التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

**CryptonX** · 22-05-2012 01:54 AM

العالم كله مستني تقريرك بامناسبة و طلع التيجو المرة دي احلي بقي علشان تبقي واقعية اكتر. .. تصبح علي خير

**SAMEH_FOUAD** · 22-05-2012 02:07 AM

احمد ايهاب جابلك المفيد وكويس انك ماقريتش كلامى عشان لانة مش هيتغير ولا عمرة ماهيتغير

وماعتقدش انك كنت هتعرف ترد علية غير بنفس الحجج لانكوا ماعندكوش غيرها ( اوبشن- شكل )

**Mohamed.Ramah** · 22-05-2012 03:31 AM

برضو انتو عديتو الكلام القولتو ورجعتو لنفس النقطة مع انى عملت تقرير علشان اوضح الفرق لاكن واضح زى ما قال سعد زغلول (مفيش فايدة ) !

يا اخواتى فى المنتدى احنا جايبين عربيات لية واية السبب هل علشان نتباها بيها فهى ليست مجالها الفئة البنتكلم فيها دة هل للسباق برضو مش مخصصة لدة لانها ببساطة مش مجهزة لدة وتدرج تحت فئة Family car

ولا الطرق فى مصر مؤهلة لدة عاوزة سواق وبرضو ممكن يغلط ويضيع نفسة فياريت تستهدو شوية وخدو نفس نفس هواء لا حد يفهمنى غلط هههههههههه

وكل واحد مقتنع عربيتة دة الطبيعى وكل واحد لية رؤية خاصة بية ودة حرية شخصية فياريت كفاية مقارنة وكلام كلة يعتبر واحد الهوندا والالنترا العربيتين يعتبرو فئة واحدة ولاكن بيزيد على الهوندا انها اقدم فى المجال فافضل فى بعض الاشياء من هيونداى ولاكن هيونداى بتطور ودة بدليل انها بدات تحصد جوايز زى

north america the car of the year 2012

2012 alg residual value award

*ولللعم سعر هوندا فى الخارج 15.955 دولار بما يعادل 103.700 جنية مصرى

*والهيونداى النترا سعرها $16,026 بما يعادل 104.169 جنية مصرى

*فالشايف انة راكب هوندا نفس الكلام يندرج على سيارات المانى زى الجيتا السعرها يعتبر نفس سعر الالنترا فى الخارج وغيرها من السيارات وبيعتبر انة افضل من باقى السيارات دة وهم التوكيلات المعيش فيها المصريين وبيقنعهم

انهم فعلا فى فئة اعلى برفع السعر وممكن جداا خلال سنة او اكثر نلاقى الهيونداى طورت اكثر ونزلت بنفس سعر الهوندا اية اليمنع ومش حيكون فى فرق ولا سعر ولا كماليات ولاكن غبور تسويقيا افضل من هوندا وبيعرف يختار سعر للفئة ويلعب علية بزيادة اوبشن ويبتدى يقسم العربية لاكثر من فئة علشان يكسب

*وللعلم ايضا ان تقييم السيارتين بالتجهيزات الاساسية فى الخارج وبكل الاوبشن الغير متوفر عندنا كالموتور ووسائل الامان فبرضو تقييم الهوندا والجيتا اقل من تقييم الالنترا والموضوع هنا مبقاش كماليات وبس

ونزول هيونداى المسوء سمعتها توكيلها ويتنزل فاضية ولا بموتور 1.8 ولا بنفس تجهيزات الامان فبتدرج على انها اقل فى مصر ولاكن الغريب ان سعر اترفع والعربية كخامات وكماليات بقت اسواء بالاضافة مقدمتش جديد فى الفئة دة

ودة فكرة ان الهوندا نزلت فى الاختبار والتقييم انا وضحت لية وجبت الدليل من موقع بتستشهدو بية وفى عربيات افضل من الهوندا فى نفس السعر والالنترا ايضا ولو كل مالك لعربية دخل الموضوع علشان يثبت ان سيارتة الاحسن فمش حنخلص

فياريت رجاء خاص كفاية لان الموضوع اتحول لتحدى مش عارف على اية وفى الاخر كل واحد منكم بينزل يسوق عربية المبسوط بيها والمقتنع بشراءها فقط واتمنى ان الكلام مياخدش مجرى اخر ,,

**ahmedeihab** · 22-05-2012 11:10 AM

المشاركة الأصلية كتبت بواسطة devil_storm

احمد ايهاب باشا قلنا 100 مرة ان العربيات دى عربيات اقتصادية مش عربيات سباق و شد و جرى بس انا موافق نعمل اختبار صغير على حاجة و نشوف.

