الموضوع: أية اللي جري للمصريين

كلام كتير
وشايف معظمه فضفضه

بس عجبني اوى كلامك يا كريم
وانا زيك بحبها مش بمزاجي
دي بلدي وبلدك وبلد كل واحد هنا
بس المشكلة يا كريم هعرضهالك في تشبيه

تصور ان اقرب الناس ليك باعك (حتى لو غصب عنه) هيكون احساسك ايه ؟
مهو الي مزود الاحساس الي مش عارف اوصفه الي جوانا كلنا ده اننا كلنا وطنيين
كلنا بنحبها .. بالرغم من الملل والقرف والغلاء وكل حاجه ..
بتسمع اغنية مممممم ممكن نقول انها وطنية زي ما شربتش من نيلها
تضحكككككككككككككككككككككك
وتقول نيلها ايه بس الي مليان بلاوي ..
ومع ذلك جواك حاجه بتقول اااااااه شربت
اااااااه تعبت
اااااااه حبتها
بلدنا جميلة
والناس طيبة "الاغلبية"

بس كلنا عارفين المشكلة فين :)

وبعدين بقه لو حد ممكن يضايق اوى كده يبقى اهل بورسعيد
لان البلد دي حقيقي بتدخل فلوس رهيبةةةةةةةةةةةةةةةةةة للبلد ومفيش اي استفاده للناس هنا
بل بالعكس .. المنطقة الحرة واثرها على التجار يقطع القلب
مع ان البلد دي لو كلكو شوفتوا وضعها على الخريطة هتعرفوا انها ممكن تبقى دولةةةةةةةة
فيها كل الموارد واكتفاء ذاتي :)
مش عايز اطول

باختصار كده

بحبها .. وعشان كده عايز امشي قبل ما صورتها تبقى وحشة اكتر من كده في عيني
تحياتي

الي sh23 :
صدقني حاسس بيها وبكل اللي فيها ... انا اقصد ان الناس اللي ما بتراعيش حقوق غيرها ..... غياب التنظيم بين الناس ...... الناس اللي ماباتش طايقة هدومها حتي ... كل واحد ماشي يتخانق مع دبان وشه ... انك ما تعرفش تطلع محاضرتك من كتر الناس اللي قاعدة علي السلم .... ولو طلعت ....... بعد ماتخرج ماتلاقيش مكان تقعد فيه .....نعتبر اليوم خلص علي خير ... انك تقف والشمس بتسيح في دماغك قول نص ساعة لما ربنا يكرمك وتلاقي حاجة تروح فيها .. قول الحمد لله .. ولما يجيلك امتحان نهاية الترم فيه مسائل رياضية لا يمكن تتحل .. لسبب واحد وهو انها غلط ..
ولما تطلب من دكتور المادة التصحيح تبقي غلطت في الذات الملكية ... ويقعد يزعق في وسط اللجنة كانها الخيانة العظمي.......
انا لم اقصد غير ذلك في السؤال ......... ايه رايك من اللي مش حاسس ؟؟؟

المشاركة الأصلية كتبت بواسطة misho2mimy

الي sh23 :
صدقني حاسس بيها وبكل اللي فيها ... انا اقصد ان الناس اللي ما بتراعيش حقوق غيرها ..... غياب التنظيم بين الناس ...... الناس اللي ماباتش طايقة هدومها حتي ... كل واحد ماشي يتخانق مع دبان وشه ... ( 1 )انك ما تعرفش تطلع محاضرتك من كتر الناس اللي قاعدة علي السلم .... ولو طلعت ....... بعد ماتخرج ماتلاقيش مكان تقعد فيه .....نعتبر اليوم خلص علي خير ... انك تقف والشمس بتسيح في دماغك قول نص ساعة لما ربنا يكرمك وتلاقي حاجة تروح فيها .. قول الحمد لله .. ولما يجيلك امتحان نهاية الترم فيه مسائل رياضية لا يمكن تتحل .. لسبب واحد وهو انها غلط ..
ولما تطلب من دكتور المادة التصحيح تبقي غلطت في الذات الملكية ... ويقعد يزعق في وسط اللجنة كانها الخيانة العظمي.......
(2) انا لم اقصد غير ذلك في السؤال ......... ايه رايك من اللي مش حاسس ؟؟؟

