أية اللي جري للمصريين

**tutankhamoun** · 17-06-2008 07:21 PM

الأستاذ mytutor2008

ياريت رد حضرتك ... يكون أحسن من كدا لأني حاسس أولا أني بأخد أوامر
ثانيا أنا مش بتفلسف ...... و مش بدعي بالكدب على المصريين
و مش بألف من دماغي و أكتب كلام مش حقيقي

و بعدين أنت ما عيشتيش معايا علشان تقولي أبدأ بنفسك أو ما تبدأش بنفسك

إن كنت أنت شايف إن فيه أمل ....... خلاص خليك فيها
و أنا شايف إن مفيش فايدة في الناس ............ و ده رأيي
و أختلاف الرأي لا يفسد للود قضية
بالمناسبة

الناس على أيام مصطفى كامل كانوا طيبين
و الموضوع ملوش دعوة بالتعليم خالص .......... الأخلاق كانت موجودة أيامه

**tutankhamoun** · 17-06-2008 07:27 PM

لما كل سواق عامل فيها ناصح ........... و يكسر عليا
لما كل بني آدم عامل فيها فهلوي و ييجي من جنب الطابور علشان يمشي قبل الناس اللي واقفة ( ده لو كان فيه طابور من أساسه )
لما أروح أخلص أي ورق في مصلحة حكومية و يطلعي عيني و عين اللي جابوني
لما أروح أي حتة و لازم أدفع المعلوم علشان الدنيا تمشي
لما يكون ورقي سليم في كل مكان و برضه ما يمشيش علشان المعلوم مطلعش
لما جيراني يرموا زبالة قدام بيتي
لما جاري يركن زي الأعمى عربيته و يزنقني
لما الناس تشتمك لو حاولت تظبط طابور و كله يقولك خليك في حالك يا .....

و لما كل ده يحصلي كل يوم ........... الناس عاوزاني أحب العيشة ليه ؟؟؟
يعني كمان مستكترين علينا الشكوى من الأوضاع المرة و المحزنة ....... شئ غريب و الله

على فكرة حب البلد مش بالكلام لوحده
أنا و الحمد لله .......... أشتري منتجاتي و أغلبها "" صنع في مصر ""
أليس هذا عمل أفضل من الذين يتكلمون فقط عن حب البلد
مصر ليست بلد مقدسة ........... و لا شعبها شعب مقدس
و الحياة في أي مكان أخر على وجه الكرة الأرضية ليس حرام

عموما ............. أحنا مازلنا في ج.ع.ع و شكرا على حسن إستماعكم

----------------------
بمناسبة التعميم يا أستاذ / mytutor2008

أدام أغلب المجتمع فيه صفة معينة ,.... يبقى التعميم يجوز
يعني لما نقول مصر من دول العالم الثالث ده معناه إن الغالب عليها هو العالم الثالث
لما نقول اليابان أو فرنسا مثلا من دول العالم الأول يبقى الغالب عليهم العالم الأول

التعميم يجوز في حالات الأغلبية

**Fouad Ezz** · 17-06-2008 07:37 PM

المشاركة الأصلية كتبت بواسطة tutankhamoun

الأستاذ mytutor2008

ياريت رد حضرتك ... يكون أحسن من كدا لأني حاسس أولا أني بأخد أوامر

يا أخي .... لا سمح الله لا أوامر ولا حاجة (اسف إن كنت انت حسيت شيئ لم أقصد الإيحاء به)
انا كلامي بصفه عامة وليس تعليق علي كلامك انت بالذات رغم ان كلامك فيه بعض المبالغات!!!!
إستني ....
كل كلامك عن العيوب والغوغائية صحيح مائة بالمائة .... وانا معاك في كل اللي قولته في المشاركة الأخيرة .... بس مش معني كدة ان الكل (مهلبيه!!) في كتير مهلبية والباقي (كاسترد) يعني ننوع شوية .....
واضح من كلامك انك تحب البلد أكتر مني (والله جد)
وإلا ماكنتش تبقي مفروس كدة ......
خلاصة الكلام ... ليس الكل مهلبية (بدليل ان في ناس كتير محترمين علي الأقل مش راضيين بالمهلبية)
وفقدان الأمل والنداء به .... لن يفيد ....
مفيش زعل؟

