الموضوع: مفاجاه من العيار الثقيل .مقاسات الكوتش للسيراتو من كيا كوريا .جديده....

المشاركة الأصلية كتبت بواسطة formulator

+1
معاك يا حسام،
بس الأفضل التعريض + البروفايل يتغيروا، حفاظا على الـGround-Clearance بتاع العربية..
- يعنى مثلا كاوتش 205/55 R16 لو عايز يعرض.. يبقى 225/50 R16 (الفرق 2.5 ملليمتر توطية)،
لكن اللى يحسبها نمرة واحدة أعلى على نفس البروفايل = غلط (يعنى 215 ماينفعش).

@ أبوليلى وشهدى:
ياجماعة 1 سم تعلية للعربية كتييييييييييير جدا، ده فرق كبيييييير.. وخطر أوى فـ تأثيره عـ الثبات؟؟!!!

+111111111111111111111111111111
معاك فى دى .


+111
أساسى فيه اختلاف فـ العفشة، أنا من أول صفحة كنت عايز أقول كده..



للاسف العفشه هى هى و كل حاجه زى ما هى ما عدا الكوبيه ال 2400 الكاليبرز و الدسكات اكبر سنه بسيطه اوى .
لأن العربية اللى moha4tec جايب مقاساتها Forte 2.0

حضرتك المقاسات اللى انا جايبها دى من موقع التوكيل فى كوريا .و الموقع ده للاسف مش جايب سيره ال 1600 فى اى شىء للاسف . و ال 3 موديلات زى بعض ما عدا الموتور و البور و دواسة البنزين فقط و شوية كماليات تانيه زى حساس الهوا فى العجل و ال ESP و كده .لكن كل الاساسيات وحده .و بعدين انت راجل فاهم جدا ان اكيد لما هشوف اى فرق فى العفشه مش هعمل الموضوع ده اصلا من اوله او على الاقل كنت هذكره .و على فكره انا احب اقرا تعليفاتك كلها لانى بستفاد منها كتير و سعات بكون ناسى حجات او غيبه عنى و انت بتفكرنى بيها .و بجد مشكور على التعليق المميز و الف مبروك على التكريم .
فروق الكاوتش هيعوضها (الـManufacturer كيا) بسوست أوطى وممكن مساعد مشوار أقصر كمان..؟!!

للاسف كلهم زى بعض و مفيش اى فرق

وهتلاقى الـForte 2.4 ليه مقاسات غير برضه؟؟!!!

ده الطبيعى، كل ما الـPower-Trim بتاع الموديل يعلى، لازم كاوتش أعرض وground-clearance أقل..!!
كلهم زى بعض و حتى نفس مشاكل العفشه و نفس التعويمه و كل حاجه بالملى

- شوفوا الفرق بين الـ330 والـ320/316 فـ العفشة والكاوتش،
حضرتك دى موديلات مختلفه من نفس الشركه .ما هو السيراتو غير الكادينزا و غير الريو مثلا .
- البرافو الـ150 حصان أوطى من الـ120 حصان بـ1سم (فرق سوست).. وبيركب عليها جنط 18" مابينزلش عـ الـ120 حصان (آخرها 17")..
يا بشمهند س شركة فيات دى عظيمه انما كيا بتنزل عفشه وحده و شاسيه واحد لكل الموديل و بتغير بس فى الموتور و شوية كماليات .
حضرتك نفس السيراتو ال 1600 و 200و 2400 كلهم جنوط من 15 الى 17 و نفس مقاس الكوتش و كل شىء و نفس العفشه و الله العظيم .اقولك حاجه تانيه غريبه .عفشة الفيلوستر هى هى عفشة السيراتو الخلفيه .


أعتقد الموتور الـ1.6 (+ الـSetup بتاع العفشة) ياجماعة ليه Limits ماينفعش تعديها، وتعلية العربية أخطر من الـLowering..؟؟!!!
نفس الSETUP فيهم كلهم و مفيش اختلاف و على فكره انا مركب بارات التراريس على عربيتى 1600 و هى اصلا بتاعة ال 2400 و 2000 .و انت عارف ان البارات بتمسك العفشه و الشاسيه . و لو هما ركبوا عندى يبقوا نفس الست اب .و انا دققت و مققت فى الموضوع ده قبل ما اشترى البارات .


أنا ضد انك تعلى العربية بأى طريقة،

رأيى التزم بنفس المقاس (أو عرض ببروفايل غير = نفس الإرتفاع)..
+1111111111111
معاك فى دى اوى اوى .و ان محدش يغير اى شىء الا لما يكون متاكد و حسبها كويس جدا .
تجيب فردة Performance زى الأدرينالين لو عايز أداء، أو فردة Comfort/Super-Silent لو عايز نعومة (الميشلان والبيريللى مثلا)..!!

Regards،

و معاك فى دى كمان بس مش شرط اشترى فرده غاليه اوى كده .انا بشوف الريفيوهات على النت و انقى و افاضل بين احسن 3 انواع كوتش و اقارن من اللى موجود فى السوق عندنا .
على فكره الادرينالين مش موجوده اصلا و خلصت و الفرجن الجديد لسه هينزل بعد شهر 6 ان شاء الله .
ادرينالين 02 .
و على فكره المقاس الاستوك بيدى قرايه غلط اللى فى 17 اللى هو 215/45/17 و القرايه الصح لما اركب ال 225/45/17 و حتى هما لاحظوا الموضوع ده فى امريكا و عدلوا الكلام بس المستهلكين مش التوكيل يعنى .