ليه اخترت هيونداى ؟؟؟؟

**dolly13** · 03-05-2012 10:55 AM

صباح الخير يانجوم
طبعا كل واحد فينا له قصة لما فكرة يختار عربيته
انا لما رحت اشترى العربية كنت عايزة اشترى لانوس لانها كانت عندنا وجربناها وكنت شايفاها كويسة
لكن زوجى الحبيب فضل يقنعنى اشترى فيرنا وانا مش قابلة شكلها خالص
المهم فضلنا يمكن نص ساعة فى المعرض هو يقنعنى وانا ارفض لحد ماقلت خلاص يمكن هو له رؤية برده
وافقت واشتريناها ومن ساعتها وانا باموت فيها وطبعا بالمقارنة بينها وبين اللانوس من خلال تجربتى لقيتها احسن بكتير
انت بقى احكيلنا اشتريت هيونداى ازاى

**besso33** · 03-05-2012 03:25 PM

انا هقول كلمة بس يمكن تكون محبطة شوية للهيونداوية
الهيونداي تغور طالما من غبور

**hany63** · 03-05-2012 03:42 PM

والله انا تجربتي ابسط من كده
معنديش هيونداي اساسا

**Samir Elshahawy** · 03-05-2012 03:50 PM

المشاركة الأصلية كتبت بواسطة besso33

انا هقول كلمة بس يمكن تكون محبطة شوية للهيونداوية
الهيونداي تغور طالما من غبور

في البداية كنت غير مقتنع بهيونداي لنفس السبب و لكن ...

عندما كان لزاما علي أن أغير سيارتي العزيزة علي (الياريس) بعد أنقضاء أكثر من 3 سنوات حسب قانون الشركة عندنا كنت أفكر برضه و بأصرار علي تويوتا و لكن كورولا التي أختبرت نوعين منها علي مدار 6 اشهر (الجنوب افريقي و الياباني)

لكن نظرا لأرتفاع الاسعار في تويوتا قررت أن أفكر في سيارة أخري
و وقع الاختيار علي سيارة من 2
- الهوندا سيتي
- السوزوكي اس اكس 4
و نظرا لأرتفاع سعر الهوندا سيتي بشكل مبالغ فيه و عدم توافرها بالسوق تم أختيار السوزوكي الهاتشباك و لكن حدثت مفاجأة في اللحظات الاخيرة , أنها لم تكن أيضا متوافرة بالسوق

و هنا تم طرح عدة موديلات بديلة من قبل الشركة جاءت الالنترا الجديدة في أخرها
طبعا طلبت مهلة 48 ساعة لأعادة التقييم و البحث عن الالنترا
و بالصدفة أثناء عملية البحث وجدت مقارنة بين الألنترا الجديدة و الكورولا الشكل الجديد ووجدت تشابها بين السيارتين بالاضافة لتفوق الالنترا في القدرة و الشكل و شكل التابلوه الانيق

لذا بادرت أنا و زملائي بالشركة باختيار هيونداي - ألنترا 2012
و جاء يوم التسليم ووصلت 6 سيارات ألنترا أمام الشركة
و هنا توقفت بجانب سيارتي الياريس و فجأة جاءت أحدي السيارات ال 6 ذات اللون الفضي الذي اخترته و توقفت خلف الياريس مباشرة و هنا قولت "هيا دي عربيتي"

طبعا أستلمت العربية و لكن كنت متضايق شوية نظرا لأنها أول فئة و ليس بها وسائد هوائية أو نظام فرامل مانع للانغلاق كسيارتي الاولي
لكن مع الوقت و مع تكرار سفري بها بدأت أثق بها و وقعت في غرام هيونداي

يكفي أن اقول :
مثلما كانت سيارتي الاولي (اللانوس) سببا في دخولي نايل موتورز لأول مرة
كانت سيارتي الثالثة (الالنترا) السبب في عودتي للمنتدي مرة أخري و ترشيحي لمنصب منسق أهم قسم بالمنتدي

لذا و بعد 7 شهور من أستخدامي لهيونداي - ألنترا الجديدة أقول :

هيونداي الي الأبد

**S O P H O S** · 03-05-2012 07:16 PM

موضوع جميل
بس لسه ما استرتش هيونداي لكن بفكر
وبالنسبة للي معايا حاليا فكان
نصيب مكنتش فكرت فيها يوم وكنت نازل بدور علي حاجة تانية
فالاول والاخر هو نصيب ...
تحياتي

**mody3on** · 03-05-2012 07:27 PM

علشان بتحقق المعادلة الصعبة , قطع غيار متوفرة ورخيصة , اعادة بيع كويسة جدا , تابلوه شكله كويس , وعربية شكلها كويس وعفشة مريحة وقليلة الاعطال
بس لو رجع بيا الزمن هجيب هيونداي برضه بس ب abs وايرباج

**devil_storm** · 03-05-2012 08:32 PM

الهيونداى عربيات جميلة و ناعمة و قليلة الاعطال و اعتمادية جدا بس سعرها بقى زيادة شويه, و فى بدائل ممكن تكون افضل بالسعر ده... لازم سعرها يظبط شوية.

**mahmoud_afifi** · 03-05-2012 09:42 PM

انا مش مقتنع ان في حد بيختار عربيته.
العربيه هي الي بتختاره. اول لما بتركب العربيه بتحس انك مشدود ليها وتقول هي دي.
وتروح للسيلز مان وتطلب ايدها ... قصدي مفاتيحها وتقرا الفاتحه :d

**dolly13** · 03-05-2012 10:05 PM

المشاركة الأصلية كتبت بواسطة hany63

والله انا تجربتي ابسط من كده
معنديش هيونداي اساسا

ايوة يعنى ايه تجربتك مع هيونداى ؟

-

الموضوع: ليه اخترت هيونداى ؟؟؟؟

LinkBack

أدوات الموضوع

عرض

ليه اخترت هيونداى ؟؟؟؟ - انشر الموضوع فى :

-

-

-

-

المواضيع المتشابهه

شرف: اخترت نائبين هما د. حازم الببلاوي و د. علي السملي.

ليه اخترت الاسم ده؟؟؟؟؟؟؟

لهذه الاسباب اخترت مرسيدس مو 83

فى النهاية اخترت النترا ... بس .... !!!! محتاج حد جربها

ازاى اخترت اسم مولودك الجديد

الكلمات الدلالية لهذا الموضوع

المفضلات

المفضلات

ضوابط المشاركة