بص انا معيش النترا فى مصر ...بس معايا عربية فيرنا موديل 2009مانيوال احصنة 106 حصان بس ( احصنى كورى تعبانة ذى ما بتقولة) و مستعد اطلع معاك باى عربية سيفيك موديل 2008 و انت طالع... انا حاليا بره مصر و نازل مصر اخر الشهر ده... لو على الجرى و الشد اللى حيثبت اذا كانت عربية حلوة ولا لا... خلينا نشوف السفيك حتعمل اية مع عربية بربع ثمنه و اقل منها بى 20 حصان ... و منها نقدر نشوف فرق الجرى يستاهل فرق السعر ولا لا.

انا موافق اطلع معاك بالفيرنا فى اول اسبوعين من شهر 6 ...السباق حيكون على طريق العين السخنة من ثبات لمسافة 1 كيلو...حنعلم نقطة نهاية السباق بعد 1 كيلو و حيستنى واحد يصور اللى يوصل الاول.

الهدف من السباق نشوف هل الهورس باور الكورى نصب ولا حقيقى ...هل ارقام من هيونداى و خلاص ذى ما بتقولة؟؟ و ده يبان فى تسارع العربية لمسافة 1 كيلو... اكتر من كده مش مقياس و بيعتمد على مهارة السواق.... خلينا نشوف 106 حصان ( احصنة كورى نصب ) قدام 125 حصان ( احصنة يبانى ) و نستنتج منها اذا كان الهورس باور الكورى حقيقى و لا ارقام نصب ذى ما بتقولة.

انا مبقولش انى حسبق الهوندا بالفيرنا لان فرق 20 حصان مش قليل ...من الارقام طبيعى الهوندا حتعلم على الفيرنا لانهل لو معلمتش عليها و بمسافة كمان تبقى بجد عيبة كبيرة فى حقها؟؟؟ خلينا نشوف تجربة عملية للافادة الجماعية.

انا موافق و الله يا كبير
السيارات المتوفره حاليا SI & SIR
و اللى متوافر معاهم سيفيك 2008 غير موجودين فى مصر
اختار انت من ال SI or SIR فى الوقت اللى جاى ده
و اكيد الفارق مش هيبقى كبير علشان اصحاب السيفيك الجيل التامن فى المنتدى عربياتهم اتوماتيك
اما بلنسبه لو عايز فارق كبير اختار من الاتنين اللى فوق دول
و الله الموفق
^_^

المشاركة الأصلية كتبت بواسطة mody3on

اللي يتفرج عالموضوع يلاحظ حاجة , لما احنا ( هيونداي ) بنتكلم على الالنترا بنذكر عيوبها ومميزاتها , انما سبحان الله هوندا نازلة من المريخ من غير اي عيوب خالص , ما شاء الله هو بس ربنا من على بعض الناس بالفهم وعرفوا ان هوندا هي احسن شركة تصنيع سيارات في التاريخ وغير كده حناطير , انما الناس التانيين للاسف مضحوك عليهم وراكبين عربيات اي كلام وبسعر غالي جدا ( 150 الف تخيل مع ان السيفيك ب 200 الف بس !! ) واوبشن اي كلام ووسائل امان معدومة ( 2 ايرباج و ABS و EBD ) بس السيفيك بقى نازلة بكل وسائل الامان ( ABS - EBD - 2 Airbags - vsa ) , مع ان ال vsa مش حاجة خرافية يعني , الشكل اللي كل الناس بتجمع على انه افضل من العك بتاع السيفيك الجديدة بقى تعبان وملوش لازمة ( مع ان السيفيك القديمة كان شكلها جمييييييل , دلوقتي بقينا بنحكم بالشكل ) , اه اصل الشكل والشاسيه والاوبشن والكراسي والدركسيون اللي بينزلوا بره غير اللي بينزلوا هنا , والخبراء اكيد مش بيفهموا زي اي واحد راكب هوندا .. ارحمنا يا رب
انا عن نفسي اعلن ان السيفيك اكتسحت الالنترا لما تدخل على اي موقع وتلاقي مكتوب في تصنيف العربيتين ( sports car ) اه ساعتها اقول السيفيك شد وجري وغرز وبتنجان يبقى السيفيك احسن

باشا صباح الفل احنا قلنا ان الهوندا الجيل التاسع اللى هى 2012 منزلتش
علشان دى عربيه من اوحش عربيات الهوندا و احنا بنعترف بلكلام ده
لكن غير كده متجيبش سيره اى هوندا و تقول عليها وحشه
^_^

**mody3on** · 22-05-2012 11:58 AM

المشاركة الأصلية كتبت بواسطة ahmedeihab

باشا صباح الفل احنا قلنا ان الهوندا الجيل التاسع اللى هى 2012 منزلتش
علشان دى عربيه من اوحش عربيات الهوندا و احنا بنعترف بلكلام ده
لكن غير كده متجيبش سيره اى هوندا و تقول عليها وحشه
^_^

يا احمد باشا الموضوع بيتكلم عالسيفيك 2012 والالنترا 2012 , مش عارف ليه مصرين تتكلموا عالجيل الثامن , صاحب الموضوع اصلا بيتكلم على العربيتين الزيرو مش القديم والجديد , يبقى مفروض على الاقل تعترف ان هوندا بتتاخر وهيونداي بتتقدم
لما تقارن جيل قديم قارنه بالقديم , فعلا السيفيك 2010 احسن بكتير من الالنترا 2010
بس شوف ال 2012 في الاتنين وقارن !
http://www.youtube.com/watch?v=LuDiDN_m0Rg&feature=plcp

**ahmedeihab** · 22-05-2012 12:26 PM

المشاركة الأصلية كتبت بواسطة mody3on

يا احمد باشا الموضوع بيتكلم عالسيفيك 2012 والالنترا 2012 , مش عارف ليه مصرين تتكلموا عالجيل الثامن , صاحب الموضوع اصلا بيتكلم على العربيتين الزيرو مش القديم والجديد , يبقى مفروض على الاقل تعترف ان هوندا بتتاخر وهيونداي بتتقدم
لما تقارن جيل قديم قارنه بالقديم , فعلا السيفيك 2010 احسن بكتير من الالنترا 2010
بس شوف ال 2012 في الاتنين وقارن !
http://www.youtube.com/watch?v=ludidn_m0rg&feature=plcp

يا باشا انا طول ما انتوا بتتكلموا على السيفيك ال 2012 انا ملتزم الصمت علشان عربيه دون المستوى
بس بردو انتوا مزودينها شويه على الالنترا ال 2012 بردو
بس انا كنت قريت تعليق من التعليقات بيتكلم عن الناس الفتايه و الجيل التامن و رجاله الهوندا ده مينفعش نسكت عليه ولا انت رأيك أيه؟؟؟
انما طول ما انتوا بتتكلموا على السيفيك ال 2012 انا ساكت بس لما تعديل بتاعها ينزل هتكلم بقلب جامد
طبعا لو كنت دخلت على القسم بتاعنا هتلاقى ان السيفيك ال 2012 اتعمل عليها تعديل و هتزل فى السوق مره تانيه فى 2013 كامله بأوبشنات هنخليهالكوا مفاجأه
ولو جيت قارنت السيفيك الجيل التامن بالالنترا 2012 هتلاقى ان السيفيك مكتسحه فى كل حاجه
^_^

**SAMEH_FOUAD** · 22-05-2012 12:30 PM

بعد تفكير وتروى وعشان سمعة السيارة زى لتر البنزين مابيتحرقش غير مرة واحدة بس انا هكتفى بانى اقول عيوب العربية فى الموضوع دة بعد ماكنت هعملة فى موضوع تانى مع تأثير من احمد ايهاب , واليكم التقرير التالى : وكلة بالادلة

عيوب الالنترا 2012 :

1- كان فية زميل بيقول انه واسعة جدا بحرررررررر واوسع من عربيات كتير وبتصنف كا MID-SIZE مش COMPACT

طيب ياريت نشوف كدة الصورة دية الراجل ظابط الكرسى الامامى على وضعية ان الكرسى مايعديش قايم السيارة
ورجلية خابطة فى الكرسى الامامى امال لو رجع الكرسى للاخر زى مزميلنا بيقول كان الراجل اتفعص بقى , ودماغة خابطة فى السقف وادى الصورة تعالوا بينا نشوف على فكرة مكتوب فى الموقع انها ( compact sedan )

