الموضوع: أية اللي جري للمصريين

لا وألف لا للهجرة
نعم للإصلاح
ولو على الأقل كل فرد يحاول الإصلاح في أسرته

انا شايف انه الواقع و التفكير العملي بيقول انه الافضل هي الهجرة ...
و هو ده القرار الاصح من وجهة نظري.
بغض النظر بقي عن المشاعر و الاحباب.
البلد عبارة عن الناس اللي عايشة فيها...مش مجرد مكان ولا هوا النيل و لا منظر جميل.
ماهي كلها ارض الله و ارض الله كلها جميلة...وكل بلد ليها جمالها...بل و اقولك كمان ان معظم بلاد اوروبا و اسيا و حتي استراليا عندها من الطبيعة نماذج رائعة .
مش عشان الدول العربية فيها تخلف و بيكرهوا او يطهدوا المصريين حتي ابقي خلاص اقعد مكاني و اقول بلدي احسن.
ده يبقي عيب في البلاد دى...بس مش معني كده ان بلدي بقي تبقي احسن حاجة.
في دول كتير فيها مجتمعات جديدة و بتتقبل الهجرة بشكل طبيعي و عادي و بدون اي مشاكل للمهاجر اليها...اعتقد زي استراليا و نيوزيلندا و كندا.
علي الاقل الانسان في الدول دي يحس بآدميته...بأنه انسان له احترامه و له كيانه.
بصراحة الواحد دايما بيحس باشمئزاز من حال الناس في البلد دي... و هو ده الشعور اللي بيبقي مرسوم علي ملامحي لما بشوف حال الناس و الابداع في امتهان كرامة المواطن المصري.
الهجرة فعلا هي الحل لمن يملك المؤهلات...و لمن لايستطيع التكيف مع الوضع الحالي للبلد...الوضع اللي من سئ الي اسوأ دائما..
علي الاقل اولادي ياكلوا اكل مافهوش اشعاعات ولا مواد مسرطنة ولا معدل وراثيا و لا لبن بودرة سيراميك...يشموا هوا نضيف مفهوش بلاوي زرقة و رصاص يجيبلهم تخلف عقلي و دخان حرق قش رز معرفش منين...و لا يتعلموا عدل و يطلعوا منتجين و مبدعين مش عندهم امراض نفسية و عقد من المعاملة.

* زي ما كثير من الأخوة قالوا المشكلة مش في البلد ( الأرض ) المشكلة في الناس
* مهما رحت هتلاقي مصريين ف كل بلاد الله
* ومن تجارب العديد من الأصدقاء اللي سافروا ( أ نا ما خرجتش برة مصر ) أن المعاملة بين المصريين ف الخارج أسواء من معاملتهم مع الجنسيات الأخري .
* مشكلة المصري أنة ما بيحترمش حق الغير
*مشكلة المصري تتلخص في كلمتين (أشمعني ----- معلهش )
الكلمتين دول لو أختفوا من قاموس المصري حالنا هيبقي أحسن
* طبعاً في مشاكل تانية ممكن نلخصها في جملة بسيطة "" من لا يملك أعطي من لا يستحق ""
والله الحل مش مستحيل
* كل واحد يبدء بنفسة
* نزرع الأمل ف قلوب ولادنا
* نشطب كلة أشمعني وكلمة معلهش من قاموسنا
* لا نعطي لأي حد أكثر مما يستحق وبشرط أن نكون نملك ما نعطية
يا ريت كل واحد عندة فكره أزاي أننا نكون أحسن ونخلي بلدنا أحسن يقولها
ياريت نتعلم قبل ما نقول المشكلة نحاول نقترح الحل

الأخوة دعاة الإصلاح
ما هي كيفية هذا الإصلاح ؟؟؟
أن أكون مثل الأهبل في مجموعة من الناس و أحاول أن أقف طابور مع أن كل من حولي لا يفهمون و لا يريدون و لا يسمعون عن هذه الكلمة .......... طابور = حق من وصل قبلك لتخليص أموره قبلك
لاءة ..... مبدأ المصري ............ ازاي أخلص و أخرج أول واحد بغض النظر عن من سبقني
**
مصري في محل في لندن ....... حاول أن يفعل ذلك ..... و تتخيلون ماذا حدث له ؟؟
**