**Fouad Ezz** · 17-06-2008 07:43 PM

المشاركة الأصلية كتبت بواسطة tutankhamoun

يعني كمان مستكترين علينا الشكوى من الأوضاع المرة و المحزنة ....... شئ غريب و الله

على فكرة حب البلد مش بالكلام لوحده
أنا و الحمد لله .......... أشتري منتجاتي و أغلبها "" صنع في مصر ""
أليس هذا عمل أفضل من الذين يتكلمون فقط عن حب البلد
مصر ليست بلد مقدسة ........... و لا شعبها شعب مقدس
و الحياة في أي مكان أخر على وجه الكرة الأرضية ليس حرام

عموما ............. أحنا مازلنا في ج.ع.ع و شكرا على حسن إستماعكم

مفيش حد طلب من حد انه بفضل في البلد ... انا نفسي بره البلد ... وجودي أو وجودك جواها او براها لن يفيد او ينقص...
إحنا بنتكلم علي محاولة الإصلاح وكيفية الإصلاح ....
وبمناسبة التعمييم :
مازالت كلمة (كل) خطأ

**ahmed1981** · 17-06-2008 10:41 PM

المشاركة الأصلية كتبت بواسطة mytutor2008

وبمناسبة التعمييم :
مازالت كلمة (كل) خطأ

تمام الكلام
وأنا معاك

**Fouad Ezz** · 17-06-2008 10:49 PM

المشاركة الأصلية كتبت بواسطة ahmed1981

تمام الكلام
وأنا معاك

يشرفني أنك معايا في الرأي يا باش مهندس

**MoToRiZeR** · 18-06-2008 12:24 AM

المشاركة الأصلية كتبت بواسطة tutankhamoun

و الأخ مصطفى كامل اللي قال
لو لم أكن مصريا لا وددت أن اكون مصريا

لم يكن ليقولها لو عاش في وقتنا هذا و مع هؤلاء القوم

مفيش فايدة .......... مفيش فايدة ........... مفيش فايدة ............ مفيش فايدة

ج . ع . ع هاي هيئ

مصطفي كامل كان عايش في باريس وكانت مراته بتصرف عليه

يعني زي كدة اما محمد الفايد دلوقت يقول لو لم اكن مصريا لوددت ان اكون مصريا .. زي قلتها و ملهاش طعم

**misho2mimy** · 18-06-2008 09:35 AM

يا جماعة انتوا بتقولوا كلام زي الفل ........ بس عندي سؤال :

فين البلد اللي احنا بنتكلم عنها دي ؟؟؟؟؟؟؟؟
ارجوكم محتاج اجابة ضروري !!!!!!!!!!!!

**sh23** · 18-06-2008 06:02 PM

المشاركة الأصلية كتبت بواسطة misho2mimy

يا جماعة انتوا بتقولوا كلام زي الفل ........ بس عندي سؤال :

فين البلد اللي احنا بنتكلم عنها دي ؟؟؟؟؟؟؟؟
ارجوكم محتاج اجابة ضروري !!!!!!!!!!!!

=======
البلد اللي سيادتك عايش فيها ... وعلي ما يبدو مش حاسس بيها

**sh23** · 18-06-2008 06:15 PM

المشاركة الأصلية كتبت بواسطة tutankhamoun

(1 ) عموما ............. أحنا مازلنا في ج.ع.ع و شكرا على حسن إستماعكم

----------------------

(2)التعميم يجوز في حالات الأغلبية

============================
(1) ما دمت لسه عايش فيها يبقي لسه شايف أن مازال هناك أمل
(2) ما دام هناك أغلبية(( ج . ع . ع )) & فبالتأكيد هناك أقلية (( ج . أ . ب )).... يعني برضة لسه الأمل موجود
ملحوظه : ج . أ . ب = جمهورية الأمل ف بكرة

الموضوع: أية اللي جري للمصريين

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

لنا الله .... ولا عزاء للمصريين

سؤال و محيرني للمصريين

للمصريين وللجزائريين لكم هذا (رائع)

شوف اللى حصل للمصريين الا فى الخارج

حمام سباحة للمصريين الغلابة !

الكلمات الدلالية لهذا الموضوع

المفضلات

المفضلات

ضوابط المشاركة