أية اللي جري للمصريين

**Ahmed Samy** · 12-06-2008 06:22 PM

المشاركة الأصلية كتبت بواسطة AhmedAbdFat

انا فاكر كلمه للشيخ كشك رحمه الله

( الخروج من مصر الان كالتولى يوم الزحف )

تقيلة قوي ........ دي من السبع الموبقات يا راجل

أنا مش مقتنع ..... ايه وجه الشبه

قصدك حرب ضد الفساد ؟؟؟؟

هيا فين الحرب ؟؟؟

احنا لانستطيع محاربة الفساد لنهرب من الحرب

احنا بنهرب من النزلاق فيه و الوقوع في الحرام (السرقة و الرشوة و الظلم)

(ألم تكن أرض الله واسعة) الآية

**Ghamrawy** · 12-06-2008 07:00 PM

اللهم اضرب الظالمين بالظالمين
يوم الاثنين اللى فات راجع من الشغل بابص لقيت المراية الشمال مكسورة و مرمية على الارض جنب العربية
النهارده الخميس برضه بابص الاقى الباب اليمين و الرفرف الامامى اليمين مدعوكين لجوه !!!
و بعد كده تقولى أيه اللى جرى للمصريين !!! انهوا مصريين ؟؟؟ المصريين اللى تنطبق عليهم اغنية ياسمين الخيام (المصريين اهمه حيوية و عزم و همه ) و لا المصريين اللى تنطبق عليهم (المصريين اهمه غش و سرقة و قلة زمة) ؟؟؟؟!
ادعو الله من كل قلبى ان يرحمنا من اللى احنا فيه و بأى طريقة من الطرق علشان خلاص البلد دى مابقتش بتاعتنا و لازم نطلع من ارض الفساد قبل ما ربنا يخسف بيها الارض

**Ahmed Eraqy** · 12-06-2008 07:05 PM

المشاركة الأصلية كتبت بواسطة Ahmed Samy

قصدك حرب ضد الفساد ؟؟؟؟

هيا فين الحرب ؟؟؟

احنا لانستطيع محاربة الفساد لنهرب من الحرب

لأ احنا نستطيع

بس خايفين

ولا اخيفك سرا انا اكتر واحد عايز يهرب من الحرب ان شا الله حتى اروح موزمنبيق

بس صعبان عليا البلد اسبها ما هو لازم حد يصلح البلد ديه

الصراحة كلمة الشيخ كشك فى محلها

فى حرب صعبة قوى فى البلد ديه

حرب ضد الفساد

**Ahmed Samy** · 12-06-2008 07:09 PM

المشاركة الأصلية كتبت بواسطة AhmedAbdFat

السلام عليكم

أ احمد سامى tutankhamoun

قولتوا كل اللى جوايا

انا لسه جاى من بره و كنت فى مشوار و كنت عايز اركن فى منطقة عندنا اسمها الازاريطة و بعد لف و دوران اخيرا لقيت مكان

و جاى اركن بصيت لقيت العربية وقعت فى بلاعة مش متغطية مكنتش شايفها!!!
عايز اقولكم انا لسه مستلم العربية عامل بيها 300 كيلو اه والله وقعت فى بلاعة

مش عايز اقولكم الاحساس اللى جالى يمكن لو ساعتها كان فى ايدى علم مصر كنت ولعت فيه

ليه بيتعمل فينا كده مش كفاية الشوارع و سواقين الميكروباص و البنزين الغالى

و طبعا الشوارع الغير مؤهلة للاستخدام الحيوانى حتى

انا متأكد ان الشوارع فى بوركينافاسو احسن من هنا بكتييير

الصراحة لا هى بقت احسن بلد ولا اهلها بقوا احسن ناس ولا كل الكلام اللى بيتقال ده

انا عن نفسى عايز اقعد فى البيت ما نزلش منه اصلى كل ما بنزل بتعكنن

بس ايه الحل

الهجرة طاب وبعدين

الاجيال اللى جاية هتعمل ايه

حرااااااااام البلد صعبانة عليا

عندنا كل الامكانيات اللى تأهلنا ان نكون احسن بلد فى الدنيا

غاز بالهبل (طاقة)
قناة السويس- موقع استراتيجى (تجارة)
نهر النيل و طمى نهر النيل (زراعة)
كفاءات بشرية (كلها بتطلع بره)

الصراحة احنا لازم نعمل حاجة لازم نتحرك

انا فاكر كلمه للشيخ كشك رحمه الله

( الخروج من مصر الان كالتولى يوم الزحف )

المشاركة الأصلية كتبت بواسطة AhmedAbdFat

لأ احنا نستطيع

بس خايفين

ولا اخيفك سرا انا اكتر واحد عايز يهرب من الحرب ان شا الله حتى اروح موزمنبيق

بس صعبان عليا البلد اسبها ما هو لازم حد يصلح البلد ديه

الصراحة كلمة الشيخ كشك فى محلها

فى حرب صعبة قوى فى البلد ديه

حرب ضد الفساد

أنا سامعك ......
قوللي نستطيع ازاي ؟؟؟؟

هو معلقة عسل تغير طعم برميل مش ؟؟؟؟؟؟؟؟؟؟؟؟؟

**Fouad Ezz** · 12-06-2008 07:42 PM

طب انا باشتغل في السعودية (مش المانيا ولا أوروبا) والحياة هنا أنظف ميت مرة من الحياة في العاصمة (القاهرة) ومع ذلك عايز أرجع لمصر نهائيا ... لأنني على رأي عمرو دياب (عايش ومش عايش) حاسس إني مفتقد الروح
صدقوني لو عشت في قصر برة مصر بردو حتحن لمصر ... يبقي لازم نصلح مصر إزاي (ده لازم نفكر فية)

