الموضوع: استلام رينو داستر - تقرير محايد

المشاركة الأصلية كتبت بواسطة beeronasr

بيبو باشا - منور الدنيا و الله.
الزنة زى ما انت بتقول كدة بس يزيد عليها كمان ان الموضوع دة بيحصل برضو فى عز الحر و بالذات لو التكييف شغال (ببقى سامع صوت العربية كويس اوى بدون تأثير من اصوات الشارع) و بالتالى الزنة دى عندى ما بين التوقف و الاول "لو فى اشارة مثلا لما تبدأ ترفع رجلك من الدبرياج و تنزل سنة بنزين" و كمان بين الاول و التانى و بعد كدة كل النقلات تمام و صوتها طبيعى - بصراحة حاسس انها حاجة مش طبيعية شوية و خاصة انى موسوس فى موضوع الاصوات.
علشان كدة حبيت اسأل رغم طمأنة عمال الصيانة لية ان السيور تمام و مافيش مشاكل.
و السلام.

اعتقد الموضوع عندك زيادة عن اللى بيحصل معايا وافضل ان التوكيل يكشف عليها كويس بس لازم ترخم علشان هنا في مصر مفيش توكيل بيعملك اللى انت عاوزة من غير ماترخم الاول
انا عندي فرامل اليد بتعمل صوت عالى من العجل اللى ورا لما باجى انزلها وقولتلهم عليه فى صيانة ال 5000 كلم ولقيته لسة موجود وفى صيانة ال 10000 لو محلوش المشكلة دى هنزعل من بعض وهي مشكلة بسيطة ممكن تخلص بشوية شحم بس هانعمل ايه فى توكيلات بلدنا