الموضوع: استلام رينو داستر - تقرير محايد

المشاركة الأصلية كتبت بواسطة مدحت البلبيسى

هل قطع غيارها زى اللوجان انا سمعت كدة يعنى لوحصل حاجة تنفع قطع غيار اللوجان واصلا قطع غيار اللوجان متوفرة ولا لاانا محتار بينها والنترا2012 وكيا سول انصحونى لانى بجد مقتنع بيها 90% انا تعبتكم معايا معلش بس انتوا عارفين ومجربين قرار الشراء مش سهل جزاكم الله خيرا عنا

أعتقد قطع غيار للموتور و سيورة و خلافة دى زى بتاعة اللوجان و اكيد متوفرة لان اللوجان دلوقتى منتشرة جدا و صدقنى حتى الداستر دلوقتى بدأ انتشارها يظهر بشكل ملحوظ و انا فى القاهرة و الغردقة بدأت اشوفها اكتر من اللى متعودينة منها و استاذ بيبو قال انة شافها كتير فى الاسكندرية و بصراحة دى حاجة تفرح ملاكها لانة كل ما العربية تنتشر كل ما قطع غيارها تزيد - لكن بالنسبة لحيرتك بين العربيات دى اولا اذواق - ثانيا انت عاوز سيدان ولا 4x4 ولا cross over لانك حاطط الثلاث فئات مع بعضهم - انا استبعدت الالنترا لانها سيدان وانا كنت عاوز اركب عالى - و استبعدت الكيا سول لانها اصغر كتير من الداستر - نصيحتى ليك: ارجع لراحتك النفسية لانك انت اللى هتركب و علشان انت تبقى مبسوط بيها. التلات عربيات حلوين بصراحة.

المشاركة الأصلية كتبت بواسطة bebo2000

الفروق بين الدفع الرباعي والثنائي:-

1- تصفيح اسفل السيارة
2- الاستبن داخل الشنطة في الدفع الرباعي وحواليه اماكن لتخزين العدد وخلافه ( الدفع الثنائي الاستبن اسفل السيارة )
3- الكشافات في الدفع الرباعي بتبقى سبور ( سوداء وبعدسات ) الثنائي عادية ( نيكل )
4- الرباعي 6 غيار خلاف المارش ( الثنائي 5 كالمعتاد )
5- الرباعي عفشة خلفية نيسان اكس تريل ( مالتي لينك ) بالاضافة الى الزرار بتاع التحكم في الدفع ( ثنائي - رباعي - اوتو ) الثنائي عفشة تورشين بيم ( قنطرة )
6- الثنائي السرعة القصوى اعلى من الرباعى وبرضه من صفر الى 100 اسرع ( الرباعى اتقل ب 100 كيلوجرام )
7- استهلاك البنزين في الرباعي ازيد وخصوصا لو شغلت الدفع الرباعي

يا سلام يا كابتن بيبو يا كبييييييير

المشاركة الأصلية كتبت بواسطة mokh21

معنى كده ان التانك يعمل تقريبا متوسط ٥٠٠ كيلو متر

و اكتر من 500 على اعتبار ان متوسط استهلاك البنزين من 8.2 الى 9.5 فى متوسط الاستهلاك العادى

المشاركة الأصلية كتبت بواسطة mokh21

بصراحه حاجه تفرح وتوفر كمان بس إحنا بردوا مش هننسى انك وعدتنا تنزل صور سيارتك ربنا يبارك لك فيها على فكرة انا سيارتي وصلت المعرض خلاص وهستلمها الاسبوع القادم انا كنت محتار بين الاسود والنحاسي واللي وصلت الاسود ان شاء الله لما استلمها هبقي انزل صورها

الف مليون مبروك وربنا يديلك خيرها و يكفيك شرها و سل طريقنا جميعا ان شاء اللة.
الصور مش ناسيها واللة بس فية سببين: الاول انى من ساعة ما جيت الغردق و انا مشغول جدا
التانى انى نسيت الكاميرا فى القاهرة و لما ارج اول عشر ايام فى يونية هصوها ان شاء اللة
اللى مش معلن بقى و بينى و بينك انى سيبت العربون لجينس كار و مركبتش حاجة و اشتريت المسند و سيبتة فة شنطة العربية - علشان كدة حابب انى اصورها بعد الفرش و المسند ان شاء اللة.
اللون الاسود جميل و لة هيبتة و بعد ما كنت حاجزة - غيرت للاسف للفضى لانة عملة شوية - الاسود اجمل بس عاوز العربية تتغسل كل يوم و مش عاوز اى خدوش فى الصاج - بس لون جميل ربنا يباركلك فيها و الف مبروك مقدما.:b4_033: