بس معلش عاوز اقول حاجه
كل العربيات المذكوره فى الموضوع من اوله لاخره .مع احترامى عربيات ركوب و ليست رياضيه .
لو هنتكلم بجد العربيات الرياضيه اللى هى لما بتشوفها بتتجنن و تتحسر بجد .هى فئات معينه من البورش و الحجات الرهيبه دى .
انا لسه من اسبوع شفت عربيتين ورا بعض فى المعادى .وحوش هههههههههه.كفايه صوت مواتيرهم و هما بيعدوا من جنبى و انا راكن و كانوا مشيين 30 او 40 فقط و مع اول كيك دون فى ملف العربيه عملت احلى دريفت بالبورش و خد ال 90 درجه زى الحلاوه و دفع خلفى و تعقيد بجد .و الله كنت مستنى ناس و كنت عاوز ابيعهم و اروح اتفرج عليهم و انا سمعت صوتهم ابتدى يشد و بجد تحس ان العربيات دى 3d و عربياتنا كرتون مثلا جنبيهم .
و لا سيراتو و لا باسات و لا فيات و لا كورى و لا اوروبى فئة الركوب العاديه السيدان .عمر دول ما يتحسبوا سبور ابدا جنب البورش و الفيرارى و غيرهم .
انا بجد تعبت من المناقشات دى .يعنى من الاخر الفرق بينهم مش كبير و كلهم صفر على الشمال جنب العربيات الاسبور و الحجات الوهميه دى .
و مش عوزين كل شويه نزعل من بعض و نقعد نطلع القطط الفطسانه فى كل قسم و كل عربيه .و نسخن بعض و نصور فيديوهات تسارع و غيره و نسخن و نشد فى الشارع و نبهدل الطرق و الماره و حياة الناس .
انا بجد كرهت السرعه و السواقه .الطرق كلها زحمه و الواحد كره ينزل الشارع اصلا ,زحمه زحمه زحمه ,خلاص و كله بيمشى عكس .مبقتش عيشه و كمان مش عاجبهم .خلاص بجد زهقت و قرفت .انا بضيع وقت كبير فى السواقه فى اى مشوار و حتى لو اخدت تاكسى .بصراحه مصر محتاجه كمان 3 خطوط مترو محترمين زى باقى الدول الكبرى المحترمه .نفسى اوصل قبل معادى او حتى فى معادى .و التريلات مليه الطرق و الحوادث للركب .
بجد بقت ماساه بنعيشها .و بقت حاسس انى بدل ما بركب عربيه عشان استريح بقيت اكنى سواق عليها من كتر الوقت اللى بيضعه فيها من كتر الزحمه و غيرها .
و ربنا يسترها علينا كلنا .
المفضلات