معلومات هامه قبل شراء الجنوط ..

**ahmedhawas** · 29-04-2012 04:20 PM

تسلم الأيادي .. موضوع ممتاز

**Amr Axel** · 29-04-2012 07:41 PM

تسلم ايديك يا باشا ع الموضوع الجميل ده

خاصة ان ناس كتيير بتركب و خلاص بمعني ادق عايز شكل و خلاص ميمهوش النتايج اللي هتترتب ع اختياره الخاطئ و بيرجع يندم في الاخر ز اللي مقاس الجنط عنده 13 و يروح يركب 15-16 و فرحان أوي و يرجع يشتكي بعد كده

**Amr Axel** · 29-04-2012 08:55 PM

المشاركة الأصلية كتبت بواسطة mohamed_nafie

والله جنوط 15 تركب لو الستوك 13 .. بس عايزة تتحسب صح .. يعني مش جنط وكاوتش ووركب والسلام ... القاعدة العامة إنك تقدر تركب .. مقاسين اكبر أو مقاس واحد اصغر .. بذات المشكلة بتحصل إن لما تكبر الجنط العرض بيزيد وال offset هيتغير بتلاقي الكاوتش يا دوب هيلمس الرفرف مع اول مطب تاخده .. ودا للاسف جهل المشتري بالمواصفات دي .. وإن كل عربية المصنع عارف أحسن حاجة ايه تمشي ولا إنت غيرت يبقى لازم بحسبه مش أي حاجة وخلاص

وشكرا على مرورك :)

ده أكيد و يرجع يندم هو ممكن يتركب في حالات معينة و مكلفة في نفس الوقت
يعني لو مثلا 13 و عايز تركب 15

اولا : تركيب جنط نوعية نضيفة مش الصيني ابو 200 ج الجنط و الحاجات التعبانة دي اللي تخليك تعيط من اول فتحة في الارض هههههههه
ثانيا : مراعاة الوزن انه يكون مساوي للوزن الستوك لمصلحة العفشة الا بقي لو هتغير طقم العفشة لعفشة سبور و برده فيه حسابات مش كشري هي هههههههههه
ثالثا : مراعاة ان قطر الجنط هيكبر يبقي الكاوتش اللي يركب يتم مراعاة الارتفاع بحيث يناسب التغيير ده ميحكش و لا يخبط في الرفرف في اي نقرة او مطب و في نفس الوقت تناسب العرض و الارتفاع مع العامل السابق الخاص بالارتفاع للحصول ع أفضل ثبات يمكن الوصول ليه

و في النهاية شايف ان زي ما حضرتك قولت المصنع عارف أحسن حاجة للعربية ايه
احنا ممكن نلعب في الارتفاع و العرض ع الجنط الستوك في حدود 1-2 سم بالكتيير عشان لو حبييت تزود الثبات لكن مش بشكل مبالغ فيه

**atala** · 13-05-2012 11:56 PM

بصراحة ربنا يجازيكم خير علي الكلام المفيد ده

**الصيداح** · 14-05-2012 03:43 AM

بص يا غالي أنا تقريبا محضر رسالة ماجستير في موضوع الجنوط ده من كثر ما قرأت عنه
وموضوع الأوفست ده هو اللي عذبني لدرجة إني دخلت مواقع هندسية علشان أفهم فيه نقطة واحدة ومش عارف
فلعل وعسى يبقى عندك الرد المفيد

عندنا كل العربيات بتيجي بأوفست معين وهضرب مثال بعربيتي جر أمامي جنط13 والأوفست38 موجب وعرض الجنط5.5
هذا يعني أن أفضل إرتكاز على الجنوط لهذه السيارة عند هذه النقطة

المشكلة كلها لما أحب أجيب جنط15 عرضه أكبر مثلا6.5
كدة فيه زيادة 1 سم
المفروض مثااااااااااااااليا وعلميا صحيحا يكون الأوفست كام وعلى أي أساس؟
بحيث لا يطرأ أي تأثير ضار على السيارة
هل فهمت قصدي أقصد إيه هو الأوفست الجديد اللي ممكن يعتمده صانع العربية لو الجنط الأصلي بتاعها هو الجديد ده؟وعلى أي أساس هتقول إجابتك