=======================
(1) من كلامك واضح أنك لسة طالب ؛ يعني لسة ما شفتش الدنيا علي حقيقتها
(2) رداً علي سؤالك ((من اللي مش حاسس )) ؛؛ يا أخي الفاضل ماذا تقول لو رأيت حال البلد مثلما آراه
=========
* أخي الفاضل لقد قمت بفتح هذا الموضوع تحت أسم (أيه اللي جري للمصريين ) بسبب ما وجدتة في توقيعات بعض الزملاء والتي تنضح باليأس من حال البلد .
* أخي الفاضل أن هدفي من هذا الموضوع أن تتاح الفرصة لنا جميعاً للفضفضة والأعتراف بمشاكلنا ( التي نحن السبب فيها ) ؛ حيث أن الأعتراف بالمشكلة هو أول خطوه في طريق الحل
* أخي الفاضل سواء كنت طالب /موظف / وزير / خفير / ...... ؛ فأنت أحد الأفراد الذين يشكلون نسيج هذا المحتمع
* أخي الفاضل في جميع الأحوال فكل منا (أنا وأنت والجميع ) نمثل جزء من مشكلة هذا البلد ... وبالتالي فكل منا (أنا وأنت والجميع ) نمثل جزء من بداية حل تلك المشكلة.
****** لذلك هذة دعوتي للجميع ******
يلا بينا كل واحد يبدء بنفسة
يلا بينا نزرع الأمل ف قلوب ولادنا
وليسمح لي أحد الزملاء بأقتباس جزء من توقيعه والذي يقول فية
*** أحلي هندسة ف التاريخ ..... أنك تبني جسر من الأمل فوق نهر من اليأس***
وعلي فكرة حال بلدنا (اللي أحنا سبب فية ) لم يصل إلي درجة اليأس
والله العظيم البلد لسة فيها ناس شغاله بذمة وقلبها علي البلد والله علي ما أقول شهيد

المشاركة الأصلية كتبت بواسطة tutankhamoun

..
و لما كل ده يحصلي كل يوم ........... الناس عاوزاني أحب العيشة ليه ؟؟؟
يعني كمان مستكترين علينا الشكوى من الأوضاع المرة و المحزنة ....... شئ غريب و الله

*********
فضفض براحتك

المشاركة الأصلية كتبت بواسطة tutankhamoun

..
على فكرة حب البلد مش بالكلام لوحده
أنا و الحمد لله .......... أشتري منتجاتي و أغلبها "" صنع في مصر ""
أليس هذا عمل أفضل من الذين يتكلمون فقط عن حب البلد

*******
بكدة تكون بدأت بنفسك

المشاركة الأصلية كتبت بواسطة tutankhamoun

... مصر ليست بلد مقدسة ........... و لا شعبها شعب مقدس
و الحياة في أي مكان أخر على وجه الكرة الأرضية ليس حرام

***********
تراب البلد يجب أن يكون مقدس ... وتبذل في سبيل الدفاع عنة الأرواح
الشعب بشر ولا تقديس للبشر
الحياة في أي بلد آخر ليست حرام
لكن الهروب من المشاكل معناة اليأس وبطبيعتي أرفض اليأس .. وكذلك أرفض الهروب
*******
أستاذ توت ... هل تذكر قول رسول الله ( صلي الله عليه وسلم ) عن شعب مصر
((( خيرُ أجناد الأرض ))) وطبعاً لايجوز أن نكون كذلك ونهرب من مشكلاتنا
*******
أين نحن الأن من هذا القول ؛؛
*********
أخي الفاضل ما زال هناك أمل... فليبدء كل منا بنفسه