الموضوع: مفاجاه من العيار الثقيل .مقاسات الكوتش للسيراتو من كيا كوريا .جديده....

المشاركة الأصلية كتبت بواسطة ammarhameda

بس ياجماعة هل قياس رح يخلي الكيلو متراج يختلف قرائته 215/50/17

وهل قياس رح يخلي السيارة يزيد مصروف البنزين فيها 225/45/17
من غير شي مصروفا عالي السيارة يعني بصراحة شي بحير

السلام عليكم
المقاس 215/50/17 هيريح العفشه جدا و مش هيفرق كتير فى قرايه عداد الكيلو متر .
و لما تكون سرعتك 100 هيديك على العداد 98.1 كم /ساعه .يعنى مش فرق جامد اوى .و مش هيفرق معاك فى البنزين كتير و ممكن ميفرقش خالص.
المقاس 225/45/17 العرض زاد 1سم فق.و ده هيزود الثبات و قوة الفرامل شىء بسيط و هيزود الاستهلاك كمان حاجه بسيطه لان سطح التلامس مع الارض زاد فى كل فرده 1 سم =4 سم فى العربيه كلها .
توضيح و اختصار :
لو انت مش بتاع جرى و شد بالعربيه و غرز و سباق و كده .و تحب العربيه تبقى طريه و ناعمه و مريحه معاك على الطريق و يهمك استهلاك البنزين جامد يبقى خليك فى المقاس 215/50/17
لو عاوز ثبات اكتر و فرامل اقوى و بتاع جرى و شد و مش فارقه معاك استهلاك البنزين او ان العربيه مش هتكون طريه زى المقاس السابق .يبقى خليك فى المقاس 225/45/17 .
و الله اعلم.
اختار حسب متطلباتك و احتياجاتك

المشاركة الأصلية كتبت بواسطة ammarhameda

شكرا كتير وبارك الله فيك اخي الكريم
215/50/17بالنسبة لتكبير بيأثر شي على المحرك او دوزان السيارة او على اي شي
وشكرا

السلام عليكم
الشكر لله .
مش مؤثر على الموتور و لكن
العربيه هتعلى نصف سم تقريبا .و ده طبعا بياثر على الثبات و هيقلله و هيقلل التوازن طبعا .بس حاجه بسيطه جدا جدا .
و الله اعلم
انا عامل الموضوع ده مخصوص عشان نتناقش و نتحاور و نوصل لاحسن اختيار .
انا مش باكد معلومه او بنفيها .انا عرضت المقاسات اللى نزله من المصنع و من موقع كيا كوريا .
و طبعا كل واحد و ليه حرية الاختيار .
اهم حاجه اننا نتفق على ثوابت معينه اللى بيها نوصل لاحسن اختيار باذن الله .