , هي ممكن تقرب بس في ال high range ال c4 هتفرق تاني :)

**dede_dodo88** · 07-05-2012 01:15 AM

المشاركة الأصلية كتبت بواسطة ahmed-adel

+111111111
ده كله كلام على الورق و عموما الإتنين الفرق بينهم قليل
بس مظنش إن ال استرا هتعدي حتى في ال mid range , هي ممكن تقرب بس في ال high range ال c4 هتفرق تاني :)

lol
بجد أنا حاسس أن الموضوع قلب لأنهي عربية تكسب لو نزلوا سباق -إلا لو فعلاً صاحب الموضوع بيدور على عربية سباق-!! :)
كل الاحصائيات اللي اتقالت جميلة و معلومات مفيدة, لكن مع أحترامي الشديد, هي متفرقش بالدرجة الكبيرة لواحد بيستخدم العربية الأستخدام اليومي الطبيعي.
العربيتين جامدين جداً, و الفروق بينهم بسيطة جداً, يعني تقريباً مش هيتحس بيها على طرقنا. الفرق بجد هو أنت مستريح لأنهي عربية و أنهي توكيل..
أحنا من الأخر بنتكلم على عربيتين من أعرق شركات العربيات في العالم..