أن أكون أنا الوحيد الذي يقود سيارته في حارته و الكل بيزنق عليا ؟

اللي يعيش في مصر و يحب أن يخالف ما يفعلون ** مثلي ** يبقى بيموت نفسه
لأني لازم أبقى متخلف زيهم و إلا سيكون حالي مثل الذي يسبح عكس التيار
لازم أخانق في الطابور علشان حقي "" مش علشان أسلب غيري حقه ""
الهجرة ليست حرام ............
ارض الله واسعة
...............رحمة الله عليه ....... سعد زغلول عندما فقد الأمل في هذا الشعب .....
قال لزوجته
غطيني و صوتي يا صفية ............ مفيش فايدة (( شكرا أكسبرت باشا و هذا كان أقتباس من توقيعه الذي أعجبني و أرفقته في توقيعي ))
يعني فيه ناس قرأت الشعب من زمان ............. زي سعد زغلول

و الأخ مصطفى كامل اللي قال
لو لم أكن مصريا لا وددت أن اكون مصريا

لم يكن ليقولها لو عاش في وقتنا هذا و مع هؤلاء القوم

البلد بترجع لورا .......... و الناس لازم تلاقي حد تلومه لأحوالها

بدل ما كل واحد يلم نفسه في السواقة و في حياته .......... يلوموا الحكومة
حكومة مين .......... الحكومة غلطتها الوحيدة هي عدم معاقبة المخطئين من الشعب و هم الأغلبية للآسف الشديد

يا جدعان أحنا شعب من شعوب دول العالم الثالث ........... و سنصبح كذلك إلى وقت بعيد حتى نُصلح من أنفسنا و نفهم أين مواقع الخلل في حياتنا
و إن لم نفعل ( و لن نفعل قريبا ) فسنظل هكذا ......... متخلفين و من دول العالم الثالث
دولتنا فيها 80 مليون بهلون ......... 80 مليون ناصح ........ 80 مليون دهنوا الهوا دوكو........80 مليون فهلوي ......... 80 مليون معلم

مفيش فايدة .......... مفيش فايدة ........... مفيش فايدة ............ مفيش فايدة

ج . ع . ع هاي هيئ

المشاركة الأصلية كتبت بواسطة tutankhamoun

الأخوة دعاة الإصلاح
ما هي كيفية هذا الإصلاح ؟؟؟

أولا: نبطل تشاؤم وفلسفة .... لا توجد كلمات مثل (شعب أهبل - شعب متخلف) ده إسمة إنهزامية .... الناس بتحلف بينا في كل مكان وإحنا غارقيين في جلد الذات!!!

لو لم أكن مصريا لا وددت أن اكون مصريا

لم يقل الزعيم مصطفي كامل هذة الكلمات أبدا ولم يكن ليقولها حتي لو عاش يومنا هذا ... كان يعيش ظروفا أحلك وسط شعب 90% منه من غير المتعلمين وماقالش دول متخلفيين ومش هايفهموا ... بدأ بنفسة وضحي بنفسة ... ياريته كان موجود بينا دلوقتي!!!
هو قال: (لو لم أكن مصريا لوددت أن أكون مصريا) وليس لا وددت

يا جدعان أحنا شعب من شعوب دول العالم الثالث ........... و سنصبح كذلك إلى وقت بعيد حتى نُصلح من أنفسنا و نفهم أين مواقع الخلل في حياتنا
و إن لم نفعل ( و لن نفعل قريبا ) فسنظل هكذا ......... متخلفين و من دول العالم الثالث

نعم نحن عالم ثالث ولكم لن نظل (متخلفيين) لو كل الشعوب قالت كده ماكانش بقه في حد نجح زي دول كتير بدون ذكر أسماؤها ... تحسب العيش فيها أوروبي وهم الحق (متخلفون)

دولتنا فيها 80 مليون بهلون ......... 80 مليون ناصح ........ 80 مليون دهنوا الهوا دوكو........80 مليون فهلوي ......... 80 مليون معلم

رغم إنك شكل مخنوق قوي (وكلنا كذلك) لكن انت تقع كثيرا في خطأ التعميم وهو أكبر خطا في التفكير (لا يوجد أبدا كلمة كل الناس هذا أو ذاك) (كل = خطأ)

مفيش فايدة .......... مفيش فايدة ........... مفيش فايدة ............ مفيش فايدة

الأمل موجود إبدأ بنفسك .....
الأمل موجود إبدأ بنفسك ....
الأمل موجود إبدأ بنفسك .....
الأمل موجود إبدأ بنفسك ......................................