الموضوع: رابطة ملاك القشقاي اتفضل و شارك معنا

المشاركة الأصلية كتبت بواسطة hanyhmh

السلام عليكم
أخوكم هانى حسن من السويس
استلمت عربية نيسان قشقاى من الغمرى فى الاسماعيليه من حوالى شهرين ولما ذهبت علشان اعمل صيانه 1000 كيلو فى توكيل السبع اللى فى زهراء المعادى سألني مهندس الصيانه على المشاكل اللى فى العربيه قلتله أن صوت التكييف عالى وفيه صوت فى الكاوتش اليمين المهم عملوا صيانه اﻻلف وقالى حضرتك استلمت العربيه ديه ازاى وفيها مشكله فى التكييف قلتله المشكله ديه انا مشفتهش اﻻ بعد ما استلمت العرييه قالى على العموم العربيه فى الضمان وهتتصلح فيه مقاومه بايظه فى التكييف واحنا طلبنها لحضرتك واول ما هتوصل هنكلم حضرتك والموضوع ده بقاله شهر ونص وكل ما اتصل بيهم يقلولى كلم المهندس اللى عملك الصيانه اكلم مهندس الصيانه يقولى كلم قطع الغيار وشغالين على كده المهم عملت شكوى فى شركه نيسان والناس كانوا محترمين جدا جدا واخدت رقم الشكوى 6123 وقالولى خلال 72 ساعه المشكله هتتحل ومفيش اى جديد وكلمت شركه نيسان النهارده وبعد انتظار 10 دقائق على التليفون رد أستاذ اسمه اسﻻم وقالى أن قسم الشكاوى مشغول وأنه هيبلغهم وهيتصلوا بيا وطبعا زى ما حضرتكم عارفين مفيش حد هيتصل بي انا اسف على اﻻطاله بس ارجو من أصحاب الخبرة انهم يفيدونى اعمل ايه علشان ارجع حقى وأصلح عربيتى

وعليكم السلام و رحمة الله وبركاته

الاخ الكريم الفاضل الاستاذ هاني

اهلا بك معنا اخ جديد للرابطة و اتشرفنا بمعاليك

ان شاء الله الموضوع يكون بسيط ويتحل و واضح انهم مش عارفين يوفرو قطعة الغيار التي سيتم اسنبدالها لذلك بيحاولو يستفيدو من عامل الوقت بما ذكرته حضرتك

انا رأيي ان حضرتك تحضر مرة اخري للقاهرة وتأتي مبكرا وتطلب من السبع اعطائك ما يفيد تحديد العيب كتابة و انهم مازالو لم يوفرو قطعة الغيار او في طريقهم لتوفيرها وتذكر المدة الزمنية في انتظارها

ثم تتوجه لاوتو ايجيبت وتطلب منهم الكشف علي التكييف و لما يقرو انه به عيب تطلب منهم ما يفيد انه ليس من سوء الاستخدام و يقرو كتابة انه تم الكشف وتلاحظ ان به ( خلل ما او عيب صناعة ) وانهم في سبيلهم لتوفير قطعة الغيار و اذا كان مازال عندك وقت حود علي مودرن

و هتطلب ايضا نفس الطلب

ثم ستقوم بالاتصال بنيسان مرة اخري و تهددهم بأن معك اقرار من مراكز الخدمة بالعيب و مع ذلك حتي الان لا حس و لا خبر و انك ستصعد الموضوع ان لم تكن هناك شفافية كاملة منهم معك بشأن الشكوي و ستقوم بأبلاغ جهاز حماية المستهلك و تحرير شكوي فيهم بما لديك من مستندات

و ان شاء الله نطمئن من حضرتك قريبا و لو امكن تذكر اسم مهندس بتاع صيانة السبع اللي انت علي تواصل معه يمكن اقدر اساعد في شئ

المشاركة الأصلية كتبت بواسطة hanyhmh

مهندس حاتم
شكرا على الرد والنصائح الغاليه
مهندس الصيانه اللى فى مركز السبع اسمه أحمد ناجى وعلى فكره هو راجل محترم جدا وعلى خلق
وانا طلبت منه لما كنت فى المركز تقرير على العيب اللى فى السياره وهو رفض وقالى متقلقش حضرتك فى الضمان وانا اتصلت النهارده تانى بنيسان أوتو ايجيبت ومستنى اتصال منهم بس أن شاء الله انا بكره هاحاول اروح السبع واطلب منهم تقرير زى ما حضرتك اقترحت

لا شكر علي واجب يا فندم
انا الان في السبع وبعمل صيانة ال 20 الف بفضل الله
وانا رأيي ان حضرتك تصر علي اثبات العيب في ورقة استلام العربية وتشخيصة
ولو لم يستجيب اطلب مقابلة مدير المركز
وان شاء الله تخلص علي خير
تحياتي لحضرتك

المشاركة الأصلية كتبت بواسطة hanyhmh

مهندس حاتم
شركه نيسان كلمتنى وقالولى أن مركز السبع طلب القطعه غلط وأنهم حاليا طلبوا القطعه الصحيحه وفى انتظار تسلمها وبصراحة انا مش مصدقهم ﻻنى لما سألتهم امتى ميعاد استلام القطعه قالوا منقدرش نحدد الميعاد بالظبط وهنتصل بحضرتك تانى اول ما القطعه تصل ايه رأى حضرتك ؟ مع العلم أن بلغتهم انى مسافر السعوديه بعد اسبوع وقالولى انهم هيستعجلوا القطعه علشان يركبوها أﻻسبوع القادم إن شاء الله و انا بشكر حضرتك على اهتمامك بالموضوع

اخي الكريم الاستاذ هاني

اري ان نيسان تخسر كثيرا لو شوهت مركز الخدمة المعتمد لديها و هو ( السبع ) او اي مركز معتمد لديها

و من هذا المنطق استطيع ان اتصور انهم صادقين في كلامهم لك فمن الممكن ان يكون مهندس السبع قد شخص العيب بسبب قطعة معينة و ارسل لطلبها لحل المشكلة
و حين تم ارسال المشكلة لنيسان الام عدلو له القطعة المطلوبة ( كل هذا جائز ) ومن هنا جاء التأخير

عموما انا اري ايا كان المتسبب في التأخير سواء ( السبع ) كمركز خدمة او نيسان ( الوكيل ) فالمشكلة عند الوكيل و هم اخيرا نيسان

و لذلك فأري ان تصبر حضرتك معهم و تذكرهم تاني في اخر الاسبوع حتي يفو بوعودهم لك بحل المشكلة اول الاسبوع القادم بأذن الله

و ان شاء الله ننتظر ان حضرتك تطمئننا