استلام رينو داستر - تقرير محايد

**mokh21** · 01-06-2012 12:55 AM

المشاركة الأصلية كتبت بواسطة beeronasr

تيجى بألف سلامة ان شاء اللة - و البلد مشوارها طويل بس ربنا يهدى الجميع و الوضع الفترة اللى جاية فى تحسن ان شاء اللة.
و ابقى اعمل مشوار جينز كار بدرى علشان لازم حجز دلوقتى.
و الف مبروك عليك ان شاء اللة.:b4_007:

الله يسلمك ويصلح حالك يارب بس إيه حكاية الحجز عند جينز كار يعني المفروض أحجز قبلها بكام يوم مثلا ولا اعمل إيه وخصوصا اني من الصعيد مش من القاهرة

**beeronasr** · 01-06-2012 01:42 AM

يعنى لما انا روحت يوم الخميس قالى ان اقرب ميعاد هو الاتنين - سيبت عربون و سافرت الغردقة و لسة ماروحتش القاهرة علشان اركبة ان شاء اللة

**mokh21** · 01-06-2012 03:34 PM

ترجع بالسلامة ان شاء الله ويمكن لو حظي كويس نتقابل في جينز كار ان شاء الله

**beeronasr** · 02-06-2012 11:41 PM

المشاركة الأصلية كتبت بواسطة mokh21

ترجع بالسلامة ان شاء الله ويمكن لو حظي كويس نتقابل في جينز كار ان شاء الله

ان شاء اللة - بس ابقى عرفنا لما تستلم و ممكن نتقابل هناك

**mokh21** · 13-06-2012 01:47 AM

حبيبي أنا الحمد لله استلمت السيارة بس فيه حاجه قلقاني شويه قولت أسالك أنا ملاحظ ان الصوت عالي شويه تاني حاجه بعد ما مشيت بيها حوالي ١٢٠ كيلو علي سرعة ٦٠ مش اكتر لاحظت ان عداد الضغط بيوصل لفوق ٣ مع ان سرعتي مش اكتر من ٤٠ بس الكلام ده مش من اول ما ركبتها لا ده بعد ١٢٠ كيلو هل ده طبيعي ولا مش طبيعي وآسف اني هتعبك معايا

**gogo2012** · 13-06-2012 01:41 PM

المشاركة الأصلية كتبت بواسطة mokh21

حبيبي أنا الحمد لله استلمت السيارة بس فيه حاجه قلقاني شويه قولت أسالك أنا ملاحظ ان الصوت عالي شويه تاني حاجه بعد ما مشيت بيها حوالي ١٢٠ كيلو علي سرعة ٦٠ مش اكتر لاحظت ان عداد الضغط بيوصل لفوق ٣ مع ان سرعتي مش اكتر من ٤٠ بس الكلام ده مش من اول ما ركبتها لا ده بعد ١٢٠ كيلو هل ده طبيعي ولا مش طبيعي وآسف اني هتعبك معايا

الف مبروك على السياره
السرعه ممكن فى الرحله الاولى 1000ك ماتتعداش 90 ويكون عداد الماتور على3.5 حاول تظبت نقل السرعات على كده وظبت ضغط العجل ما تنساش لانهم بيضغطوه زياده
بالنسبه للصوت هل مصدره من الداخل او من الخارج يعنى لما بتقفل الزجاج بتسمعه؟
ياريت نعرف اخبارك بالخير ديما
سلام

**mokh21** · 13-06-2012 02:31 PM

المشاركة الأصلية كتبت بواسطة gogo2012

الف مبروك على السياره
السرعه ممكن فى الرحله الاولى 1000ك ماتتعداش 90 ويكون عداد الماتور على3.5 حاول تظبت نقل السرعات على كده وظبت ضغط العجل ما تنساش لانهم بيضغطوه زياده
بالنسبه للصوت هل مصدره من الداخل او من الخارج يعنى لما بتقفل الزجاج بتسمعه؟
ياريت نعرف اخبارك بالخير ديما
سلام

الله يبارك فيك
بالنسبة للصوت من بره وانا فاتح الزجاج حاسس ان الصوت عالي شويه بالنسبة للسرعه انا اقصى حاجه وصلت ليها ٨٠ وكنت ماشي على الخامسً وكان ضغط الماكينة على ٣.٠٠ بس وانا قافل الزجاج مش سامع الصوت هو على فكره الآمانه تقتضي اني ااقول يمكن يكون العيب من عندي انا علشان انا السيارة القديمة اكسبلورر اتوماتيك علشان كده يعتبر اول مرة اسوق سيارة بنزين جير عادي سوقت سيارة دبل كابينة ايسوزوا جير عادي ديزل لكن بنزين دي اول مرة اسوقها على العموم ربنا يسترها واسمح لي اي ملاحظة تظهر عندي أسألكم عليها معليش بقي ربنا يخلينا لبعض دائماً يارب

**gogo2012** · 15-06-2012 02:16 AM

الفيديو ده اهداء ليك شوف ازاى التحكم فى السياره عالى جدا اكنها سياره سيدان
http://www.nilemotors.net/Nile/278262-a-2.html
بالنسبه للصوت الاختلاف الوحيد انى بحس بصوت الماتور فى بدايه التشغيل اذا كانت السياره بارده وبيكون لمده تقريبا 15 ث بعدها بينزل مؤشر الار بي ام لمعدل التشغيل الطبيعى والصوت يكاد يختفى
انتظر مرور 1000ك وهتحس بفارق

**mokh21** · 16-06-2012 02:55 AM

المشاركة الأصلية كتبت بواسطة gogo2012

الفيديو ده اهداء ليك شوف ازاى التحكم فى السياره عالى جدا اكنها سياره سيدان
http://www.nilemotors.net/nile/278262-a-2.html
بالنسبه للصوت الاختلاف الوحيد انى بحس بصوت الماتور فى بدايه التشغيل اذا كانت السياره بارده وبيكون لمده تقريبا 15 ث بعدها بينزل مؤشر الار بي ام لمعدل التشغيل الطبيعى والصوت يكاد يختفى
انتظر مرور 1000ك وهتحس بفارق

مشكور اهدائك دائماً تعبينك معانا ربنا يحرسك ويحميك
بس ممكن اعرف هو إيه المعدل الطبيعي لمؤشر الآر بي ام بالنسبة للسرعة والنقلات بمعني مثلا لما اكون على سرعة ١٢٠ المفروض اكون على الخامس او السادس في الحالة دي مؤشر الآر بي ام المفروض يكون على كام وانا طبعا مش نوصل للسرعة دي غير بعد ال ١٠٠٠ كيلو حسب نصيحتك لي بس هو مجرد سؤال احترازي ومشكور مقدما