السؤال بإختصار (على أي أساس علمي يتم تحديد أفضل نقطة لإرتكاز السيارة عندها(الأوفست)؟؟؟

وشكرا لك جزيلا

**Inteltech** · 14-05-2012 12:15 PM

شرح اكثر من رائع من انسان اكثر من رائع ربنا يبارك لك وفعلا معلومات كثير منها جديد جدا بالنسبة لي

**MohssenRashed** · 14-05-2012 12:47 PM

شرح و معلومات تحفة ربنا يباركلك

**Mohamed_Nafie** · 14-05-2012 05:06 PM

المشاركة الأصلية كتبت بواسطة الصيداح

بص يا غالي أنا تقريبا محضر رسالة ماجستير في موضوع الجنوط ده من كثر ما قرأت عنه
وموضوع الأوفست ده هو اللي عذبني لدرجة إني دخلت مواقع هندسية علشان أفهم فيه نقطة واحدة ومش عارف
فلعل وعسى يبقى عندك الرد المفيد

عندنا كل العربيات بتيجي بأوفست معين وهضرب مثال بعربيتي جر أمامي جنط13 والأوفست38 موجب وعرض الجنط5.5
هذا يعني أن أفضل إرتكاز على الجنوط لهذه السيارة عند هذه النقطة

المشكلة كلها لما أحب أجيب جنط15 عرضه أكبر مثلا6.5
كدة فيه زيادة 1 سم
المفروض مثااااااااااااااليا وعلميا صحيحا يكون الأوفست كام وعلى أي أساس؟
بحيث لا يطرأ أي تأثير ضار على السيارة
هل فهمت قصدي أقصد إيه هو الأوفست الجديد اللي ممكن يعتمده صانع العربية لو الجنط الأصلي بتاعها هو الجديد ده؟وعلى أي أساس هتقول إجابتك

السؤال بإختصار (على أي أساس علمي يتم تحديد أفضل نقطة لإرتكاز السيارة عندها(الأوفست)؟؟؟

وشكرا لك جزيلا

ولا عذاب ولا حاجة ... وربنا مايجيب عذاب باذن الله ... وإن شاء الله يكون ردي مفيد ولو في أي حاجة أنا تحت امرك ...

مبدئيا .. القياسات بتاعت عرض الجنط وقطره بالأنش مش بالسنتيمتر يعني الزياده من 5.5" ل 6.5" في عرض الجنط هي 1" يعني 2.54 سم و واصلا السنتيمتر مش بيستخدم .. بيستخدم الميلمتر ... يعني الزيادة
25.4 مم ...

المثالي بصراحه كده .. إنك متلعبش في العرض الجنط نهائيا ... اخرك تكبره بس ... مع حفظ العرض .. ليه بقى .. ؟؟؟

إنت عشان حضرتك كبرت العرض ال 25.4 مم دول ... لو اخدنا نفس ال offset ال38 مثلا.. هتلقي الجنط طلع بره نص المسافة اللي هي 12.7 مم نحية الرفرف ... وفي نفس الوقت دخل لجوه بنفس ال 12.7 نحية المساعدين ... يعني نص انش جوه ونص انش بره ... لأن offset في النص .. وطبعا 12.7 مم لجوه معناه إنك ممكن الجنط مايركبش أصلا ... ولو ركب ممكن يبقى زانق جوه وممكن يحك... وال 12.7 مم اللي بره ممكن يحك في الرفرف ...

طب والحل ؟؟ زي ماحضرتك شايف كده ... لو زود ال offset الجنط هيدخل جوه ويحك جوه... ولو قللته هيخرج لبره ويحك في الرفرف ..ملهاش حال ... وصانع السياره بيعمل الحسابات دي من قبل ماتتصنع لأن عرض العربيه عليه عامل ومعمول حساب المسافة اللي فيها العجل (أو بما يسمى بئر العجله) إنه عريض ... وشايل حجم العاجله دي ..

وأي استفسار أنا في الخدمه .