العيب الثانى :

طبعا الناس اللى بتقول الخامات جامدة طيب اتفرجوا على العربية ونشوف ولا دول بردة عندهم غبور وشايل منهم الخامات الجلد وحاططلهم بلاستيك

- التصميم الجميل الى انتوا فرحانين بية ( اولا زاوية رؤية صعبة + زجاج خلفى صغير جدا + ارتفاع مستوى الشنطة يخليك ماتعرفش تشوف حاجة

ودة الفيديو عشان المصداقية

2011 Hyundai Elantra - Five Things We Don't Like - YouTube

العيب الرابع :

1- حدفة السيارة ودة موجود فى معظم موديلات الكورى مش عارف لية طبعا اخرها السيراتو

ودة الفيديو

Hyundai Elantra Problems - Elantra Power Steering - Elantra Pulls to Left - Reviews - YouTube

3- بيقولوا ان الالنترا 148 حصان والسيفيك 138 حصان ومع ذلك فان ارقام التسارع كالاتى :

1- تسارع الالنترا 1800 سى سى 148 حصان : من صفر الى 100 فى 9.5 ثانية ومن غير ال rollout 9.3 ثانية , على فكرة تسارع ال1600 10.5 ثانية

2- تسارع السيفيك ال 138 حصان محرك 1800 سى سى فى : 9.0 ثانية من غير ال rollout طيب تيجى ازاى

العيب الخامس :

1- العربية طبعا بطنابير خلفية ودة عشان يسترخصوا

2- العربية نازلة بعفشة غيرة مستقلة وطبعا بيديها عدم الثبات على الفواصل

3- العربية تعليقها خفيف وبتتحرك كتير مع مطبات الهواء تفضل تتطلع وتنزل اكتر من مرة

4- مساعدين العربية خفيفة اى تحميل عليها فى الكنبة الخلفية بتنزل جامد

5- لا يوجد تصفيح اسفل السيارة

6- طبعا شكل العربية فى النور الخلفى بتاعها وحش جدا خصوصا ان الشنطة كلها فاضية مافيهاش نور واحد ويدويك بس على كل الفانوس الطويل العريض دة لمبة صغيرة بربع جنية بتنور والفانوس كلة مظلم

7- طبعا لاقدر الله اى حكة فى العربية الفانوس هيتاخد فى الرجلين معاها سواء من الامام او الخلف وطبعا دة هيكون مكلف جدا

8- العربية قريبة من الارض ومن السهل جدا تحك فى اى مطب

9- المحرك صوتة عالى بعد عدد لفات 3500 وصوتة غير محبب خالص

10- العربية ناشفة فى المطبات

11- بعد ال140 توجية العربية بيبدأ يخف وبالتالى بتحس ان العربية تدريجا ان الهواء هو اللى شايلها

12- الكرسى غير مريح على المسافات الطويلةى يعنى انا لما ركبتها الكرسى كان خاماتة ناشفة ولو كنت قعدت اكتر من كدة اكيد كان هيبقى غير مريح تماما

13- كاتبين سرعة 260 كم فى العداد بمناسبة اية ان شاء الله وعلى فكرة انتقضوها فى اختبارات كتير لانها عربية مدينة مش عربية رياضية كان حلو 240 اوى اية لزمتها ال260 كم ودة مش كلامى دة كلا الناس اللى انتوا بتقولوا عليهم خبراء

العيب السادس :

1- طبعا قرب البدالات من بعضها مش عارف اية الحكمة لان البدالات قريبة جدا من بعض وبعدين شكلها معمول فى التوفيقة الصراحة ودية صورة كدة على الماشى بتفكرنى ببدالات السيات 133 بس دية على اكبر

-

-

-

الموضوع: التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

LinkBack

أدوات الموضوع

عرض

-

-

-

-

المواضيع المتشابهه

تقرير شخصى عن 2012 ومقارنتها بالبومة

ممكن الاقى فين بدى كيت لهيونداى الالنترا 2012

bmw 118i 2012 or sicrocco 2012 or eos 2012 audi a3 2012

bmw 118i 2012 or sicrocco 2012 or eos 2012 audi a3 2012-مناقشة

صيانة 5000 لهيونداى النترا 2012

الكلمات الدلالية لهذا الموضوع

المفضلات

المفضلات

ضوابط المشاركة