**3mr Farrag** · 12-06-2008 07:48 PM

استاذ mytutor نصيحه لوجه الله ...
اوعا تفكر بس.. انك ترجع....
والدي رجع من 10 سنين ....و ماقولكش
مش طايق يعيش هنا و عايز يسافر تاني
لو رجعت ابقي افتكر الكلمتين دول...

**Ahmed Eraqy** · 12-06-2008 07:50 PM

المشاركة الأصلية كتبت بواسطة Ahmed Samy

أنا سامعك ......
قوللي نستطيع ازاي ؟؟؟؟

هو معلقة عسل تغير طعم برميل مش ؟؟؟؟؟؟؟؟؟؟؟؟؟

الاستاذ احمد

اكيد حضرتك مش متوقع منى انى اقولك على الحل السحرى فى سطرين

ياريت نقعد نفكر كلنا مع بعض ازاى نغير الوضع

**Fouad Ezz** · 12-06-2008 11:38 PM

استاذ فرج:
انا متأكد من اللي إنت بتقولوه وعارف إني (يمكن) أندم وخاصة انا لسة بافتكر طوابير الناس علي مكاتب السفر ومئات الشباب اللي رمت بأنفسها في البحر
بس هل أستطيع أن أعيش طول عمري برة؟
ولو أنا إرتضيت بالحياة دي - هل لي الحق أن أفرض علي إبني الصغير يتربي في غربة وفي المدرسة يجروا وراه ويقولولة (يا مصري!!!) هل من حقي أن أحرمة من ذكريات طفولة مع أقران له يحبونة ويقدرونه ولا أفرض علية انه يعيش مع ناس يعايرونه بانة مصري؟
ولا أنزلة مصر و ادخلة مدرسة محترمة واعيشا انا في الغربة وأصبح أب بالمراسلة؟
في مصر الحياة صعبة جدا ولكن صدقني برة أصعب جدا لإعتبارات أخري!
وبرضوا انت عندك حق
انا الحيرة مش مخلياني أعرف أنام

**3mr Farrag** · 12-06-2008 11:55 PM

و الله حاسس بيك....
اهم حاجه تستخير ...و ان شاء الله خير
و برضوا لو هترجع ان شاء الله...
يبقي لازم تظبط شغل و حضرتك هناك...
لأنك لما تيجي هتلاقي موضوع الشغل صعب شويه...
و لو لقيت هتلاقي فرق جامد مرتبات السعوديه و المرتبات عندنا هنا

**Karim_Monir** · 13-06-2008 01:25 AM

قولتو كل سلبيات البلد دي
وما قولتش السلبيات اللي جواكم وجوايا
بصراحة انا جاتلي اكتر من فرصة للعمل برة
رفضت
يمكن بشتغل دلوقتي ومكفي عيالي بالعافية
بس عايش وسط اهلي واحبابي
والدتي مريضة وبينى وبينها 30 كم او ساعة ونص بالعربية بدون مبالغة
بس بروحلها واتطمن عليها
بزعل وبتضايق وبكلم صاحبي وانزل اقعد معاه على القهوة
افضفضلة ويحكيلي واحكيلة وغمة وتنزاح
صلاة جمعة ورا شيخ من اللي قلبك يحبهم تظبط معنوياتك وتعينك على الهم
صلاة تراويح في مسجد فلان ولا علان تخلي الخشوع يرجع وقلبك يقشعر
نزولة على شط النيل في وقت مش زحمة
بخد عربيتي الساعة 4 الفجر وانزل على الكورنيش اشم هوا البلد دي
اطلع المقطم واتفرج عليها من فوق
لسه عاجباني
لسه بحبها
ولسه مش ناوي اسيبها اطلاقا
يمكن مش قادر اغيرها لكن ما زلت صامد ومهربتش
كتر الفساد حقيقي لكن لسه في نور في اخر النفق الضلمة
ازرع في ابنك الخير
لسه في طيبة والله في وشوش الناس ولو دورت هاتلاقيها
في سلبيات بس خليك انت ايجابي وان شاء الله في امل
بس في الاخر
احبابي فيها
ومش هاسيبها
اسف للطالة

الموضوع: أية اللي جري للمصريين

LinkBack

أدوات الموضوع

عرض

-

-

-

-

-

-

-

المواضيع المتشابهه

لنا الله .... ولا عزاء للمصريين

سؤال و محيرني للمصريين

للمصريين وللجزائريين لكم هذا (رائع)

شوف اللى حصل للمصريين الا فى الخارج

حمام سباحة للمصريين الغلابة !

الكلمات الدلالية لهذا الموضوع

المفضلات

المفضلات

ضوابط المشاركة